MATHAÏOS 2:23 - Khasi CL Bible (BSI)

²³ bad u la shong la sah noh ha ka shnong kaba kyrteng ka Nasareth. Bad kumta kaei kaba ki nongïathuhlypa ki la lah ong ka la urlong shisha: “Yn khot ïa u, u nong Nasareth.”

KA BAIBL

²³ Haba u la poi ruh, u la shong duh ha ka shnong ba la khot “ka Nasaret”: ba kumta yn pyndep ïa kata ba la ong da ki nongïathuhlypa, “Ba yn khot ‘u nong Nasaret’ ïa u.”

MATHAÏOS 2:23 ပူးပေါင်းရင်းမြစ်များ

JINGKHEIÑ 6:13

Haba u Nasir u la pyndep ïa la ka jingsmai, u dei ban leh ïa kane ka jinglehniam. Un leit sha ka jingkhang ka Ïingjaiñ,

MATHAÏOS 1:22

Mynta kane baroh ka la jia khnang ban pynlong ïa kaei kaba U Trai u la kren lyngba ki nongïathuhlypa ban urlong shisha,

MATHAÏOS 21:11

“Une u long uta U Jisu u nongïathuhlypa, uba na Nasareth ha Galilaïa,” ki paidbah ki la jubab.

MATHAÏOS 26:71

bad u la leit noh sha ka jaka rung shapoh ka phyllaw. Kawei pat ka shakri ka la ïohi ïa u bad ka la ong ha ki rangbah hangta, “U la long lem bad U Jisu u nong Nasareth.”

MARKOS 1:24

“Kaei kaba me kwah na ngi, ko Jisu na Nasareth? Hato me la wan hangne ban pynjot ïa ngi? Nga tip me long uei — me long u nonglamktien bakhuid jong U Blei!”

MARKOS 1:9

Ym slem hadien, U Jisu u la wan na Nasareth kaba ha ka probins jong ka Galilaïa, bad la pynbaptis da u Ïoannis ha ka wah Jordan.

LOUKAS 1:26

Ha u bnai bahynriew jong ka jingpunkhun jong ka Elisabeth, U Blei u la phah ïa u angel Gabriel sha ka shong ha Galilaïa kaba kyrteng ka Nasareth.

LOUKAS 18:37

“U Jisu uba na Nasareth u dang ïaid nangne,” ki la ïathuh ïa u.

LOUKAS 2:39

Haba U Joseph bad ka Mari ki la pyndep ïa kiei kiei baroh kiba la dawa da ka aiñ jong U Trai, ki la leit phai pat sha Nasareth, ka shnong jong ki kaba ha Galilaïa.

ÏOANNIS 18:5

“U Jisu uba na Nasareth,” ki la jubab. “Dei ma nga” u la ong. U Judas, u nongshetkylla, u la ïeng hangta ryngkat bad ki.

ÏOANNIS 18:7

U Jisu u la kylli biang ïa ki, “Ïano phi ïawad?” “U Jisu uba na Nasareth,” ki la ong.

ÏOANNIS 19:19

U Pilat u la thoh ïa ka jingthoh bad la phah wah halor ka diengphna. “U Jisu u nong Nasareth, U Syiem ki Jiw”, ka long kaei kaba u la thoh.

KI KAM 2:22

“A to shahshkor ïa kine ki kyntien, ko para nong Israel! U Jisu uba na Nasareth u la long u briew uba ïa ka bor ba kynja blei jong u la pynshisha da kaba shai ha phi da ki kambah bad kamphylla baroh kiba U Blei u la leh lyngba jong u. Phi hi phi tip ïa kane, naba ka la jia hangne hapdeng jong phi.

KI KAM 24:5

Ngi la shem ïa une u briew ba u long ka jingpynwit kaba shyrkhei; u sdang ïa ka jingkhihwin hapdeng ki Jiw ha kylleng jong ka pyrthei bad u long u nongïalam jong ka kynhun kaba na Nasareth.

NONGBISHAR 13:5

bad hadien ba la kha ïa u khun jong pha, wat pyndei syrti ha ka khlieh jong u, namar na ka sngi ba la kha ïa u un long uba la pynkyntang sha U Blei kum u Nasir. Un sdang ïa ka kam ban pyllait ïa ki Israel na ki Philistia.”

1 SAMUEL 1:11

Ka Hannah ka pynlong ka jingsmai kyntang, “A Trai Badonbor Baroh, to khmih ïa nga ka shakri jong me! To peit ïa ka jingkordit jong nga bad kynmaw ïa nga! To wat klet ïa nga! Lada men ai khun shynrang ïa nga, nga kular ba ngan aiti ïa u sha me baroh shi rta ka jingim jong u, bad da lei lei yn ym khap ïa u shñiuh jong u.”