MATHAÏOS 2:4 - Khasi CL Bible (BSI)

⁴ U la khot lang ïa baroh ki rangbah lyngdoh bad ïa ki nonghikai Aiñ bad u la kylli ïa ki, “Hangno yn kha ïa u Messaïah?”

KA BAIBL

⁴ Te haba u la ïalum lang ïa ki rangbah lyngdoh baroh bad ïa ki nongthoh u paidbah, u la kylli ïa ki, “Hangno ba yn kha ïa U Khrist?”

MATHAÏOS 2:4 ပူးပေါင်းရင်းမြစ်များ

2 KHRONIKL 34:13

Kiwei pat ki Lebi ki peit halor ka jingpynkit jingkit bad halor ki nongtrei ha ki kam bapher bapher, bad kiwei ki buh jingkheiñ lane ki shakri kum ki nongap phira.

2 KHRONIKL 34:15

U ong ha u Shaphan, “Nga la shem ïa ka kitab jong ka Hukum hangne ha ka Templ.”

2 KHRONIKL 36:14

Nalor kane, ki nongïalam ka Judah, ki lyngdoh, bad ki briew ki bud ïa ka jingleh bymman jong ki jaitbynriew sawdong jong ki ha kaba mane ïa ki bleithaw, bad kumta ki pyntngit ïa ka Templ, ïa kaba U Trai da lade hi u la pynlong kaba kyntang.

ESRA 10:5

Kumta u Esra u la sdang da kaba pynlong ba ki nongïalam jong ki lyngdoh, ki Lebi bad kita kiwei ki briew, ban shim ïa ka jingsmai ba kin leh ïa kaei kaba u Shekanaïah u la tyrwa.

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

SALM 2:2

Ki syiem jong ki, ki ïeng pyrshah, ki nongsynshar jong ki, ki ïasylla lang pyrshah ïa U Trai bad pyrshah ïa u syiem uba u la jied.

JEREMAÏAH 8:8

Kumno phi lah ban ong ba phi long kiba stad, bad ba phi tip ïa ki aiñ jong nga? Ha khmih, ïa ki aiñ la pynkylla da ki nongthoh bymhok.

MALAKHI 2:7

Ka dei ka kamram ki lyngdoh ban hikai ïa ka jingtip bashisha ïa U Blei. Ki briew ki dei ban leit sha ki ban tip ïa ka mon jong nga, namar ki long ki nonglamktien jong U Trai Badonbor Baroh.

MATHAÏOS 13:52

Kumta u la jubab, “Kane ka mut, te, ba uwei pa uwei u nonghikai Aiñ uba long u synran hapoh ka Hima ki bneng u long kum u trai jong ka ïing uba la sei shabar ïa kiei kiei kiba thymmai bad kiba rim napoh ka kamra kynshew jong u.”

MATHAÏOS 2:3

Haba u Syiem Herod u la ïohsngew shaphang kane, u la khuslai shibun eh, bad kumta ka la long ha uwei pa uwei ha Jerusalem.

MATHAÏOS 2:5

“Ha ka shnong Bethlehem kaba ha Judia,” ki la jubab. “Naba kane ka dei kaei kaba u nongïathuhlypa u la thoh:

MATHAÏOS 21:15

Ki rangbah lyngdoh bad ki nonghikai ka Hukum ki la bitar haba ki la ïohi ïa kiei kiei kiba phylla kiba u la leh bad ba ki khynnah ki ïa-pyrta ha ka Templ, “To ïaroh ïa U Khun u Dabid!”

MATHAÏOS 21:23

U Jisu u la wan pat sha ka Templ; bad katba u dang hikai, ki rangbah lyngdoh bad ki tymmen ki san ki la wan sha u bad ki la kylli, “Me don hok aïu ban leh ïa kine kiei kiei? Mano ba ai ha me ïa kane ka hok?”

MATHAÏOS 26:3

Nangta ki rangbah lyngdoh bad ki tymmen ki san ki la ïakynduh lang ha ka ïing paki dulan jong u Kaïaphas, u Rangbah Lyngdoh,

MATHAÏOS 26:47

U Jisu u dang kren haba u Judas, uwei na ki khat-ar ngut ki synran, u la wan poi. Ryngkat bad u, la don u paidbah babun uba la kieng atiar da ki waitlam bad ki dieng tangon, ïa kiba la phah da ki rangbah lyngdoh bad ki tymmen ki san.

MATHAÏOS 27:1

Dang step phyrngab, baroh ki rangbah lyngdoh bad ki tymmen ki san ki la pynlong ki jingthmu jong ki pyrshah ïa U Jisu ban pynïap ïa u.

MATHAÏOS 7:29

Um shym la long kum ki nonghikai Aiñ; pynban, u la hikai da ka iktiar.

MARKOS 8:31

Nangta U Jisu u la sdang ban hikai ïa ki synran jong u: “U Khun U Briew u dei ban shahshitom shibun bad ban shah kyntait da ki tymmen ki san, ki rangbah lyngdoh, bad da ki nonghikai ka Hukum. Un sa shah pynïap, hynrei hadien lai sngi yn sa pynmihpat ïa u.”

LOUKAS 20:19

Ki nonghikai ka Hukum bad ki rangbah lyngdoh ki la pyrshang ban kem ïa U Jisu hangta hi, namar ki la tip ba u la ïathuh ïa kane ka pharshi pyrshah ïa ki; hynrei ki la ïasheptieng ïa ki paidbah.

LOUKAS 23:10

Ki rangbah lyngdoh bad ki nonghikai ka Hukum ki la jam sha khmat bad ki la pynlong ki jingmudui kiba khlaiñ pyrshah ïa U Jisu.

ÏOANNIS 18:3

Kumta u Judas u la leit sha kata ka kper, u da ïalam bad u ïa ka kynhun ki shipai Rom, bad katto katne ki nongap phira jong ka Templ ïa kiba la phah da ki rangbah lyngdoh bad ki Pharisi; ki la long kiba la kieng atiar bad ki la rah ïa ki sharak bad ki dongmusa.

ÏOANNIS 3:10

U Jisu u la jubab, “Me long u nonghikai uba khraw ha Israel, bad mem tip ïa kane?

ÏOANNIS 7:32

Ki Pharisi ki la ïohsngew ba u paidbah u ïa-pasiaw ïa kine kiei kiei shaphang U Jisu, kumta ma ki bad ki rangbah lyngdoh ki la phah katto katne ngut ki nongap phira ban kem ïa u.

ÏOANNIS 8:3

Ki nonghikai ka Hukum bad ki Pharisi ki la wallam ïa ka briew kaba ki la ïohkem ha ka jingklim, bad ki la pynïeng ïa ka ha khmat jong ki baroh.

KI KAM 23:9

Ka jingpyrta ka la kham jam, bad katto katne ngut na ki nonghikai ka Hukum kiba dei ki jong ka kynhun ki Pharisi ki la ïeng bad ki la pyrshah jur: “Ngim shem kano kano kaba bakla bad une u briew! Lehse u mynsiem lane u angel u la kren shisha ha u!”

KI KAM 4:5

Ha ka sngi kaba bud ki nongïalam jong ki Jiw, ki tymmen ki san, bad ki nonghikai ka Hukum ki la ïalumlang ha Jerusalem.

KI KAM 6:12

Ha kane ka rukom ki la pynkhih ïa u paidbah, ïa ki tymmen ki san, bad ïa ki nonghikai ka hukum. Ki la kem ïa u Stephan bad ki la ïalam ïa u ha khmat ka Dorbar.