MATHAÏOS 19:23 - Khasi CL Bible (BSI)

²³ Nangta U Jisu u la ong ha la ki synran, “Nga pynthikna ïa phi: kan long kaba eh than ïa ki briew bariewspah ban rung shapoh ka Hima ki bneng.

KA BAIBL

²³ U Jisu te u la ong ha ki synran jong u: “Shisha nga ong ha phi, ba ka da eh noh ïa u riewspah ban leit bsut hapoh ka hima ki bneng.

MATHAÏOS 19:23 ပူးပေါင်းရင်းမြစ်များ

PROBERB 11:28

Kito kiba shaniah ha ka spah jong ki, kin hap kum ki sla jong ka synrai, hynrei kiba hok kin roi kyrhai kum ki sla jong ka lyiur.

MATHAÏOS 13:22

Ki symbai kiba hap hapdeng ki bniap shiah ki ïeng na ka bynta kito kiba ïohsngew ïa ka khubor; hynrei ki jingkhuslai shaphang kane ka jingim bad ka jingieit ïa ka spah ki kjap ïa ka khubor, bad kim pynmih soh.

MATHAÏOS 18:3

bad u la ong, “Nga pynthikna ïa phi ba lymda phi kylla bad long kum ki khynnah, phin ym ïohrung da lei lei shapoh ka Hima ki bneng.

MATHAÏOS 19:22

Haba u samla u la ïohsngew ïa kane, u la leit noh da kaba sngewsih, namar u la long uba riewspah bha.

MATHAÏOS 21:31

Uno na kine ar ngut uba la leh ïa kaei kaba u kpa u la kwah?” “Uta uba kham san,” ki la jubab. Kumta U Jisu u la ong ha ki, “Nga ong ha phi: Ki nonglum khajna bad ki nuti ki leit rung shapoh ka Hima U Blei ha shuwa jong phi.

MATHAÏOS 5:20

Kumta, nga ong ïa phi, ba phin lah ban rung shapoh ka Hima ki bneng tang lada phi ïaineh skhem kham palat ban ïa ki nonghikai Aiñ bad ki Pharisi ha kaba leh ïa kaei kaba U Blei u dawa.

MARKOS 10:23

U Jisu u la peit sawdong ha ki synran jong u bad u la ong ïa ki, “A katno ka long kaba eh ïa kiba riewspah ban rung sha ka Hima U Blei!”

LOUKAS 18:24

U Jisu u la ïohi ba u la sngewsih bad u la ong, “Katno ka long kaba eh ïa ki briew bariewspah ban rung shapoh ka Hima U Blei!

ÏOANNIS 3:3

U Jisu u la jubab, “Nga ïathuh ha me ïa ka jingshisha: Ym don uba lah ban ïohi ïa ka Hima U Blei lymda kha pat ïa u.”

ÏOANNIS 3:5

“Nga ïathuh ha me ïa ka jingshisha,” U Jisu u la jubab, “Ym don uba lah ban rung sha ka Hima U Blei khlem da kha na ka um bad na U Mynsiem.

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

1 KORINTH 1:26

Mynta to kynmaw aïu phi la long, ko ki parabangeit jong nga, mynba U Blei u la khot ïa phi. Na ka liang kaba kynja briew tang khyndiat na phi, phi la long kiba stad ne kiba khlaiñbor ne kiba don kyrdan kaba halor ha ka imlang sahlang.

JAKOB 2:6

Hynrei phim ñiewburom ïa kiba duk! Kiei kita kiba khñiot beiñ ïa phi bad ba ïalam ïa phi ha khmat ki nongbishar? Kiba riewspah keiñ!