MATHAÏOS 19:6 - Khasi CL Bible (BSI)

⁶ Kumta kim ïalong shuh ar ngut, hynrei kawei. Uno uno u briew um dei ban pynïakhlad, te, ïa kaei kaba U Blei u la pynïasoh lang.”

KA BAIBL

⁶ Kumta, kim long ar ngut shuh, hynrei, kawei ka doh. Namar kata, ïa kaba U Blei u la pynïasoh lem, to u briew wat pynïakhlad.”

MATHAÏOS 19:6 ပူးပေါင်းရင်းမြစ်များ

PROBERB 2:17

kaba iehnoh ïa la u jong u tnga bad klet ïa la ka jutang kaba kyntang.

MALAKHI 2:14

Phi kylli balei ba um shym pdiang shuh ïa ki. Ka long namar u tip ba phi la pynkheiñ ïa ka kular jong phi ïa ka tnga kaba phi la shongkurim mynba phi dang khynraw. Ka la long ka paralok jong phi, bad phi la pynkheiñ ïa ka jingkular jong phi ïa ka, wat la phi la kular ha khmat U Blei ba phin ïaineh bad ka.

MALAKHI 2:16

“Nga isih ïa ka jingpyllait tnga,” ong U Trai U Blei ki Israel. “Nga isih ïa ka haba uwei na phi u leh ïa kaba kum kata ka kam runar ïa la ka tnga. To pynthikna ba phin ym pynkheiñ ïa la ka jingkular ban long uba ïaineh bad la ka tnga.”

MATHAÏOS 19:5

Bad U Blei u la ong, ‘Namar kane ka daw u briew un iehnoh ïa la u kpa bad ïa la ka kmie bad un ïashong ïasah bad la ka tnga, bad ma ki baroh ar ngut kin ïalong kawei.’

MATHAÏOS 19:7

Ki Pharisi ki la kylli ïa u, “Balei, te, ba u Moses u ai ka hukum ïa u briew ban ai ïa ka jingpynbna pyllait tnga ha ka tnga jong u bad phah noh ïa ka?”

MARKOS 10:9

U briew um dei ban pynïakhlad, te, ïa kaei kaba U Blei u la pynïasoh lang.”

Ka Shithi U Paul Sha Ki Nong Rom 7:2

Ka kynthei ba la shongkurim, kum ka nuksa, ka shah teh da ka hukum ha la u tnga katba u dang im; hynrei haba u la ïap, te ka la laitluid na ka hukum kaba teh ïa ka bad u.

EPHESOS 5:28

Ki shynrang ki dei ban ieit ïa ki tnga jong ki kumba ki ieit ïa la ki jong ki met. U shynrang uba ieit ïa la ka tnga u ieit ïa lade hi.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.