MATHAÏOS 2:13 - Khasi CL Bible (BSI)

¹³ Hadien ba ki la lah mihnoh, u angel jong U Trai u la paw ha ka jingphohsniew ha u Joseph bad u la ong, “U Herod un sa wad ïa u khunlung khnang ban pynïap ïa u. Kumta to ïeng joit, ïalam ïa u khunlung bad ïa ka kmie jong u bad phet noh sha Ijipt bad sah hangta tad haduh ba ngan da ong ïa me ba men mihnoh.”

KA BAIBL

¹³ Haba ki la ïaleit noh, ha khmih, u angel U Trai u la paw ha u Joseph ha ka jingphohsniew, u da ong, “To ïeng to shim noh ruh ïa u khunlung bad ïa ka kmie jong u, to phet noh sha ri Ijipt, bad men shong hangta tad ynda ngan ong ha me: naba u Herod un sa wad ïa uta u khunlung ïa ka ban pynïap noh ïa u.”

MATHAÏOS 2:13 ပူးပေါင်းရင်းမြစ်များ

1 SYIEM 11:17

Ma u bad ki briew jong u ki la sah hynriew bnai ha Edom, bad ha kata ka por ki pynïap ïa uwei pa uwei u shynrang ha Edom lait noh u Hadad bad katto katne ngut ki nong Edom kiba long ki shakri u kpa jong u, kiba la phet ïap sha Ijipt. (Ha kata ka por u Hadad u dang long tang u khynnah.)

1 SYIEM 3:5

Ha kata ka miet U Trai u la mihpaw ha u ha ka jingphohsniew bad u kylli ïa u, “Kaei me mon ïa nga ban ai ha me?”

Ka Kitab U Job 33:15

Mynmiet haba ki briew ki dang ïohthiah, U Blei u kren ha ki jingphohsniew bad jingïohipaw.

Ka Kitab U Job 33:17

U Blei u kren ban pynlong ïa ki ban pynphai ïa ki na kaba leh pop bad ban pyllait ïa ki na kaba sngewsarong.

EKSODOS 1:22

Khatduh eh, uta u syiem u hukum ïa ki briew jong u baroh, “Shim ïa u khunlung Hebru baroh uba dang shu lah kha bad bret ïa u sha wah Nile, hynrei ai ba ki khun kynthei kin im.”

MATHAÏOS 1:20

Katba u dang puson halor kane, u angel jong U Trai u la mihpaw ha u ha ka jingphohsniew bad u ong, “Ko Joseph, uba hiarpateng na u Dabid, wat sheptieng ban shim ïa ka Mari ban long ka tnga jong me. Namar dei da U Mynsiem Bakhuid ba ka la punkhun.

MATHAÏOS 10:23

Haba kin pynshitom beiñ ïa phi ha kawei ka shnong, to phet sha kawei pat. Nga pynthikna ïa phi ba phin ym pat lah ban pyndep ïa ka kam jong phi ha baroh ki shnong jong ka Israel ha shuwa ba U Khun U Briew un wan.

MATHAÏOS 2:12

Nangta ki la leit phai noh sha la ka ri na kawei pat ka lynti, namar U Blei u la maham ïa ki ha ka jingphohsniew ban ym leit phai pat sha u Herod.

MATHAÏOS 2:14

U Joseph u la ïeng joit, u la ïalam ïa u khunlung bad ka kmie jong u bad u la mihnoh ha ka por mynmiet sha Ijipt,

MATHAÏOS 2:16

Haba u Herod u la sngewthuh ba ki nongwan jngoh na mihngi ki la shukor ïa u, u la bitar lep. U la ai hukum ban pynïap ïa ki khynnah shynrang baroh ha Bethlehem bad ha ki shnong ba-marjan kiba la dap ar snem bad kiba kham rit — ïa kane la leh kat kum kaei kaba u la tip na ki nongwan jngoh shaphang ka por mynba u khlur u la lah mihpaw.

