MATHAÏOS 19:7 - Khasi CL Bible (BSI)

⁷ Ki Pharisi ki la kylli ïa u, “Balei, te, ba u Moses u ai ka hukum ïa u briew ban ai ïa ka jingpynbna pyllait tnga ha ka tnga jong u bad phah noh ïa ka?”

KA BAIBL

⁷ Ki ong ha u, “Te balei ba u Moses u la hukum ban ai ïa ka kot iehnoh, bad ban pyllait noh ïa ka?”

MATHAÏOS 19:7 ပူးပေါင်းရင်းမြစ်များ

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

JEREMAÏAH 3:8

Ka Judah ka la ïohi ba nga la pyllait tnga ïa ka Israel bad phah noh ïa ka namar ba ka la phai noh na nga bad ka la kylla long ka nuti. Hynrei ka Judah, ka para bymïaineh jong ka Israel, kam shym sheptieng. Ma ka ruh ka la kylla long ka nuti

MALAKHI 2:16

“Nga isih ïa ka jingpyllait tnga,” ong U Trai U Blei ki Israel. “Nga isih ïa ka haba uwei na phi u leh ïa kaba kum kata ka kam runar ïa la ka tnga. To pynthikna ba phin ym pynkheiñ ïa la ka jingkular ban long uba ïaineh bad la ka tnga.”

MATHAÏOS 1:19

U Joseph u long u briew uba ju ïai leh borabor ïa kaba dei, hynrei um kwah ban pynjahburom ïa ka Mari ha kaba paw; kumta u la thmu ban pynkut noh ïa ka jingïatehktien ha kaba jar jar.

MATHAÏOS 19:6

Kumta kim ïalong shuh ar ngut, hynrei kawei. Uno uno u briew um dei ban pynïakhlad, te, ïa kaei kaba U Blei u la pynïasoh lang.”

MATHAÏOS 19:8

U Jisu u la jubab, “U Moses u la shah ïa phi ban pyllait ïa la ki tnga namar phi long kiba eh ban shah hikai. Hynrei kam shym long kumta ha ka por ba mynnyngkong.

MATHAÏOS 5:31

“La ong ruh, ‘Uno uno uba pyllait ïa la ka tnga u dei ban ai ïa ka, ka jingthoh pynbna ïa ka jingpyllait tnga.’

MARKOS 10:4

Ka jingjubab jong ki ka long, “U Moses u la shah ïa u briew ban pyntip da ka jingthoh ïa ka jingpyllait tnga bad iehnoh ïa ka tnga jong u.”