MATHAÏOS 19:19 - Khasi CL Bible (BSI)

¹⁹ burom ïa la u kpa bad ïa la ka kmie; bad to ieit ïa la u paramarjan kumba me ieit ïa lade.”

KA BAIBL

¹⁹ Burom ïa la u kpa bad ïa la ka kmie, bad men ieit ïa u paramarjan jong me kumba ïa lade.”

MATHAÏOS 19:19 ပူးပေါင်းရင်းမြစ်များ

EKSODOS 20:12

“Burom ïa la u kpa bad ïa la ka kmie, ba phi lah ban im slem ha ka ri kaba nga ai ha phi.

PROBERB 30:17

Uno uno uba leh biria ïa la u kpa lane uba ñiewbeiñ ïa la ka kmie ha ka jinglong tymmen jong ka u dei ban shah bam ha ki pukni ne shah khlaw ki khmat ha ki tyngab khlaw.

LEBITIKOS 19:18

Wat pynhiarkput ïano ïano lane ban ïai isih ïa u, hynrei ieit ïa la u paramarjan kumba phi ieit ïa lade. Nga long U Trai.

LEBITIKOS 19:3

Uwei pa uwei na phi u dei ban burom ïa la ka kmie bad ïa la u kpa, bad u dei ban rakhe ïa ka Sabbaton, kumba nga la hukum. Nga long U Trai U Blei jong phi.

MATHAÏOS 19:20

“Nga la kohnguh ïa kine ki hukum baroh,” u samla u la jubab. “Sa kaei pat ba nga donkam ban leh?”

MATHAÏOS 22:39

Kaba ar ka hukum kaba donkam tam ka long kum katei: ‘Ieit ïa u paramarjan jong me kumba me ieit ïa lade.’

MATHAÏOS 5:43

“Phi la ïohsngew ba la ong, ‘Ieit ïa ki paralok jong phi bad isih ïa ki nongshun jong phi.’

LOUKAS 10:27

Uta u briew u la jubab, “ ‘Ieit ïa U Trai U Blei jong me da la ka dohnud baroh, bad da la ka mynsiem baroh, da la ka jingkhlaiñ baroh, bad da la ka jingmut baroh’; bad ‘Ieit ïa la u paramarjan kumba me ieit ïa lade.’ ”

Ka Shithi U Paul Sha Ki Nong Rom 13:9

Ki hukum, “Wat klim; wat pynïap briew; wat tuh; wat ikwah ïa kaei kaba dei jong kiwei pat” — ïa kine baroh, bad kino kino kiwei pat, la kynthup lang ha kawei ka hukum, “Ieit ïa u paramarjan jong me kumba ïa lade.”

GALATIA 5:14

Naba ïa ka Hukum baroh kawei la kyllum lang ha kawei ka hukum kaba ong, “Phin ieit ïa la u paramarjan kumba phi ieit ïa lade.”

DEUTERONOMI 5:16

“ ‘Burom ïa la u kpa bad ïa la ka kmie, kumba nga, U Trai U Blei jong phi, nga hukum ïa phi, khnang ba phin manbha bad im slem ha kata ka ri ba nga ai ha phi.

JAKOB 2:8

Phi leh ïa kaei kaba dei lada phi kohnguh ïa ka hukum jong ka hima, ïa kaba la shem ha ka Jingthoh Bakhuid, “To ieit ïa la u paramarjan kumba ieit ïa lade.”