MATHAÏOS 2:22

Hynrei haba u Joseph u la ïohsngew ba u Arkhelos u la mih bujli ïa u Herod, u kpa jong u, kum u syiem ka Judia, u la sheptieng ban leit shata. La ai shuh shuh ha u shibun ki jingbthah ha ka jingphohsniew, kumta u la leit sha ka probins jong ka Galilaïa

KI KAM 10:22

“U Kornelios, u rangbah shipai u la phah ïa ngi,” ki la jubab. “U long u briew uba bha uba mane ïa U Blei bad uba la ñiewburom shikatdei da ki Jiw baroh. U angel jong U Blei u la ïathuh ïa u ban khot sngewbha ïa phi sha ka ïing jong u, khnang ba u lah ban ïohsngew ïa kaei kaba phi don ban ong.”

KI KAM 10:7

Te u angel u la leit noh, bad u Kornelios u la khot ar ngut na ki shakri ïing jong u bad uwei u shipai uba riewblei uba long uwei na kiba shakri ïa u.

KI KAM 12:11

Te u Petros u la sngewthuh ïa kaei kaba la lah jia ha u, bad u la ong, “Mynta nga tip ba ka long kaba shisha! U Trai u la phah ïa u angel jong u ban pyllait ïa nga na ka bor jong u Herod bad na kaei kaei baroh kaba ki Jiw ki la khmih lynti ba kan jia.”

KI KAM 12:7

Kynsan u angel jong U Trai u la ïeng hangta, bad ka jingshai ka la thaba hapoh ka kamra byndi. U angel u la pynkhih ïa u Petros na ka tyrpeng, u la kyrsiew ïa u, bad u la ong, “Pynkloi! Khie joit!” mar kumta hi ki kynjri ki la hap na ki kti jong u Petros.

KI KAM 16:36

Kumta u nongpeit phatok u la ïathuh ha u Paul, “Ki rangbah synshar ki la phah ka hukum ban pyllait noh ïa me bad ïa u Silas. Te phi lah ban mihnoh, bad leit ha kaba suk.”

KI KAM 5:19

Hynrei ha kata ka miet u angel jong U Trai u la plie ïa ki khyrdop ka byndi, u la ïalam shabar ïa ki apostol, bad u la ong ha ki,

KI KAM 7:19

U la shukor ïa ki kpa tymmen jong ngi bad u la long uba shyrkhei ïa ki, da kaba pynbor ïa ki ban bret ïa ki khunlung jong ki na ki longïing jong ki, khnang ba kin ïap.

JOSHUA 3:13

Haba ki lyngdoh kiba bah ïa ka Synduk ka Jutang U Trai jong ka pyrthei baroh kin ïuh ïa la ki kjat ha um, ka Jordan kan sangeh ban tuid, bad ka um kaba wan tuid na shaneng kan lang shi jaka.”

JOSHUA 3:17

Katba u paidbah u dang ïaid sha shiliang ha ka khyndew kaba rkhiang, ki lyngdoh kiba bah ïa ka Synduk ka Jutang U Trai ki ïeng ha ka dewryngkhiang hapdeng jong ka Jordan tad haduh ba uta u paidbah un da jam sha shiliang.

JOSHUA 4:10

Ki lyngdoh ki ïeng hapdeng jong ka Jordan haduh ban da pyndep lut ïa kaei kaei baroh ba U Trai u la hukum ïa u Joshua ban ong ïa u paidbah ban leh. Kane ka dei kata kaba u Moses u la hukum. U paidbah u la pynkloi sha shiliang ka wah.

JOSHUA 4:18

bad haba ki lyngdoh ki la poi ha ka rudwah, ka wah ka la sdang ban tuid biang bad ka la pynshlei ïa ki rud jong ka baroh sa shisien pat.

JINGPYNPAW 12:14

La ai ha ka, ar tylli ki thapniang jong u pukni uba heh khnang ba kan her noh sha la ka jaka ha kata ka ri shyiap, ha kaba yn sumar ïa ka, lai snem shiteng, ha ka jingshngain na ka jingtur ïaleh jong u Ïakjakor.

JINGPYNPAW 12:4

Da u tdong jong u, u la patan na ka sahit bneng ïa shi bynta na ki lai bynta ki khlur bad u la bret arsut ïa ki sha ka khyndew. U la ïeng ha khmat jong kata ka briew, khnang ban bam ïa u khunlung jong ka tang mar ïa kha ïa u.

JINGPYNPAW 12:6

Kata ka briew ka la phet sha ka ri shyiap, sha ka jaka ba U Blei u la pynkhreh na ka bynta jong ka; ha kaba yn sumar ïa ka haduh shihajar arspah hynriewphew sngi.