MATHAÏOS 20:15 - Khasi CL Bible (BSI)

¹⁵ Hato ngam don ka hok ban leh katba nga sngewbit ïa la ka jong ka pisa? Ne phi ïa-bishni namar ba nga long uba sbun?’ ”

KA BAIBL

¹⁵ Kam bit ïa nga ban leh ïa kaba nga mon da la ki jong? Ne ka khmat jong me ka long ka basniew naba nga long u babha?’

MATHAÏOS 20:15 ပူးပေါင်းရင်းမြစ်များ

EKSODOS 33:19

U Trai u la jubab, “Ngan pynïaid ha khmat jong me ïa ka jingitynnat jong nga baroh, bad hangta haba me don, ngan pynbna ïa ka kyrteng kaba kyntang jong nga. Nga long U Trai bad ngan lehsbun bad leh-isynei ïa kito kiba nga jied.

PROBERB 23:6

Wat ïabam ha ka miej u briew uba khapnap lane uba kwah lalot ïa ki jingbam bang ba u pynkhreh.

PROBERB 28:22

Ki briew kiba pyrkhat tang ïa lade ki kyrkieh ban ïoh spah ha kaba kim tip lano ka jingduk kan lap.

JEREMAÏAH 18:6

“Hato ngam don ka hok ban leh ïa phi ki paid Israel ïa kaei kaba u nongthaw khiew u la leh ïa ka dewbyrtha? Phi don ha ki kti jong nga kum ka dewbyrtha ha ki kti u nongthaw khiew.

MATHAÏOS 11:25

Ha kata ka por U Jisu u la ong, “Ko Kpa, U Trai ka bneng bad ka pyrthei! Nga ainguh ïa me namar ba me la pyn-i ha ki bymstad ïa kaei kaba me la buhrieh na kiba stad bad kiba la ïoh jinghikai.

MATHAÏOS 20:14

Mynta to shim ïa ka bainong jong phi bad khie leit sha ïing. Nga kwah ban ai ha une u briew uba la shah khot khatduh katjuh kumba nga la ai ha phi.

MATHAÏOS 6:23

hynrei lada ki khmat jong phi kim long kiba bha, ka met jong phi kan don ha ka jingdum. Kumta lada ka jingshai hapoh jong phi ka long ka jingdum, katno kan long ka jingdum kaba shyrkhei eh!

MARKOS 7:22

ban klim, ban lalot, bad leh baroh kiei kiei kiba sniew; ka jingshukor, ka jingbymdon-burom, ka jingbishni, kaba kren sniew shaphang kiwei, ka jingsarong, bad ka jingbieit —

ÏOANNIS 17:2

Naba me la ai ha u ïa ka bor halor u bynriew baroh, khnang ba u lah ban ai ïa ka jingim bymjukut ha kito baroh ïa kiba me la ai ha u.

KI KAM 13:45

Haba ki Jiw ki la ïohi ïa ki paidbah, ki la dap da ka jingpihuiñ; ki la ïania ïa kaei kaba u Paul u la kren bad ki la krenbeiñ ïa u.

1 KORINTH 4:7

Uei uba pynlong ïa phi ban sngew kham halor ïa kiwei pat? Hato ym dei U Blei uba la ai ha phi baroh kaba phi don? Kumta, te, kumno phi lah ban sngewsarong, kumba kaei kaba phi don, kam dei ka jingai sngewbha?

EPHESOS 1:11

Ïa kiei kiei baroh la leh kat kum ka jingthmu bad ka jingrai U Blei; bad U Blei u la jied ïa ngi ban long ki briew jong u hi ha U Khrist namar ka jingthmu jong u hi, ba la pynshong nongrim ha kaei kaba u la rai naduh kaba mynnyngkong.

EPHESOS 2:1

Mynshuwa phi la long kiba ïap ha ka jinglong mynsiem namar ka jingbymkohnguh bad ki pop jong phi.

EPHESOS 2:5

ba haba ngi la long kiba ïap ha ka jinglong ba kynja mynsiem ha ka jingbymkohnguh jong ngi u la wallam ïa ngi sha ka jingim lem bad U Khrist. Ka dei da ka jingaiei U Blei ba la pynim ïa phi.

DEUTERONOMI 15:9

Wat kyntait ban ai kylliang ei ei ïa u, tang namar ba ka snem map ram ka la jan poi. Wat shah ba kum kata ka jingmut bymman kan rung ha phi. Lada phi kyntait ban ai kylliang, un sa kyang ha U Trai pyrshah ïa phi, te kan long pop ha phi.

DEUTERONOMI 28:54

Wat u briew uba jem tam ka dohnud uba wan na ka ïing kaba donburom, un poi ha ka kutlad ha ka por ba u shah kerkut, kat ban da bam ïa la ki khun namar ba um don kawei pat ka jait jingbam. Un ym ai ei ei wat ïa la u para ne ka tnga kaba u ieit ne ïa la ki khun kiba dang don bad u.

JAKOB 1:18

Da ka mon sngewbha jong u hi u la wallam ïa ngi sha ka jingim lyngba ka ktien jong ka jingshisha, khnang ba ngi dei ban ïoh ïa ka jaka kaba nyngkong hapdeng ki jingthaw baroh.

JAKOB 5:9

To wat ïakren khñium paralok hi, ko parabangeit jong nga, ba U Blei un ym bishar ïa phi. U Nongbishar u la jan, u la kloi ban wanpaw.