MATHAÏOS 2:2 - Khasi CL Bible (BSI)

² “Hangno u don u khunlung uba la kha ban long u syiem jong ki Jiw? Ngi la ïohi ïa u khlur jong u mynba u la mih ha ka phang mihngi, bad ngi la wan ban mane ïa u.”

KA BAIBL

² ki da ong, “Hangno uba la dang kha shen U Syiem ki Jiw? naba ngi la ïohi ïa u khlur jong u ha ka ri mihngi, bad ngi la ïawan ban mane ïa u.”

MATHAÏOS 2:2 ပူးပေါင်းရင်းမြစ်များ

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 45:11

Ka jingbhabriew jong phi kan pynlong ba u syiem un kwah ïa phi; u long u kynrad jong phi, kumta phi dei ban kohnguh ïa u.

ISAÏAH 60:3

Ki jaitbynriew kin wan bud ïa ka jingshai jong pha, bad ki syiem sha ka jingshai jong ka step phyrngab jong pha.

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

JEREMAÏAH 30:9

Pynban, kin shakri ïa nga, U Trai U Blei jong ki, bad ïa uba hiarpateng na u Dabid, uba ngan pynshong ha ka khet kum u syiem.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

JINGKHEIÑ 24:17

Nga khmih sha ka lawei, Bad nga ïohi ïa ka jaitbynriew Israel. U syiem, uba kum u khlur phyrnai, un mih ha kata ka jaitbynriew. Kum u 'lur dih duma un wan mih na Israel. Un shoh ïa ki nongïalam ki Moab, Bad un pyndem ïa ki briew jong u Seth.

MATHAÏOS 2:3

Haba u Syiem Herod u la ïohsngew shaphang kane, u la khuslai shibun eh, bad kumta ka la long ha uwei pa uwei ha Jerusalem.

MATHAÏOS 21:5

“To ïathuh ïa ka nongbah Seïon, ha khmih, u Syiem jong pha u wan sha pha! U long uba sngewrit bad u shong halor ka kada bad halor u khun kada.”

MATHAÏOS 27:11

U Jisu u la ïeng ha khmat u lyngskor ka hima Rom, uba la kylli jingkylli ïa u. “Hato me long u Syiem ki Jiw?” u la kylli. “Me ong kumta,” la jubab U Jisu.

LOUKAS 19:38

“U Blei u kyrkhu ïa u syiem uba wan ha ka kyrteng jong U Trai! Ka jingsuk ha ki bneng bad ka burom ïa U Blei!”

LOUKAS 2:11

Ha kane ka sngi ha ka shnong u Dabid la kha ïa U Nongpynim jong phi — U Khrist U Trai!

LOUKAS 23:3

U Pilat u la kylli ïa u, “Hato me long u syiem ki Jiw?” “Me ong kumta,” la jubab U Jisu.

LOUKAS 23:38

Shalor jong u la thoh ïa kine ki kyntien: “Une u long U Syiem ki Jiw.”

ÏOANNIS 1:49

“Ko Nonghikai,” la jubab u Nathanael, “me long U Khun U Blei! Me long u Syiem ki Israel!”

ÏOANNIS 12:13

Kumta ki la kdiah ïa ki tnat dieng Tlai bad ki la mih ban leit ïakynduh ïa u, ki da pyrta, “Ïaroh ïa U Blei! To U Blei un kyrkhu ïa uta uba wan ha ka kyrteng jong U Trai! To U Blei un kyrkhu ïa u Syiem ki Israel!”

ÏOANNIS 18:37

Kumta u Pilat u la kylli ïa u, “Haba kumta, me, me dei u syiem?” U Jisu u la jubab, “Me hi me ong ba nga long u syiem. Ïa nga la kha bad nga la wan sha ka pyrthei na ka bynta kane kawei ka jingthmu, ban kren shaphang ka jingshisha. Uno uno uba dei jong ka jingshisha u shahshkor ïa nga.”

ÏOANNIS 19:19

U Pilat u la thoh ïa ka jingthoh bad la phah wah halor ka diengphna. “U Jisu u nong Nasareth, U Syiem ki Jiw”, ka long kaei kaba u la thoh.

ÏOANNIS 20:28

U Thomas u la jubab ïa u, “U Trai jong nga bad U Blei jong nga!”

ÏOANNIS 5:23

Uno uno u bym burom ïa U Khun um burom ïa U Kpa uba la phah ïa u.

ÏOANNIS 9:38

“Nga ngeit, ko Trai!” uta u briew u la ong, bad u la dem khohsiew ha khmat U Jisu.

HEBRU 1:6

Hynrei haba U Blei u la dei ban phah ïa U Khun ba la kha nyngkong sha ka pyrthei, u la ong, “Baroh ki angel U Blei ki dei ban mane ïa u.”

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”