MATHAÏOS 18:14 - Khasi CL Bible (BSI)

¹⁴ Ha kajuh ka rukom U Kpa jong phi uba ha bneng um kwah ba iwei ruh na kine kiba rit in jah noh.

KA BAIBL

¹⁴ Kumta, kam long ka mon U Kpa jong phi uba ha bneng, ba in jah noh iwei na kine ki barit.

MATHAÏOS 18:14 ပူးပေါင်းရင်းမြစ်များ

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

MATHAÏOS 18:13

Haba u shem ïa ka, nga ong ha phi, u kham kmen ïa kane kawei ka langbrot ban ïa ki khyndaiphew khyndai tylli ki bym shym la jah.

MATHAÏOS 18:15

“Lada u para jong me u leh pop pyrshah ïa me, khie leit sha u bad pyn-i ha u ïa ka jingbakla jong u. Hynrei leh ïa ka ha kaba jar jar, kumba tang hapdeng para ma phi. Lada u shahshkor ïa me, me la ïoh pat ïa la u para.

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

MATHAÏOS 6:32

(Kine ki long kiei kiei kiba ki nongmane blei thala ki ju ïai pyrkhat borabor.) U Kpa jong phi uba ha bneng u tip ba phi donkam ïa kine kiei kiei baroh.

MATHAÏOS 6:9

Kane keiñ, ka long kumno phi dei ban duwai: “ ‘Ko Kpa jong ngi uba ha bneng: Ai ba ka kyrteng bakhuid jong me kan long kaba la pyndonburom;

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

ÏOANNIS 17:12

Mynba nga la don lem bad ki, nga la ri kyndong ïa ki da ka bor ka kyrteng jong me, ka kyrteng kaba me la ai ha nga. Nga la ïada ïa ki, bad ym don uwei ruh na ki uba la jah noh, lait tang u briew uba la dei ban jah — khnang ba ka Jingthoh Bakhuid kan urlong shisha.

ÏOANNIS 21:15

Hadien ba ki la dep bam, U Jisu u la ong ïa u Simon Petros, “Ko Simon, u khun jong u Jona, me kham ieit ma me ïa nga ban ïa kaba kine kiwei ki ieit?” “Ho-oid, ko Trai,” u la jubab, “me tip ba nga ieit ïa me.” U Jisu u la ong ha u, “To sumar ïa ki khunlangbrot jong nga.”

2 TIMOTHI 2:10

Hynrei ka ktien jong U Blei kam shah teh ha ki kynjri, bad kumta nga ïaishah ha kiei kiei baroh na ka bynta ki briew ba la jied jong U Blei, khnang ba ma ki ruh kin ïohpdiang ïa ka jingpynim kaba wan lyngba U Khrist Jisu bad kaba wallam ïa ka burom bymjukut.

HEBRU 12:13

Da ïaid ha ki lynti kiba beit, khnang ba ïa kata ka kjat kaba dkoh yn ym pynduhbor noh, hynrei pynban, yn pynkoit keiñ ïa ka.

2 PETROS 3:9

U Trai um pyntud ban leh ïa kaei kaba u la kular, kumba don kiba pyrkhat. Pynban, u long uba ïaishah slem bad phi, namar um kwah ïano ïano ban jot noh, hynrei u kwah ba baroh kin phai noh na ki pop jong ki.