MATHAÏOS 20:3 - Khasi CL Bible (BSI)

³ U la leit biang sha ka jaka ïew ha ka por khyndai baje, bad u la ïohi katto katne ngut ki rangbah kiba ïa-ïeng hangta khlem kam,

KA BAIBL

³ Haba u la leit ruh hamar kaba lai baje, u la ïohi ïa kiwei kiba ïeng kai ha ka jaka ïew;

MATHAÏOS 20:3 ပူးပေါင်းရင်းမြစ်များ

PROBERB 19:15

Leh jaipdeh lada phi kwah; ïai thiah sah, hynrei phin shahthngan.

ESEKIEL 16:49

Ma ka bad ki khun kynthei jong ka ki la sngewsarong namar ki la don kyrhai ban bam bad im ha ka jingsuk bad ka jingjar jar, hynrei kim shym la sumar ïa kiba duk bad ïa kiba rangli.

MATHAÏOS 20:2

U la mynjur ban siew ïa ki ka bainong sngi, shi sbai rupa shi sngi, bad u la phah ïa ki ban trei ha ka bri sohwaiñ jong u.

MATHAÏOS 20:4

kumta u la ong ïa ki, ‘Phi ruh khie leit bad trei ha ka bri sohwaiñ, bad ngan siew ka bainong kaba biang.’ Kumta ki la leit.

MARKOS 15:25

Ka la long khyndai baje mynstep mynba ki la sahnarphna ïa u.

KI KAM 16:19

Haba ki kynrad jong ka ki sngewthuh ba ka lad thaw pisa jong ki ka la duh noh, ki la kem ïa u Paul bad u Silas bad ki la tan ïa ki sha ki bor synshar ha ka jaka ïew.

KI KAM 2:15

Kine ki briew kim shym buaid, kumba phi tharai; ka dang khyndai baje mynstep.

1 TIMOTHI 5:13

Ki nang ruh ban pynlehnoh-ei ïa la ka por ha kaba kyntiap na kawei ka ïing sha kawei pat; hynrei kaba kham sniew, ki nang ban ïa-lorni bad pynsyrwa ei ïa ka por, da kaba ki kren ïa kiei kiei kiba kim dei ban kren.

HEBRU 6:12

Ngim kwah ïa phi ba phin long kiba alhia, hynrei ban long kum kita kiba ngeit bad ban long kiba ïaishah, bad kumta ban ïohpdiang ïa kaei kaba U Blei u la kular.