MATHAÏOS 19:21 - Khasi CL Bible (BSI)

²¹ U Jisu u la ong ha u, “Lada me kwah ban long uba janai, to khie leit bad die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta to wan bad bud ïa nga.”

KA BAIBL

²¹ U Jisu u la ong ha u, “Lada me mon ban long janai, to khie leit noh, die noh ïa kiei kiei ruh kat kiba me don, to ai ruh ha ki baduk, men ïoh ka jingkynshew te ha bneng; to wan bud ruh ïa nga.”

MATHAÏOS 19:21 ပူးပေါင်းရင်းမြစ်များ

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 6:9

Kane ka long ka khana shaphang u Noah. U Noah u don lai ngut ki khun shynrang, u Shem, u Ham, bad u Japheth. U Noah um don ka jingthohbria bad u la long tang ma u, u briew uba bha ha ki sngi jong u.

Ka Kitab U Job 1:1

La don u briew uba kyrteng u Job, uba shong ba sah ha ka ri Us, uba mane ïa U Blei bad uba ïaineh ha u. U long u briew uba bha, uba kiar ban ym leh ïa kano kano kaba sniew.

SALM 37:37

Khmih thuh ïa u briew uba bha, wad bniah ïa u briew uba hok, u briew uba shongsuk shongsaiñ un don ki khun ki ksiew;

MATHAÏOS 16:24

Nangta U Jisu u la ong ha la ki synran, “Lada uno uno u kwah ban wan bad nga, u dei ban klet ïa lade, ban bah ïa la ka diengphna, bad bud ïa nga.

MATHAÏOS 19:20

“Nga la kohnguh ïa kine ki hukum baroh,” u samla u la jubab. “Sa kaei pat ba nga donkam ban leh?”

MATHAÏOS 19:22

Haba u samla u la ïohsngew ïa kane, u la leit noh da kaba sngewsih, namar u la long uba riewspah bha.

MATHAÏOS 19:28

U Jisu u la ong ha ki, “Phi lah ban thikna ba haba U Khun U Briew u shong ha ka khet badonburom jong u ha ka Ïa kaba thymmai, te ma phi ki khat-ar ngut ki nongbud jong nga phin ïashong ruh ha ki khet, ban synshar ïa ki khat-ar ki jait Israel.

MATHAÏOS 4:19

U Jisu u la ong ha ki, “To wan bad nga, bad ngan hikai ïa phi ban tong briew.”

MATHAÏOS 5:48

Phi dei ban long kiba janai — kumba U Kpa jong phi uba ha bneng u long uba janai!

MATHAÏOS 8:22

“Bud ïa nga,” U Jisu u la jubab, “bad ai kiba ïap kin tep ïa kiba ïap jong ki.”

MATHAÏOS 9:9

U Jisu u la mihnoh na kata ka jaka bad katba u dang ïaid, u la ïohi ïa u nonglum khajna, uba kyrteng u Matthaïos, uba shong ha ka jaka treikam jong u. U la ong ha u, “To bud ïa nga.” U Matthaïos u la ïeng joit bad u la bud ïa u.

MARKOS 10:21

U Jisu u la khmih shaiñ ha u da ka jingieit bad u la ong, “Me donkam tang kawei kaei kaei. Khie leit bad die ïa baroh kaba me don bad ai ïa ka pisa ha kiba duk, bad men ïoh ïa ka spah ha bneng; nangta sa wan bad bud ïa nga.”

MARKOS 2:14

Katba u dang ïaid, u la ïohi ïa u nonglum khajna, u Lebi u khun jong u Alphaïos, ba u shong ha ka jaka treikam jong u. U Jisu u la ong ha u, “Bud ïa nga.” U Lebi u la ïeng joit bad u la bud ïa u.

MARKOS 8:34

Nangta U Jisu u khot ïa u paidbah bad ïa la ki synran sha u. “Lada uno uno u kwah ban wan bad nga,” u la ong ïa ki, “u dei ban klet noh ïa lade, bah ïa la ka diengphna, bad bud ïa nga.

LOUKAS 12:33

Die noh ïa ki jingdon jingem jong phi baroh bad ai ïa ka pisa ha kiba duk. Pynbiang ïa lade ki pla kynshew ki ban ym jot noh, bad kynshew ïa ka spah jong phi ha bneng, ha kaba kan ym duna, namar ba ym don u nongtuh uba lah ban ïoh ïa ka, bad ym don khñiang ba lah ban pynjot ïa ka.

LOUKAS 14:33

Ha kajuh ka rukom,” U Jisu u la pynkut, “ym don uno uno na phi uba lah ban long u synran jong nga lymda u iehnoh ïa kiei kiei baroh kiba u don.

LOUKAS 16:9

Bad U Jisu u ïai bteng ban ong, “Bad kumta nga ong ha phi: Pynlong paralok na ka bynta ïa lade da ka spah ba kynja pyrthei, khnang ba haba kam don shuh, yn pdiang sngewbha ïa phi sha ka ïing bymjukut.

LOUKAS 18:22

Haba U Jisu u la ïohsngew ïa kane, u la ong ha u, “Dang don sa kawei pat kaei kaei kaba me donkam ban leh. Die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta wan bad bud ïa nga.”

LOUKAS 5:27

Hadien kane, U Jisu u la mihnoh bad u la ïohi ïa u nonglum khajna uba kyrteng u Lebi, uba shong ha la ka jaka treikam. U Jisu u la ong ïa u, “Bud ïa nga.”

LOUKAS 6:40

Ym don u shah hikai uba kham khraw ban ïa u nonghikai jong u; hynrei uwei pa uwei u shah hikai, haba u la pyndep ïa ka jingshah hikai, un long kum u nonghikai jong u.

LOUKAS 9:23

Bad u la ong ha ki baroh, “Lada uno uno u kwah ban wan bad nga, u dei ban klet ïa lade, un bah ïa la ka diengphna man ka sngi, bad bud ïa nga.

ÏOANNIS 10:27

Ki langbrot jong nga ki shahshkor ïa ka sur jong nga; nga ithuh ïa ki, bad ki bud ïa nga.

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

KI KAM 2:45

Ki die noh ïa ka jaka ka puta bad ka jingdon jingem jong ki, bad sam ïa ka pisa hapdeng jong ki baroh, kat kum kaei kaba uwei uwei u donkam.

HEBRU 10:34

Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.