MATHAÏOS 19:22 - Khasi CL Bible (BSI)

²² Haba u samla u la ïohsngew ïa kane, u la leit noh da kaba sngewsih, namar u la long uba riewspah bha.

KA BAIBL

²² Hynrei, haba uta u samla u la ïohsngew ïa kata ka ktien, u la leit noh sngewsih, naba u don shibun ki spah.

MATHAÏOS 19:22 ပူးပေါင်းရင်းမြစ်များ

SALM 17:14

pynim ïa nga na kito kiba ha kane ka pyrthei ki don lut ïa kaba ki kwah. Pynshitom ïa ki da ki jingshitom kiba me la kynton na ka bynta jong ki; Ai ba kan dap na ka bynta ki khun ki kti jong ki bad katto katne kaba sah na ka bynta ki khun jong ki khun jong ki!

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

MATHAÏOS 13:22

Ki symbai kiba hap hapdeng ki bniap shiah ki ïeng na ka bynta kito kiba ïohsngew ïa ka khubor; hynrei ki jingkhuslai shaphang kane ka jingim bad ka jingieit ïa ka spah ki kjap ïa ka khubor, bad kim pynmih soh.

MATHAÏOS 14:9

U syiem u la sngewsih, hynrei namar ka jingkular kaba u la lah pynlong ha khmat baroh ki nongshahkhot sngewbha jong u, u la ai ki hukum ba ïa ka jingkwah jong ka yn ai.

MATHAÏOS 16:26

Hato u briew u ïohnong ei ei lada u jop ïa ka pyrthei baroh kawei hynrei u duh noh ïa la ka jingim? Em ym kumta! Kam don kano kano kaba u lah ban ai ban ïoh pat ïa la ka jingim.

MATHAÏOS 19:21

U Jisu u la ong ha u, “Lada me kwah ban long uba janai, to khie leit bad die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta to wan bad bud ïa nga.”

MATHAÏOS 19:23

Nangta U Jisu u la ong ha la ki synran, “Nga pynthikna ïa phi: kan long kaba eh than ïa ki briew bariewspah ban rung shapoh ka Hima ki bneng.

MATHAÏOS 6:24

“Ym don uba lah ban long u mraw jong ar ngut ki kynrad; un isih ïa uwei bad ieit ïa uwei pat; un long uba kohnguh ïa uwei bad ñiewbeiñ ïa uwei pat. Phim lah ban shakri ïa baroh ar, ïa U Blei bad ïa ka pisa.

MARKOS 10:22

Haba uta u briew u la ïohsngew ïa kane, ka jingidiaw ka la tap ïa ka khmat jong u baroh kawei, bad u la leit noh da ka jingsngewsih, namar u la long uba riewspah haduh katta katta.

MARKOS 6:26

Kane ka pynlong ïa u syiem ban sngewsih haduh katta katta, hynrei um lah ban kyrngah ïa ka namar ki jingsmai ba u la pynlong ha khmat jong baroh kiba u la khot sngewbha.

LOUKAS 18:23

Hynrei haba uta u briew u la ïohsngew ïa kane, u la sngewsih eh, namar u la long uba riewspah shibun.

ÏOANNIS 16:20

Nga ong ha phi ïa ka jingshisha: Phin ïam bad phin ïamkthang, hynrei, ka pyrthei kan shadkmen; phin ïasngewsih, hynrei ka jingsngewsih jong phi kan kylla sha ka jingkmen.

EPHESOS 5:5

Phi dei ban sngewskhem ba yn ym don uno uno uba awria, uba long jakhlia, lane uba kwah lalot (naba ka jingkwah lalot ka long hi ka rukom mane bleithaw) u ban ïoh bynta ha ka Hima jong U Khrist bad jong U Blei.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).