MATHAÏOS 18:28 - Khasi CL Bible (BSI)

²⁸ “Nangta uta u briew u la mihnoh bad u la ïakynduh ïa uwei na ki para shakri jong u uba la shahram ïa u katto katne tyngka. U la bat trait bad u la ksih ïa u. ‘Siew noh ïa ka ram jong nga!’ u la ong.

KA BAIBL

²⁸ Te haba uta u shakri u la mih noh, u la shem ïa uwei na ki para shakri jong u ha uba u la shah shispah suka, bad u la kem ïa u na ka ryndang, u da ong, ‘Ai ïa nga ïa kaba nga la shah!’

MATHAÏOS 18:28 ပူးပေါင်းရင်းမြစ်များ

NEHEMAÏAH 10:31

Lada ki nongwei ki wallam kew lane kano kano ban die ha ngi ha ka sngi Sabbaton lane ha kano kano ka sngi khuid, ngin ym thied na ki. Ngin ym trei lyngkha ha man ka snem kaba hynñiew, bad ngin pyndam noh ïa ki ram baroh.

NEHEMAÏAH 5:7

Nga la pynrem ïa ki nongïalam bad ki rangbah synshar jong ki paidbah bad ong ïa ki, “Phi la banbeiñ ïa la ki para ki hynmen jong phi!” Nga la khot ïa ka jingïalang paidbah ban pynbeit ïa ka jingeh bad nga ong,

PROBERB 28:3

U briew uba don ha ka bor uba banbeiñ ïa kiba duk u long kum u 'lapbah 'lapsan uba pynjot thiaw ïa ki jingthung.

ISAÏAH 58:3

Ki briew ki kylli, “Balei ngin shahjingit, lada U Trai um patiaw? Balei ngi dei ban leit khlem bam lada um shahshkor?” U Trai u ong ïa ki, “Ka jingshisha ka long ba ha kajuh ka por ba phi shahjingit, phi ïabeh ïa la ki jong ki jingmyntoi bad banbeiñ ïa la ki nongtrei.

ESEKIEL 45:9

U Trai Nongsynshar u la ong, “Phi la leh pop la slem bha, ko ki nongsynshar ka Israel! Sangeh noh na ka jingleh jubor bad ka jingbanbeiñ jong phi. Leh ïa kaei kaba dei bad kaba hok. Phim dei shuh ban beh noh ïa ki briew jong nga na ka ri jong ki. Ma nga, U Trai Nongsynshar, nga ong ha phi ïa kane.

MATHAÏOS 18:27

U Syiem u la sngewsynei ïa u, kumta u la map ïa ka ram jong u bad u la pyllait noh ïa u.

MATHAÏOS 18:29

U para shakri jong u, u la dem khrup bad u la kyrpad ïa u, ‘to ïaishah bad nga, bad ngan siew pat ïa phi!’

MATHAÏOS 20:2

U la mynjur ban siew ïa ki ka bainong sngi, shi sbai rupa shi sngi, bad u la phah ïa ki ban trei ha ka bri sohwaiñ jong u.

MARKOS 14:5

Yn jin da la die ïa ka palat laispah ki sbai rupa bad ïa ka pisa ban ai ha kiba duk!” Bad ki la kem daw tyngeh ïa ka.

MARKOS 6:37

“Phi dei ma phi hi ban ai ei ei ïa ki ba kin bam,” U Jisu u la jubab. Ki la kylli, “Hato me kwah ïa ngi ban leit bad pynlut arspah tylli ki sbai rupa ha u kpu khnang ban bsa ïa ki?”

LOUKAS 10:35

Ha ka sngi kaba bud, u la sei ar tylli ki sbai rupa bad u la ai ïa ki ha u trai ïing. ‘To sumar ïa u,’ u la ong ïa u trai ïing, ‘bad ynda nga wan phai na kane ka lynti, ngan siew ïa me ïa kano kano kaba me pynlut halor jong u.’”

LOUKAS 7:41

“La don ar ngut ki rangbah kiba la shahram ha u nongai ram,” U Jisu u la sdang. “Uwei u la shahram na u, sanspah tylli ki sbai rupa, bad uwei pat u la shahram na u, sanphew.

ÏOANNIS 6:7

U Philip u la jubab, “Lada uwei uwei un ïoh tang mar khyndiat, kan donkam palat ïa ka arspah tylli ki sbai rupa ban thied kpu kat ban biang.”

DEUTERONOMI 15:2

Haba map, dei ban leh kumne. Uwei pa uwei uba ai ram ha la u para Israel u dei ban map ïa kata ka ram; um dei ban dawa shuh ïa ka, namar ba U Trai hi u la map ïa ka.