MATHAÏOS 18:3 - Khasi CL Bible (BSI)

³ bad u la ong, “Nga pynthikna ïa phi ba lymda phi kylla bad long kum ki khynnah, phin ym ïohrung da lei lei shapoh ka Hima ki bneng.

KA BAIBL

³ bad u la ong, “Shisha nga ong ha phi, lada phim kylla, bad phim long ruh kum ki khynnah, phin ym leit bsut ha ka hima ki bneng.

MATHAÏOS 18:3 ပူးပေါင်းရင်းမြစ်များ

SALM 131:2

Pynban, nga sngewhun bad nga suk ka mynsiem. Kum i khunlung ba dem jar jar ha ki ksang'ti jong ka kmie, kumta ruh ka dohnud jong nga ka long jai jai hapoh jong nga.

ISAÏAH 6:10

Nangta u ong ïa nga, “Pynbthi ïa ki jingmut jingpyrkhat jong kine ki briew, pynkyllut ïa ki shkor jong ki, bad pynmatlah ïa ki khmat jong ki, ba kumta kin ym lah ban ïohi lane ïohsngew lane sngewthuh. Lada ki leh kumta, ki lah ban phai sha nga bad ïoh jingkhiah.”

MATHAÏOS 13:15

namar ki jingpyrkhat jong ki, ki la bthi, bad ki la set ïa ki shkor jong ki bad ki la khapbrip la ki khmat. Lymda kumta, ki khmat jong ki, kin jin da la ïohi, ki shkor jong ki kin jin da la ïohsngew ki jingmut jingpyrkhat jong ki kin jin da la shemphang, bad kin jin da la wan phai pat sha nga,’ ong U Blei, ‘bad ngan pynkhiah ïa ki.’

MATHAÏOS 18:2

Kumta U Jisu u la khot ïa u khynnah, u la pynïeng ïa u ha khmat jong ki,

MATHAÏOS 18:4

Uba khraw tam hapoh ka Hima ki bneng u long uta uba pynrit ïa lade bad uba long kum une u khynnah.

MATHAÏOS 19:14

U Jisu u la ong, “Shah ïa ki khynnah ba kin wan sha nga bad wat khang ïa ki, namar ka Hima ki bneng ka long ïa kiba kum kine.”

MATHAÏOS 19:23

Nangta U Jisu u la ong ha la ki synran, “Nga pynthikna ïa phi: kan long kaba eh than ïa ki briew bariewspah ban rung shapoh ka Hima ki bneng.

MATHAÏOS 5:18

To kynmaw ba katba ka bneng bad ka pyrthei ki dang sah, ym don iwei i dak iba rit tam lymne i bynta iba rit tam na ka Hukum ïa iba yn pyndam noh — ym haduh kaba kut jong kiei kiei baroh.

MATHAÏOS 5:20

Kumta, nga ong ïa phi, ba phin lah ban rung shapoh ka Hima ki bneng tang lada phi ïaineh skhem kham palat ban ïa ki nonghikai Aiñ bad ki Pharisi ha kaba leh ïa kaei kaba U Blei u dawa.

MATHAÏOS 6:16

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 6:2

“Kumta haba phi ai ei ei ha u briew uba kyrduh, wat pynsawa jam ïa ka, kumba ki riewarsap ki leh ha ki synagog bad ha ki lynti bah. Ki leh ïa ka khnang ba ki briew kin ïaroh ïa ki. Nga pynthikna ïa phi, ba ki la da ïoh ka jingsiew ba-pura.

MATHAÏOS 6:5

“Haba phi duwai, wat long kum ki riewarsap! Ki ieit ban ïeng bad duwai ha ki synagog bad ha ki kyndong surok, khnang ba baroh kin ïohi ïa ki. Nga pynthikna ïa phi, ki la ïoh lypa ïa ka jingsiew kaba pura.

MARKOS 4:12

khnang ba, “ ‘Kin khmih bad ïai khmih, pynban kin ym ïohi; Kin sngap bad ïai sngap, pynban kin ym sngewthuh. Namar lada ki ïohi lane sngewthuh, kin phai sha U Blei, bad un map ïa ki.’ ”

LOUKAS 13:24

U Jisu u la jubab ïa ki, “Leh ïa kaba bha tam ban rung lyngba ka khyrdop kaba khim; namar bun ki briew da kaba thikna kin pyrshang ban phrung lyngba jong ka hynrei kin ym lah.

LOUKAS 22:32

Hynrei nga la duwai na ka bynta jong me, ko Simon, ba ka jingngeit jong me kan ym duh noh. Bad haba me la wan phai pat sha nga, me dei ban pynkhlaiñ ïa ki hynmen ki para jong me.”

ÏOANNIS 1:51

Bad u la ong ha ki, “Nga ïathuh ha phi ïa ka jingshisha: Phin sa ïohi ïa ka bneng ba la plie bad ki angel jong U Blei ba ki ïakiew bad ïahiar ha U Khun U Briew.”

ÏOANNIS 3:3

U Jisu u la jubab, “Nga ïathuh ha me ïa ka jingshisha: Ym don uba lah ban ïohi ïa ka Hima U Blei lymda kha pat ïa u.”

ÏOANNIS 3:5

“Nga ïathuh ha me ïa ka jingshisha,” U Jisu u la jubab, “Ym don uba lah ban rung sha ka Hima U Blei khlem da kha na ka um bad na U Mynsiem.

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

KI KAM 28:27

namar ka jingpyrkhat jong kine ki briew ka bthi, bad ki la set kyllut ïa la ki shkor bad khapbrip ïa ki khmat jong ki. Lym kumta, ki khmat jong ki kin lah ban ïohi, ki shkor jong ki, kin ïohsngew, ki jingmut jingpyrkhat jong ki kin shemphang, bad kin phai sha nga, ong U Blei, bad ngan pynkhiah ïa ki.’ ”

KI KAM 3:19

Te, to kylla-kaba-mut, bad to phai sha U Blei, khnang ba un map ïa ki pop jong phi.

1 KORINTH 14:20

Wat long kum ki khynnah ha ka rukom pyrkhat jong phi, ko parabangeit jong nga; to long khynnah ha kaba ïadei bad ka jingbymman, hynrei to long rangbah ha ka rukom pyrkhat.

1 PETROS 2:2

To long kum ki khunlung kiba dang shu kha, kiba kwah hir hir borabor ïa ka dud bakhuid ba kynja mynsiem, khnang ba da kaba dih ïa ka phin san bad yn pynim ïa phi.

2 PETROS 1:11

Ha kane ka rukom, phin ïoh ïa ka hok ba-pura ban rung sha ka Hima bymjukut jong U Jisu Khrist uba U Trai bad U Nongpynim jong ngi.