MATHAÏOS 19:28 - Khasi CL Bible (BSI)

²⁸ U Jisu u la ong ha ki, “Phi lah ban thikna ba haba U Khun U Briew u shong ha ka khet badonburom jong u ha ka Ïa kaba thymmai, te ma phi ki khat-ar ngut ki nongbud jong nga phin ïashong ruh ha ki khet, ban synshar ïa ki khat-ar ki jait Israel.

KA BAIBL

²⁸ U Jisu te u la ong ha ki: “Shisha nga ong ha phi, ba phi kiba la ïabud ïa nga, ha ka jingpynthymmai ynda U Khun u briew un shong ha ka khet ka burom jong u, phi ruh phin shong ha ki khat-ar ki khet, ban bishar ïa ki khat-ar ki jaid Israel.

MATHAÏOS 19:28 ပူးပေါင်းရင်းမြစ်များ

1 SYIEM 18:31

U shim khat-ar tylli ki maw, uwei uwei na ka bynta ki khat-ar jait ba la shim kyrteng na ki khun u Jakob, u briew ïa uba U Trai u la ai ka kyrteng u Israel.

2 KHRONIKL 9:19

Khat-ar tylli ki dur sing ki don ha ki mawkyrdon, uwei uwei ha ka tduh jong kawei pa kawei ka kyrdon. Ym pat ju don ka khet kaba kum kane ha kawei pat ka hima.

ESRA 6:17

Na ka bynta ka jingpynkyntang, ki ai shispah tylli ki masi kyrtong, arspah ki langbrot, bad sawspah tylli ki khunlangbrot kum ki jingainguh thang, bad khat-ar tylli ki blang kum ki jingainguh ïa ka pop, uwei na ka bynta kawei ka jait ki Israel.

EKSODOS 15:27

Nangta ki la wan poi ha Elim, ha kaba la don khat-ar tylli ki umpohliew bad hynñiewphew tylli ki dieng Tlai; bad hangta ki la ïasher dara harud um.

EKSODOS 24:4

U Moses u thoh ïa ki hukum baroh jong U Trai. Dang step phyrngab ha ka sngi kaba bud, u tei ïa ka duwan ha trai jong u lum, bad u pynïeng ruh khat-ar tylli ki maw, uwei u maw na ka bynta kawei kawei ka jait Israel.

EKSODOS 28:21

Ha uwei uwei na ki, thoh ïa ka kyrteng jong uwei na ki khun shynrang jong u Jakob, ba kin ïeng na ka bynta ki khat-ar jait Israel.

ISAÏAH 65:17

U Trai u ong, “Ngan thaw ïa ka khyndew bathymmai bad ïa ki bneng bathymmai. Kiei kiei kiba jia long mynshuwa yn ym kynmaw shuh.

ISAÏAH 66:22

“Kumba ka khyndew bathymmai bad ki bneng kiba thymmai, kin ïaisah da ka bor jong nga, kumta ruh ki khun ki ksiew jong phi bad ka kyrteng jong phi kin ïaisah.

LEBITIKOS 24:5

“Shim khat-ar kilo u 'purew bad shet khat-ar tylli ki kpu.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MATHAÏOS 19:27

Nangta u Petros u la kren, “Ha khmih,” u la ong, “ngi la iehnoh ïa kiei kiei baroh bad ngi la bud ïa me. Ngin ïoh aïu?”

MATHAÏOS 20:21

“Kaei kaba pha kwah?” U Jisu u la kylli ïa ka. Ka la jubab, “To kular ïa nga ba kine ki khun shynrang jong nga kin shong ha ka liang kamon bad ka liang kadiang jong me haba men long u Syiem.”

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

MATHAÏOS 8:20

U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

MARKOS 10:37

Ki la jubab, “Haba men shong halor ka khet jong me ha ka Hima kaba dap da ka burom jong me, ngi kwah ba men shah ïa ngi ban shong bad me, uwei sha kamon jong me bad uwei sha kadiang jong me.”

KI KAM 3:21

U dei ban don ha bneng tad ynda ka poi ka por ha kaba yn thaw thymmai kiei kiei baroh, kumba U Blei u la pynbna lyngba ki nongïathuhlypa bakhuid jong u kiba la im slem bah mynshuwa.

2 TIMOTHI 2:12

Lada ngi ïai bteng ban ïaishah, ngin sa synshar ruh lem bad u. Lada ngin len ïa u, u ruh un len ïa ngi.

JOSHUA 3:12

Mynta to jied khat-ar ngut ki rangbah, uwei na kawei kawei ka jait Israel.

2 PETROS 3:13

Hynrei ngi ap ïa kaei kaba U Blei u la kular: Ïa ki bneng kiba thymmai bad ïa ka khyndew kaba thymmai, ha kaba ka hok kan don.

JINGPYNPAW 11:16

Nangta ki arphew saw ngut ki nongsharai balang kiba shong ha ki khet jong ki ha khmat U Blei ki la dem ngon ïa lade bad ki la mane ïa U Blei, da kaba ong: “Ko Trai U Blei Badonbor Baroh, uta uba long bad uba la ju long! Ngi ainguh ïa me ba me la shimti ïa ka bor bakhraw jong me bad me la sdang ban synshar!

JINGPYNPAW 12:1

Nangta ka dak kaba khraw bad kaba maïan ka la paw ha ka sahit bneng. La don ka briew, kaba ka jaiñphong jong ka, ka long ka sngi bad kaba don u bnai hapoh ki kjat jong ka bad ka pansngiat ki khat-ar tylli ki khlur halor ka khlieh jong ka.

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.

JINGPYNPAW 21:5

Nangta uta uba shong ha ka khet u la ong, “Bad mynta nga thaw thymmai ïa kiei kiei baroh!” U la ong ruh ïa nga, “Thoh ïa kane, namar kine ki ktien ki long kiba shisha bad kiba lah ban shaniah.”

JINGPYNPAW 22:2

bad ka tuid sha ka pdeng jong ka lynti bah jong ka nongbah. Ha kawei kawei ka liang jong ka wah la don u dieng ka jingim, uba pynmih soh khat-ar sien shisnem, shisien ha uwei uwei u bnai, bad ki sla jong u ki long na ka bynta ban ai jingkhiah ïa ki jaitbynriew.

JINGPYNPAW 22:5

Yn ym don shuh kano kano ka miet, bad kin ym donkam ïa ki sharak lane ïa ka jingshai ka sngi, namar U Trai uba U Blei un long ka jingshai jong ki bad kin synshar kum ki syiem junom la junom.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.

JINGPYNPAW 4:4

Sawdong ïa ka khet, la don arphew saw tylli kiwei pat ki khet, ha kaba la shong arphew saw ngut ki nongsharai balang kiba la riam da kaba lieh bad phong ki pansngiat ksiar.

JINGPYNPAW 7:4

Bad la ïathuh ïa nga ba ka jingkheiñ jong kito ïa kiba la buh dak da ka shab jong U Blei ha ki shyllangmat jong ki ka la long shi lakh sawphew saw hajar ngut.