MATHAÏOS 19:5 - Khasi CL Bible (BSI)

⁵ Bad U Blei u la ong, ‘Namar kane ka daw u briew un iehnoh ïa la u kpa bad ïa la ka kmie bad un ïashong ïasah bad la ka tnga, bad ma ki baroh ar ngut kin ïalong kawei.’

KA BAIBL

⁵ bad ba u la ong, ‘Na ka bynta kata, u briew un iehnoh ïa la u kpa bad ïa la ka kmie, bad un ïaineh bad ka tnga jong u; te ki baroh ar ngut kin ïalong kawei ka doh?’

MATHAÏOS 19:5 ပူးပေါင်းရင်းမြစ်များ

JENESIS 34:3

Hynrei haba u shem ba ka samla ka long kaba i-ieit kat haduh ba u la ïapmat ïa ka, bad u la pyrshang ban ïoh ïa ka jingsngewieit na ka.

2 SAMUEL 1:26

“Nga pangnud namar jong me, ko Jonathan u para jong nga; Katno me long uba nga la sngewieit! Katno phylla long ka jingieit jong me ïa nga, Kham palat ban ïa ka jingieit ki kynthei.

1 SYIEM 11:2

U shongkurim ïa ki wat haba U Trai u la hukum ïa ki Israel ban ym ïashongkha khleh bad kine ki briew, namar kin pynlong ïa ki Israel ban mane ïa kiwei ki blei.

SALM 45:10

Ko ka nongleitkurim jong u syiem, shahshkor ïa kaei kaba nga ong — Klet noh ïa la ki briew bad ïa ki ba-ha-ïing ha-sem jong phi.

SALM 63:8

Nga snoh ha me, bad ka kti jong me ka sumar ïa nga.

MALAKHI 2:15

Hato U Blei um shym la pynlong ïa phi kawei ka met bad mynsiem bad ka? Kaei ka jingthmu jong u ha kane? Ka long ba phi dei ban don ki khun kiba long ki briew jong U Blei da shisha. Te pynthikna ba yn ym don na phi uba pynkheiñ ïa la ka jingkular ha ka tnga jong u.

MATHAÏOS 19:6

Kumta kim ïalong shuh ar ngut, hynrei kawei. Uno uno u briew um dei ban pynïakhlad, te, ïa kaei kaba U Blei u la pynïasoh lang.”

Ka Shithi U Paul Sha Ki Nong Rom 12:9

Ka jingieit ka dei ban long kaba sngur. To isih ïa kaei kaba sniew, to batskhem ïa kaei kaba bha.

1 KORINTH 6:16

Lane lehse phim tip ba u briew uba pynïasoh ïa la ka met bad ka nuti u long kawei ka met bad ka? Ka Jingthoh Bakhuid ka ong shai kdar, “Baroh ar kin ïalong kawei ka doh.”

1 KORINTH 7:2

Hynrei namar ba kynrei than ka jingleh awria, uwei pa uwei u briew u dei ban don la ka jong ka tnga, bad kawei pa kawei ka briew ka dei ban don la u jong u tnga.

1 KORINTH 7:4

Ka tnga kam long kynrad halor ka met jong ka hi, hynrei u tnga jong ka u long; kumjuh ruh u tnga um long kynrad halor ka met jong u hi, hynrei ka tnga jong u ka long.

EPHESOS 5:31

Kumba ka Jingthoh Bakhuid ka ong, “Namar kane ka daw, u briew un iehnoh ïa la u kpa bad ïa la ka kmie bad un ïalong kawei bad la ka tnga, bad ki ar ngut kin ïalong kawei.”

DEUTERONOMI 10:20

Kohnguh ïa U Trai U Blei jong phi bad mane ruh tang ïa u. Ïaineh ha u bad kular skhem tang ha ka kyrteng jong u.

DEUTERONOMI 11:22

“Sumar bad lehhok ïa ki hukum baroh ba nga la ai ha phi: Ieit ïa U Trai U Blei jong phi, leh ïa kata baroh kaba u hukum, bad ïaineh ha u.

DEUTERONOMI 4:4

hynrei kito na phi kiba ïaineh ha U Trai U Blei jong phi ki dang im haduh mynta.

1 SAMUEL 18:1

U Saul bad u Dabid ki la dep ka jingïakren hapdeng jong ki. Hadien kata, u Jonathan u khun jong u Saul u la sngew jan eh ïa u Dabid bad u sngewieit ïa u kumba u ieit ïa lade hi.

1 SAMUEL 25:43

U Dabid u la shongkurim ïa ka Ahinoam kaba na Jesreel, bad mynta ka Abigail ruh ka la long ka tnga jong u.