MATHAÏOS 2:22 - Khasi CL Bible (BSI)

²² Hynrei haba u Joseph u la ïohsngew ba u Arkhelos u la mih bujli ïa u Herod, u kpa jong u, kum u syiem ka Judia, u la sheptieng ban leit shata. La ai shuh shuh ha u shibun ki jingbthah ha ka jingphohsniew, kumta u la leit sha ka probins jong ka Galilaïa

KA BAIBL

²² Hynrei, haba u la ïohsngew ba u Arkhelos u synshar ha Judia ha ka jaka u Herod u kpa jong u, u la sngewsheptieng ban leit shata: te haba la maham lypa ïa u na U Blei ha ka jingphohsniew, u la kynriah noh sha ki phang ka Galilaïa.

MATHAÏOS 2:22 ပူးပေါင်းရင်းမြစ်များ

SALM 121:8

Un ïada ïa phi ha ka leit ka wan jong phi, naduh mynta bad haduh bymjukut.

SALM 48:14

“Une U Blei u dei U Blei jong ngi junom la junom; un ïalam ïa ngi ha ki por baroh ki ban wan.”

SALM 73:24

Me kdew lynti ïa nga da ka jingbthah jong me bad ha kaba kut men pdiang ïa nga da kaba donburom.

ISAÏAH 30:21

Lada phi sakma noh na ka lynti sha kamon ne sha kadiang, phin ïohsngew ïa ka sur jong u hadien jong phi kaba ong, “Kane ka dei ka lynti. Bud ïa ka.”

MATHAÏOS 1:20

Katba u dang puson halor kane, u angel jong U Trai u la mihpaw ha u ha ka jingphohsniew bad u ong, “Ko Joseph, uba hiarpateng na u Dabid, wat sheptieng ban shim ïa ka Mari ban long ka tnga jong me. Namar dei da U Mynsiem Bakhuid ba ka la punkhun.

MATHAÏOS 2:1

Ïa U Jisu la kha ha ka shnong Bethlehem ha Judia, ha ka por mynba u Herod u long u syiem. Shen hadien kata, katto katne ki rangbah kiba la peit bniah ïa ki khlur ki la wan na sha mihngi sha Jerusalem bad ki la kylli,

MATHAÏOS 2:19

Hadien ba u Herod u la ïap, u angel U Trai u la mihpaw ha ka jingphohsniew ha u Joseph ha Ijipt

MATHAÏOS 2:21

Kumta u Joseph u la ïeng joit, u la shim ïa u khunlung bad ka kmie jong u bad u la leit phai pat sha Israel.

MATHAÏOS 3:13

Ha kata ka por U Jisu u la wan poi na Galilaïa bad u la wan sha u Ïoannis ha ka wah Jordan ba yn shah pynbaptis ha u.

LOUKAS 2:39

Haba U Joseph bad ka Mari ki la pyndep ïa kiei kiei baroh kiba la dawa da ka aiñ jong U Trai, ki la leit phai pat sha Nasareth, ka shnong jong ki kaba ha Galilaïa.

ÏOANNIS 7:52

“Te kumta,” ki la jubab, “phi ruh phi dei na Galilaïa? To pule minot ïa ki Jingthoh Bakhuid bad phin shem ba ym don nongïathuhlypa uba ju mih na Galilaïa.”

1 SAMUEL 16:2

“Kumno nga lah ban leh ïa kata?” U Samuel u kylli. “Lada u Saul u ïohsngew ïa kata, un pynïap ïa nga!” U Trai u jubab, “Shim ïa u khun masi bad ong ba me don hangta ban kñia ïa ka jingainguh ha U Trai.