MATHAÏOS 19:9 - Khasi CL Bible (BSI)

⁹ Nga ong ha phi, te, ba uno uno u briew uba pyllait noh ïa la ka tnga na kano kano ka daw, lait noh na ka jingbymïaineh jong ka, u klim lada u shongkurim ïa kawei pat ka briew.”

KA BAIBL

⁹ Nga ong ruh ha phi, ba uno uno ruh u ban pyllait noh ïa ka tnga jong u, lymda tang na ka bynta kaba klim, bad un shongkurim ïa kawei pat, u klim keiñ; bad jar uba shongkurim bad kata ïa kaba la pyllait noh, u klim keiñ.”

MATHAÏOS 19:9 ပူးပေါင်းရင်းမြစ်များ

JENESIS 20:3

Ha kawei ka miet, U Blei u mihpaw ha u ha ka jingphohsniew, bad u ong ha u, “Men sa ïap, namar me la shim ïa kane ka briew; ka la dep shongkurim.”

2 KHRONIKL 21:11

U la tei wat ïa ki jaka mane blei thala ha ki ri lum Judia bad u ïalam ïa ki briew ka Judah bad ka Jerusalem ban leh pop pyrshah ïa U Trai.

JEREMAÏAH 3:1

U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

JEREMAÏAH 3:8

Ka Judah ka la ïohi ba nga la pyllait tnga ïa ka Israel bad phah noh ïa ka namar ba ka la phai noh na nga bad ka la kylla long ka nuti. Hynrei ka Judah, ka para bymïaineh jong ka Israel, kam shym sheptieng. Ma ka ruh ka la kylla long ka nuti

ESEKIEL 16:15

“Hynrei pha shim kabu ïa ka jingbhabriew bad ka nam jong pha, ban ïathiah bad uno uno uba pha ïakynduh.

ESEKIEL 16:29

Pha la long ruh ka nuti ïa ki nong Babilonia, kata ka jaitbynriew ki nongkhaïi, hynrei kita ruh kim shym la pynhun ïa pha.”

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

MATHAÏOS 19:10

Ki synran jong u ki la ong ïa u, “Lada ka long kumne hapdeng u briew bad la ka tnga, ka kham bha ban ym shongkurim.”

MATHAÏOS 19:8

U Jisu u la jubab, “U Moses u la shah ïa phi ban pyllait ïa la ki tnga namar phi long kiba eh ban shah hikai. Hynrei kam shym long kumta ha ka por ba mynnyngkong.

MATHAÏOS 5:32

Hynrei mynta nga ong ha phi: lada uno uno u briew u pyllait noh ïa la ka tnga, na ka bynta kano kano ka daw lait noh na ka jingbymïaineh jong ka, te u long uba la shah rem ha kaba pynlong ïa ka ban klim lada ka shongkurim biang; bad u briew uba shongkurim ïa ka, u ruh u klim.

LOUKAS 16:18

“Uno uno u briew uba pyllait noh ïa ka tnga jong u bad shongkurim ïa kawei pat ka briew u klim; bad u briew uba shongkurim ïa ka briew kaba la shah pyllait tnga u klim.

1 KORINTH 5:1

Mynta, la don ka jingong kaba thikna ba ka don ka jingïaleh awria hapdeng jong phi kaba shyrkhei haduh katta katta ba wat ki bymngeit kin sngewrem ïa kata. La ïathuh ïa nga ba uwei u briew u ïathiah shongkha bad la ka meinah!

1 KORINTH 7:39

Ka briew kaba la shongkurim kam long kaba laitluid katba u tnga jong ka u dang im; hynrei lada u tnga jong ka u ïap noh, te ka long kaba laitluid ban shongkurim ïa uno uno u briew uba ka mon, hynrei tang lada u long uba ngeit.

1 KORINTH 7:4

Ka tnga kam long kynrad halor ka met jong ka hi, hynrei u tnga jong ka u long; kumjuh ruh u tnga um long kynrad halor ka met jong u hi, hynrei ka tnga jong u ka long.