MATHAÏOS 2:6 - Khasi CL Bible (BSI)

⁶ “ ‘Ko Bethlehem ha ka ri Judah, pham long kaba rit tam hapdeng ki nongbah kiba paw jong ka Judah; namar na pha un mih u nongïalam u ban kdew lynti ïa ki briew jong nga ki Israel.’ ”

KA BAIBL

⁶ “ ‘Pha ruh ka Bethlehem, ka ri Judia, pham long i barit tam hapdeng ki syiem Judia: naba na pha un mih U Nongsynshar, u ban sharai ïa ki briew jong nga ki Israel.’ ”

MATHAÏOS 2:6 ပူးပေါင်းရင်းမြစ်များ

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

2 SAMUEL 5:2

Ha ka por ba la leit, wat haba u Saul u dang long u syiem jong ngi, phi la ïalam ïa ki rangbah Israel ha ka thma bad U Trai u la kular ïa phi ba phin ïalam ïa ki briew jong u bad ban long u nongsynshar jong ki.”

1 KHRONIKL 2:51

u Salma u khun ba ar jong u, u la seng ïa ka Bethlehem, bad u Hareph u khun ba lai jong u, u la seng ïa ka Bethgader.

1 KHRONIKL 5:2

Ka dei ka jait Judah, pynban, kaba la long kaba khlaiñ tam bad kaba pynmih u nongsynshar ïa ki jait baroh.)

ESRA 2:21

Ki briew kiba ki kpa tymmen jong ki kiba la shong la sah ha kine ki shnong ruh ki la wan phai: Bethlehem — Shispah arphew lai ngut. Netophah — Sanphew hynriew ngut. Anathoth — Shispah arphew phra ngut. Asmabeth — Sawphew ar ngut. Kiriath Jearim, Shephirah bad Beeroth — Hynñiewspah sawphew lai ngut. Ramah bad Geba — Hynriewspah arphew wei ngut. Mikhmash — Shispah arphew ar ngut. Bethel bad Ai — Arspah arphew lai ngut. Nebo — Sawphew ar ngut. Magbish — Shispah sanphew hynriew ngut. Kawei pat ka Elam — Shihajar arspah sanphew saw ngut. Harim — Laispah arphew ngut. Jerikho — Laispah sawphew san ngut. Lod, Hadid bad Ono — Hynñiewspah arphew san ngut. Senaah — Lai hajar hynriewspah laiphew ngut.

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

JINGKHEIÑ 24:19

Ka jaitbynriew Israel kan ïuhroit ïa ki, Bad pynduh jait ïa kiba dang im baroh kiba dang sah.”

MATHAÏOS 2:1

Ïa U Jisu la kha ha ka shnong Bethlehem ha Judia, ha ka por mynba u Herod u long u syiem. Shen hadien kata, katto katne ki rangbah kiba la peit bniah ïa ki khlur ki la wan na sha mihngi sha Jerusalem bad ki la kylli,

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

ÏOANNIS 21:16

Ha ka sien kaba ar U Jisu u la ong ha u, “Ko Simon, u khun jong u Jona, me ieit ïa nga?” “Ho-oid, ko Trai,” u la jubab, “me tip ba nga ieit ïa me.” U Jisu u la ong ha u, “To sumar ïa ki langbrot jong nga.”

ÏOANNIS 7:42

Ka Jingthoh Bakhuid ka ong ba U Messaïah un long uba hiarpateng na u Syiem Dabid bad yn kha ïa u ha Bethlehem, ka shnong ha kaba u Dabid u la im.”

EPHESOS 1:22

U Blei u la buh ïa kiei kiei baroh hapoh ki kjat U Khrist bad u la ai ïa u ha ka Balang kum U Trai uba ha khlieh duh halor kiei kiei baroh.

KOLOSSAI 1:18

U long u khlieh jong ka balang kaba long ka met jong u; u long u tynrai jong ka jingim jong ka. U long U Khun uba la kha nyngkong, ïa uba la pynmihpat na ka jingïap, khnang ba tang ma u hi un ïoh ïa ka bynta kaba nyngkong ha kiei kiei baroh.

HEBRU 7:14

Ka long kaba la tip bha ba ïa u la kha kum u dkhot jong ka jait Judah; bad u Moses um shym kdew ïa kane ka jait haba u la kren shaphang ki lyngdoh.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”