MATHAÏOS 18:16 - Khasi CL Bible (BSI)

¹⁶ Hynrei lada um sngap ïa me, ïalam uwei ne ar ngut kiwei pat ki briew lem bad me, khnang ba ‘kawei pa kawei ka jingkynnoh lah ban kyrshan da ka jingsakhi jong ki ar lane lai ngut ki sakhi.’

KA BAIBL

¹⁶ Te lada um sngew, to shim lem bad me ïa uwei ne ar ngut kiwei pat, ba da ka shyntur ar ngut ne lai ngut ki sakhi yn pynskhem ïa ka ktien baroh.

MATHAÏOS 18:16 ပူးပေါင်းရင်းမြစ်များ

1 SYIEM 21:13

Kita ki ar ngut ki riewrunar ki kynnoh pyrshah ïa u ha khmat u paidbah ba u la tim ïa U Blei bad ïa u syiem. Bad kumta la sei ïa u shabar ka nongbah bad lynthem maw ha ban da ïap.

JINGKHEIÑ 35:30

“Ïa u briew uba shah kynnoh pynïap briew lah ban rai pynrem bad pynïap tang halor ka jingphla jong ki ar ngut ne kham bun ngut ki sakhi; ka sakhi tang ka jong uwei u briew kam biang ban kyrshan ïa ka jingkynnoh pynïap briew.

ÏOANNIS 8:17

La thoh ha ka hukum jong phi ba haba ar ngut ki sakhi ki ïamynjur, kaei kaba ki ong ka long kaba shisha.

2 KORINTH 13:1

Kane ka long mynta ka sien kaba lai ba nga wan jngoh ïa phi. Kumba ka Jingthoh Bakhuid ka ong, “Ïa kano kano ka jingmudui dei ban pynksan da ka jingpynshisha da ki ar ngut ki sakhi ne tam ïa kata.”

DEUTERONOMI 17:6

Hynrei lah ban pynïap ïa kita tang lada don ar ngut ne kham bun ki sakhi pyrshah ïa ki; ym dei ban pynïap ïa ki lada don tang uwei u sakhi.

DEUTERONOMI 19:15

“Kam biang tang uwei u sakhi ban rai pynrem ïa u briew na ka bynta kano kano ka kam palat; la kumno kumno, ar ngut ki sakhi ki dei ban pynsabut ba u briew u leh kam sniew.

1 TIMOTHI 5:19

To wat pynshahshkor ïa ka jingmudui pyrshah ïa u nongsharai balang lymda la wanrah da ki ar ngut ne bun ngut ki sakhi.

HEBRU 10:28

Uno uno u bymkohnguh ïa ka Hukum u Moses u shah pynïap khlem jingisynei haba la bishar pynrem halor ka sakhi jong ki ar ngut ne bun ki nongsakhi.

JINGPYNPAW 11:3

Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”