MATHAÏOS 18:15 - Khasi CL Bible (BSI)

¹⁵ “Lada u para jong me u leh pop pyrshah ïa me, khie leit sha u bad pyn-i ha u ïa ka jingbakla jong u. Hynrei leh ïa ka ha kaba jar jar, kumba tang hapdeng para ma phi. Lada u shahshkor ïa me, me la ïoh pat ïa la u para.

KA BAIBL

¹⁵ “Lada u paralok jong me u leh pop ïa me, to khie leit, bad sneng ïa u haba don tang ma u bad me hi: lada un sngew ïa me, me la pynbha ïa u paralok jong me.

MATHAÏOS 18:15 ပူးပေါင်းရင်းမြစ်များ

SALM 141:5

U briew uba bha u lah ban pynshitom ïa nga bad sneng ïa nga ha ka jingsbun, hynrei ngan ym lah ban pdiang ïa ka burom na ki briew kiba sniew. Namar nga ju duwai borabor pyrshah ïa ki kam basniew jong ki.

PROBERB 11:30

Ka hok ka ai jingim, hynrei ka jinglehbor ka shim noh ïa ka.

LEBITIKOS 19:17

“Wat buhnud ïano ïano, hynrei ïapynbeit ïa ka jingïapher jingmut hapdeng jong phi, khnang ba yn ym pynleh pop ïa phi namar jong u.

MATHAÏOS 18:14

Ha kajuh ka rukom U Kpa jong phi uba ha bneng um kwah ba iwei ruh na kine kiba rit in jah noh.

MATHAÏOS 18:21

Nangta u Petros u la wan sha U Jisu bad u la kylli, “Ko Trai, lada u hynmen u para jong nga u ïai leh pop pyrshah ïa nga, haduh katno sien nga dei ban map ïa u? Haduh hynñiew sien?”

MATHAÏOS 18:35

Bad U Jisu u la pynkut, “Kata ka long kumno ba U Kpa jong nga uba ha bneng un leh ïa uwei pa uwei na phi lymda phi ïamap ïa la u hynmen u para naduh ka dohnud.”

Ka Shithi U Paul Sha Ki Nong Rom 12:21

To wat ai ba ka jingsniew kan jop ïa phi; pynban, to jop ïa kaba sniew da kaba bha.

1 KORINTH 8:12

Bad ha kane ka rukom phin leh pop pyrshah ïa U Khrist keiñ da kaba leh pop pyrshah ïa la ki parabangeit bad pynmong ïa ka jingïatiplem batlot jong ki.

2 KORINTH 7:12

Kumta, wat la nga la thoh ïa kato ka shithi, ka la long ym namar jong uta uba la leh bymdei lane na ka bynta uta uba la shah leh bymdei. Pynban, nga la thoh ïa ka khnang ban pynshai ha phi, ha khmat jong U Blei, katno ka long da shisha kaba jylliew ka jingaiti jong phi sha ngi.

GALATIA 6:1

Ko parabangeit jong nga, lada lap ïa uno uno ha kano kano ka jingpalat, kito na phi kiba kynja mynsiem ki dei ban pynbha pat ïa u; hynrei phi dei ban leh ïa ka ha ka rukom ka jingjemnud. Bad da husiar bha ïa lade, khnang ba ma phi ruh phin ym shah pynshoi.

KOLOSSAI 3:13

To ïaishah iwei ïa iwei pat, bad ïamap iwei ïa iwei pat ha man ba uno uno na phi u don ka jingmudui pyrshah ïa uno uno uwei pat. Phi dei ban ïamap iwei ïa iwei pat kumba U Trai u la map ïa phi.

1 THESSALONI 4:6

Ha kane ka rukom, te, uno uno u briew un ym dei ban leh bymdei ïa la u parabangeit lane shim kabu ïa u. Ngi la ïathuh ïa phi ïa kane mynshuwa, bad ngi maham jur ïa phi ba U Trai un pynshitom ïa kito kiba leh ïa kata.

2 THESSALONI 3:15

Hynrei wat ñiew ïa u kum u nongshun; pynban, to maham ïa u kum u para.

TITOS 3:10

La kumno kumno to ai ïa ka jingmaham ar sien ïa u briew uba pynmih ki jingïapait, bad hadien kata to kiar noh na u.

1 PETROS 3:1

Ha kajuh ka rukom, phi ki kynthei, to da pynkohnguh ïa lade ha la ki tnga, khnang ba lada don uno uno napdeng jong ki, ki bymngeit ïa ka ktien U Blei, ka jinglong jingim jong phi kan jop ïa ki ban ngeit.