MATHAÏOS 19:16 - Khasi CL Bible (BSI)

¹⁶ Shisien uwei u briew u la wan sha U Jisu. “Ko Nonghikai,” u la kylli, “kaei kaba bha kaba nga dei ban leh ba ngan ïoh ïa ka jingim bymjukut?”

KA BAIBL

¹⁶ Ha khmih ruh, uwei u la wan bad u la ong ha U, “Ko Nonghikai babha, ngan leh ïa ka babha aïu, ba ngan ïoh ïa ka jingim bymjukut?”

MATHAÏOS 19:16 ပူးပေါင်းရင်းမြစ်များ

DANIEL 12:2

Bun na kito kiba la lah ïap kin im pat: Katto katne kin ïoh ka jingim bymjukut, bad katto katne kin shah ka jingjahburom bymjukut.

MATHAÏOS 19:15

U la buh la ki kti halor jong ki bad nangta u la leit noh.

MATHAÏOS 19:26

U Jisu u la peit shlip sha ki bad u la jubab, “Kane ka long ka bym lah ha u briew, hynrei ha U Blei kiei kiei baroh ki long kaba lah.”

MATHAÏOS 19:29

Bad uno uno uba la iehnoh ïa ki ïing ki sem lane ïa ki hynmen ki para lane ïa u kpa lane ïa ka kmie lane ïa ki khun ki kti lane ïa ki lyngkha na ka bynta jong nga, un ïohpdiang shispah shah tam ïa kata, bad yn ai ha u ïa ka jingim bymjukut.

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

ÏOANNIS 10:28

Nga ai ha ki ïa ka jingim bymjukut, bad kin ym ïap da lei lei ruh. Ym don uno uno uba lah ban knieh noh ïa ki na nga.

ÏOANNIS 12:25

Uno uno uba ieit ïa la ka jong ka jingim un duh ïa ka; uno uno uba isih ïa la ka jong ka jingim ha kane ka pyrthei un ri ïa ka sha ka jingim bymjukut.

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 5:39

Phi pule ïa ki Jingthoh Bakhuid, namar phi pyrkhat ba ha ki phin shem ïa ka jingim bymjukut. Bad kine hi ki Jingthoh Bakhuid ki kren shaphang jong nga!

ÏOANNIS 6:47

Nga ong ha phi ïa ka jingshisha: Uta uba ngeit u don ka jingim bymjukut.

ÏOANNIS 6:68

U Simon Petros u la jubab ïa u, “Ko Trai, sha uno pat ngin leit? Me don ki ktien kiba ai ïa ka jingim bymjukut.

KI KAM 16:30

Nangta u la ïalam noh ïa ki shabar bad u la kylli, “Ko rangbah, kaei nga dei ban leh ba yn pynim ïa nga?”

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

Ka Shithi U Paul Sha Ki Nong Rom 5:21

Te kumta, kumba ka pop ka synshar da ka jingïap, kumta ruh ka jingaiei U Blei ka synshar da ka hok, ka ïalam ïa ngi sha ka jingim bymjukut lyngba U Jisu Khrist U Trai jong ngi.

1 TIMOTHI 1:16

hynrei U Blei u la leh-isynei ïa nga khnang ba U Khrist Jisu un ïoh pynpaw ïa ka jingïaishah slem jong u ha kaba ïadei bad nga, uba sniew tam na kiba pop, kum ka nuksa ïa kito baroh ki ban sa ngeit ïa u hadien bad ïohpdiang ïa ka jingim bymjukut.

1 TIMOTHI 6:12

To men mareh ïa kata ka jingmareh thong jong ka jingngeit, bad ïoh ïa ka jingim bymjukut ïa lade; naba sha kane ka jingim U Blei u la khot ïa me mynba me la phla shai ïa ka jingngeit jong me ha khmat ki sakhi kiba bun.

1 TIMOTHI 6:19

Ha kane ka rukom kin kynshew ïa lade ka spah ka ban long ka nongrim kaba skhem na ka bynta ka lawei. Bad nangta kin lah ban jop ïa ka jingim kaba long ka jingim kaba shisha.

TITOS 1:2

kaba pynshong nongrim ha ka jingkyrmen ïa ka jingim bymjukut. U Blei, u bym ju shukor, u la kular ïa ngi ïa kane ka jingim naduh mynnyngkong,

TITOS 3:7

khnang ba ngi lah ban don ka jingïadei kaba beit bad U Blei bad ïohpdiang ïa ka jingim bymjukut kaba ngi ap kyrmen.

1 ÏOANNIS 1:2

Haba ïa une u jingim la pynpaw, ngi la ïohi ïa u; kumta ngi kren shaphang jong u bad ngi ïathuh ïa phi shaphang ka jingim bymjukut kaba la don bad U Kpa bad ba la pynithuh ha ngi.

1 ÏOANNIS 2:25

Bad kane ka long kaei kaba U Khrist hi da lade u la kular ban ai ha ngi — ka jingim bymjukut.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

JUDAH 1:21

bad to ri ïa lade ha ka jingieit U Blei, da kaba ap khmih ïa U Jisu Khrist uba U Trai jong ngi ha ka jingisynei jong u ban ai ha phi ïa ka jingim bymjukut.