MATHAÏOS 19:13 - Khasi CL Bible (BSI)

¹³ Katto katne ngut ki briew ki la wallam ïa ki khynnah sha U Jisu ba un buh ïa ki kti jong u halor jong ki bad ba un duwai na ka bynta jong ki, hynrei ki synran ki la mai ïa ki briew.

KA BAIBL

¹³ Ynda kumta, ki la wallam ïa ki khunlung ha u, ba un buh ïa la ki kti ha ki, bad ba un duwai, hynrei, ki synran ki la sneng ïa ki.

MATHAÏOS 19:13 ပူးပေါင်းရင်းမြစ်များ

JENESIS 48:1

Hadien katto katne por, la ïathuh ha u Joseph ba u kpa jong u, u pang. Kumta u ïalam ïa ki khun shynrang jong u ar ngut, u Manasseh bad u Ephraim, ban ïaleit khmih ïa u Jakob.

JEREMAÏAH 32:39

Ngan ai ha ki ïa kawei ka jingthmu ha ka jingim: ban burom ïa nga ha ki por baroh, na ka bynta ka jingbha jong ki hi bad ka jingbha jong ki khun ki ksiew jong ki.

MATHAÏOS 16:22

U Petros u la shim kyrpang ïa U sharud bad u la sdang ban mai ïa u, “U Blei un ym shah ïa kata, ko Trai!” u la ong. “Kata kan ym jia da lei lei ha me!”

MATHAÏOS 19:12

Naba don shibun ki daw baïapher balei ba ki briew kim lah ban shongkurim: katto katne, namar ba la kha ïa ki kumta; kiwei pat, namar ba ki briew ki pynlong ïa ki kumta; bad kiwei pat kim shongkurim na ka bynta ka Hima ki bneng. Ai ba uta uba lah ban pdiang ïa kane ka jinghikai un leh kumta.”

MATHAÏOS 20:31

U paidbah u la kynhied ïa ki bad ong ïa ki ban sngap jar. Hynrei ki la nang pyrta kham jam, “Ko Khun u Dabid! To sngewsynei ïa ngi, ko Kynrad!”

KI KAM 2:39

Naba ïa ka jingkular jong U Blei la pynlong ha phi bad ha ki khun jong phi, bad ha baroh kiba sha jngai — baroh kiba U Trai U Blei jong ngi u khot sha lade.”

1 KORINTH 7:14

Naba ïa u tnga u bymngeit la pynlong uba la pdiang ha U Blei da kaba pynïasoh ha ka tnga jong u, bad ïa ka tnga ka bymngeit la pynlong kaba la pdiang ha U Blei da kaba pynïasoh ha la u tnga uba ngeit. Lada kane kam long kumta, ki khun jong ki kin long kum ki khun jong ki bymngeit; hynrei kumba ka long, la pynlong ïa ki kiba la pdiang da U Blei.

1 SAMUEL 1:24

Hadien ba ka la pyniehnoh buiñ ïa u, ka leit ïalam ïa u sha Shiloh ryngkat bad uwei u masi uba dang lai snem, shiphew kilo u 'purew, bad shi pla snieh ka waiñ. Ka ïalam ïa u Samuel, wat la u dang khynnah eh, sha ka ïing U Trai ha Shiloh.