MATHAÏOS 18:35 - Khasi CL Bible (BSI)

³⁵ Bad U Jisu u la pynkut, “Kata ka long kumno ba U Kpa jong nga uba ha bneng un leh ïa uwei pa uwei na phi lymda phi ïamap ïa la u hynmen u para naduh ka dohnud.”

KA BAIBL

³⁵ Kumta ruh, U Kpa jong nga uba ha bneng un leh ïa phi, lada phin ym ïamap uwei pa uwei ïa la u para naduh la ki dohnud.”

MATHAÏOS 18:35 ပူးပေါင်းရင်းမြစ်များ

PROBERB 21:13

Lada phi kyntait ban shahshkor ïa ka jingud kiba duk, ïa ka jingkyang jingïarap jong phi hi yn ym don ba ïohsngew.

PROBERB 21:2

Phi lah ban tharai ba baroh kat kaba phi leh ka long kaba dei, hynrei kynmaw ba U Trai u bishar ïa ki jingthmu jong phi.

JEREMAÏAH 3:10

Bad hadien kane baroh, ka Judah, ka para bymïaineh jong ka Israel, ka la shu leh mynleh ban wan phai sha nga, kam shym da mut shisha. Ma nga U Trai, nga la kren.”

SEKHARAÏAH 7:12

bad ki pynlong ïa ki dohnud jong ki, kiba eh kum u mawsiang. Namar ba kim shym la shahshkor ïa ka jinghikai kaba nga la phah lyngba ki nongïathuhlypa kiba la im slem bah, nga la bitar shikatdei eh.

MATHAÏOS 18:34

U Syiem u la bitar lep, bad u la phah ïa uta u shakri sha byndi ba yn pynshitom ïa u tad haduh ba un da siew pat ïa ka ram baroh.”

MATHAÏOS 6:12

To map ïa ngi ïa ki jingpalat kiba ngi la leh, kumba ngi map ïa ki jingpalat kiba kiwei ki la leh ïa ngi.

MARKOS 11:25

Bad haba phi ïeng bad duwai, to map ïa kaei kaei kaba phi lah ban don pyrshah ïano ïano, khnang ba U Kpa jong phi uba ha bneng un map ïa ki jingleh bymdei kiba phi la leh.

MARKOS 11:26

Lada phim map ïa kiwei, U Kpa jong phi uba ha bneng un ym map ïa ki jingbakla kiba phi la leh.”

LOUKAS 16:15

U Jisu u la ong ha ki, “Phi long kita kiba pynlong ïa lade ban ibiang ha ka jingkhmih jong kiwei ki briew, hynrei U Blei u tip ïa ka dohnud jong phi. Naba kiei kiei baroh ïa kiba la ñiewkordor shikatdei eh da u briew, ki long ki bymdondor ei ei ruh em ha ka jingkhmih U Blei.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

JAKOB 3:14

Hynrei lada hapoh ka dohnud jong phi, phi don ka jingpihuiñ, bad khwan myntoi, to wat leh pop pyrshah ïa ka jingshisha da kaba kren sarong ïa la ka jingstad.

JAKOB 4:8

To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.