MATHAÏOS 2:12 - Khasi CL Bible (BSI)

¹² Nangta ki la leit phai noh sha la ka ri na kawei pat ka lynti, namar U Blei u la maham ïa ki ha ka jingphohsniew ban ym leit phai pat sha u Herod.

KA BAIBL

¹² Te haba la maham lypa ïa ki na U Blei ha ka jingphohsniew ba kin ym leit phai pat sha u Herod, ki la ïaleit noh sha la ka ri na kawei pat ka lynti.

MATHAÏOS 2:12 ပူးပေါင်းရင်းမြစ်များ

JENESIS 31:24

Ha ka jingphohsniew ha kata ka miet U Blei u paw ha u Laban bad u ong ha u, “Da husiar ban ym byrngem ïa u Jakob ha kano kano ka rukom.”

EKSODOS 1:17

Hynrei kita ki nongpynkha khun ki dei kiba sheptieng ïa U Blei; kumta kim shym kohnguh ïa u, hynrei ki shah ba ki khun shynrang kin im.

DANIEL 2:19

Te ha kata kajuh ka miet ïa ka jingmaïan la pynpaw ha u Daniel ha ka jingïohipaw, bad u la ïaroh ïa U Blei ka bneng:

MATHAÏOS 1:20

Katba u dang puson halor kane, u angel jong U Trai u la mihpaw ha u ha ka jingphohsniew bad u ong, “Ko Joseph, uba hiarpateng na u Dabid, wat sheptieng ban shim ïa ka Mari ban long ka tnga jong me. Namar dei da U Mynsiem Bakhuid ba ka la punkhun.

MATHAÏOS 2:13

Hadien ba ki la lah mihnoh, u angel jong U Trai u la paw ha ka jingphohsniew ha u Joseph bad u la ong, “U Herod un sa wad ïa u khunlung khnang ban pynïap ïa u. Kumta to ïeng joit, ïalam ïa u khunlung bad ïa ka kmie jong u bad phet noh sha Ijipt bad sah hangta tad haduh ba ngan da ong ïa me ba men mihnoh.”

MATHAÏOS 2:19

Hadien ba u Herod u la ïap, u angel U Trai u la mihpaw ha ka jingphohsniew ha u Joseph ha Ijipt

MATHAÏOS 2:22

Hynrei haba u Joseph u la ïohsngew ba u Arkhelos u la mih bujli ïa u Herod, u kpa jong u, kum u syiem ka Judia, u la sheptieng ban leit shata. La ai shuh shuh ha u shibun ki jingbthah ha ka jingphohsniew, kumta u la leit sha ka probins jong ka Galilaïa

MATHAÏOS 27:19

Katba u Pilat u dang shong ha ka kamra ïingbishar, ka tnga jong u ka la phah khubor sha u: “Wat leh ei ei ïa uta u briew uba lui lui, namar ba ha ka jingphohsniew hynne mynmiet nga la shahshitom shikatdei eh na ka bynta jong u.”

LOUKAS 2:26

U Mynsiem Bakhuid u la don bad u bad U la pynthikna ïa u ba un ym ïap ha shuwa ba un ïohi ïa U Messaïah ba la kular jong U Trai.

KI KAM 10:22

“U Kornelios, u rangbah shipai u la phah ïa ngi,” ki la jubab. “U long u briew uba bha uba mane ïa U Blei bad uba la ñiewburom shikatdei da ki Jiw baroh. U angel jong U Blei u la ïathuh ïa u ban khot sngewbha ïa phi sha ka ïing jong u, khnang ba u lah ban ïohsngew ïa kaei kaba phi don ban ong.”

KI KAM 4:19

Hynrei u Petros bad u Ïoannis ki la jubab ïa ki, “Phi hi bishar kano kaba dei ha khmat U Blei — ban kohnguh ïa phi ne ban kohnguh ïa U Blei.

KI KAM 5:29

U Petros bad kiwei pat ki apostol ki la phai ktien, “Ngi dei ban kohnguh ïa U Blei, ym ïa ki briew.

1 KORINTH 3:19

Naba ïa kaei kaba ka pyrthei ka pdiang ba ka long ka jingstad, ka long ka jingibieit ha khmat U Blei. Kumba ka Jingthoh Bakhuid ka ong, “U Blei u pynngat ïa kiba stad ha ki buit jong ki;”

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

HEBRU 8:5

Ka kam kaba ki leh kum ki lyngdoh ka long shisha tang kum ka dur bad ka syrngiew ïa kaei kaba don ha bneng. Ka la long kajuh kumba ka la long bad u Moses. Haba u la dei ban thaw ïa kata ka Ïingjaiñ ka Jutang, U Blei u la ong ha u, “Pynthikna ban thaw ïa kiei kiei baroh kat kum kata ka nongmuna ïa kaba la pyn-i ha me halor uta u lum.”