MATHAÏOS 19:29 - Khasi CL Bible (BSI)

²⁹ Bad uno uno uba la iehnoh ïa ki ïing ki sem lane ïa ki hynmen ki para lane ïa u kpa lane ïa ka kmie lane ïa ki khun ki kti lane ïa ki lyngkha na ka bynta jong nga, un ïohpdiang shispah shah tam ïa kata, bad yn ai ha u ïa ka jingim bymjukut.

KA BAIBL

²⁹ Uno uno baroh ruh uba la iehnoh ïa ki ïing, lane ïa ki hynmen hynbew shynrang ne kynthei, lane ïa u kpa lane ïa ka kmie, lane ïa ka tnga lane ïa ki khun, lane ïa ki bri, na ka bynta ka kyrteng jong nga, un ïoh shispah shah ïa kata, bad un ïoh ka jingim bymjukut ruh.

MATHAÏOS 19:29 ပူးပေါင်းရင်းမြစ်များ

EKLESIASTIS 3:6

U buh ka por ban shem bad ka por ban jah, ka por ban kynshew bad ka por ban bret noh,

MATHAÏOS 10:22

Baroh kin isih ïa phi namar jong nga. Hynrei uno uno uba ïeng skhem haduh kaba kut un lait im.

MATHAÏOS 13:23

Bad ki symbai kiba la bet ha ka khyndew kaba bha ki ïeng na ka bynta kito kiba ïohsngew ïa ka khubor bad shemphang ïa ka: ki pynmih soh, katto katne shispah tylli, kiwei pat hynriewphew tylli, bad kiwei pat laiphew tylli.”

MATHAÏOS 13:8

Hynrei khyndiat ki symbai u la hap ha ka khyndew kaba bha, bad ki jingthung ki la pynmih symboh; katto katne ki la pynmih shispah tylli, kiwei pat hynriewphew tylli, bad kiwei pat laiphew tylli.”

MATHAÏOS 16:25

Naba uno uno uba kwah ban pyllait la ka jong ka jingim un duh noh ïa ka; hynrei uno uno uba duh noh ïa la ka jingim na ka bynta jong nga un shem ïa ka.

MATHAÏOS 19:16

Shisien uwei u briew u la wan sha U Jisu. “Ko Nonghikai,” u la kylli, “kaei kaba bha kaba nga dei ban leh ba ngan ïoh ïa ka jingim bymjukut?”

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

MATHAÏOS 5:11

“Suk ma phi haba ki briew ki krenbeiñ bad pynshitom beiñ ïa phi, bad ong bun jait ki jinglamler basniew pyrshah ïa phi namar ba phi long ki nongbud jong nga.

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

LOUKAS 14:26

“Uno uno uba wan sha nga um lah ban long u synran jong nga lymda u ieit ïa nga kham palat ban ïa kaba u ieit ïa u kpa bad ka kmie jong u, ïa ka tnga bad ki khun jong u, ïa ki hynmen ki para shynrang bad kynthei jong u, bad ïa lade kumjuh.

LOUKAS 5:11

Ki la tan ïa ki lieng sharud duriaw, ki la iehnoh ïa kiei kiei baroh bad ki la bud ïa U Jisu.

LOUKAS 6:22

“Suk ma phi haba ki briew ki isih ïa phi; kiba kyntait ïa phi, ki krenbeiñ ïa phi, bad ki ong ba phi long uba sniew, baroh namar U Khun U Briew!

ÏOANNIS 15:19

Lada phi long jong ka pyrthei, te ka pyrthei kan ieit ïa phi kum la ki jong hi. Hynrei nga la jied ïa phi na kane ka pyrthei, bad phim long shuh ki jong ka; na kata ka daw ka pyrthei ka shun ïa phi.

ÏOANNIS 4:36

Uta uba ot u ïoh la ka bainong bad u lum ïa ka jingmih na ka bynta ka jingim bymjukut; ba uta uba bet bad uta uba ot kin ïakmen lang.

KI KAM 9:16

Bad nga hi ngan pyn-i ha u ïa baroh kaba u dei ban shah na ka bynta jong nga.”

1 KORINTH 2:9

Pynban, kumba ka Jingthoh Bakhuid ka ong: “Ïa kaei kaba ym pat don mano mano ba la ïohi ne ïohsngew, ïa kaei kaba ym pat don mano mano ba la pyrkhat ba lah ban jia, ka long kata hi kaei kaei kaba U Blei u la pynkhreh ïa kito kiba ieit ïa u.”

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

1 PETROS 4:14

Suk ma phi haba phi shah krenbeiñ namar ba phi long ki nongbud jong U Khrist; kane ka mut ba U Mynsiem ka burom, U Mynsiem jong U Blei, u don ha phi.

3 ÏOANNIS 1:7

Naba ki la mihnoh ha ka jingleit jong ki ha ka jingshakri ïa U Khrist khlem da pdiang jingïarap ei ei na ki bymngeit.