MATHAÏOS 2:7 - Khasi CL Bible (BSI)

⁷ Kumta u Herod u la khot ïa ki nongwan jngoh kiba na mihngi sha ka jingïakynduh kaba jar jar bad ban shem na ki ïa ka por kaba thikna ha kaba u khlur u la lah mihpaw.

KA BAIBL

⁷ Ynda kumta, u Herod haba u la khot jar jar ïa kita ki riewstad, u la kylli biang biang ruh na ki, ïa ka aïom ba u la mihpaw uta u khlur.

MATHAÏOS 2:7 ပူးပေါင်းရင်းမြစ်များ

SALM 55:21

Ki ktien jong u ki long kiba kham jlih ban ïa ka makhon, hynrei ka don ka jingisih ha ka dohnud jong u; ki ktien jong u ki pynum kum ka umphniang, hynrei ki ot kum ki waitlam banep.

EKSODOS 1:10

Lada ka thma ka khie, ki lah ban leit ïasoh bad ki nongshun jong ngi ban ïaleh pyrshah ïa ngi, bad ban ïohphet noh na kane ka ri. To ngin kham ïaleh sian ban ym shah ïa ki ba kin nang ïaroi shuh shuh.”

JINGKHEIÑ 24:17

Nga khmih sha ka lawei, Bad nga ïohi ïa ka jaitbynriew Israel. U syiem, uba kum u khlur phyrnai, un mih ha kata ka jaitbynriew. Kum u 'lur dih duma un wan mih na Israel. Un shoh ïa ki nongïalam ki Moab, Bad un pyndem ïa ki briew jong u Seth.

MATHAÏOS 2:1

Ïa U Jisu la kha ha ka shnong Bethlehem ha Judia, ha ka por mynba u Herod u long u syiem. Shen hadien kata, katto katne ki rangbah kiba la peit bniah ïa ki khlur ki la wan na sha mihngi sha Jerusalem bad ki la kylli,

MATHAÏOS 2:16

Haba u Herod u la sngewthuh ba ki nongwan jngoh na mihngi ki la shukor ïa u, u la bitar lep. U la ai hukum ban pynïap ïa ki khynnah shynrang baroh ha Bethlehem bad ha ki shnong ba-marjan kiba la dap ar snem bad kiba kham rit — ïa kane la leh kat kum kaei kaba u la tip na ki nongwan jngoh shaphang ka por mynba u khlur u la lah mihpaw.

MATHAÏOS 2:8

Nangta u la phah noh ïa ki sha Bethlehem ryngkat bad kine ki jingbthah: “Khie leit bad da wad biang biang ïa u khunlung, bad haba phi shem ïa u, pyntip sha nga, ba kumta nga ruh nga lah ban leit bad mane ïa u.”

KI KAM 24:22

Nangta u Pheliks, uba la ïoh jingtip bha shaphang ka Lynti, u la pynsangeh shuwa ïa ka jingbishar. “Haba u Lusias, u rangbah ai hukum u poi,” u la ong ha ki, “ngan sa rai ïa ka kam jong phi.”

JINGPYNPAW 12:15

Bad nangta na ka shyntur jong u, u Ïakjakor u la theh noh ïa jingshlei um nadien jong kata ka briew, khnang ba yn kit noh ïa ka.

1 SAMUEL 18:21

U ong ha lade, “Ngan ai ïa ka Mikhal ha u Dabid: ngan pyndonkam ïa ka ban riam ïa u, bad un sa shah pynïap ha ki Philistia.” Kumta ha ka sien kaba ar u Saul u ong ha u Dabid, “Men sa long u pyrsa kurim jong nga.”