MATHAÏOS 18:12 - Khasi CL Bible (BSI)

¹² “Phi pyrkhat kumno un leh u briew uba don shispah tylli ki langbrot bad kawei na ki ka jah noh? Un iehnoh ïa kiwei pat ki khyndaiphew khyndai tylli ban bam phlang ha ki sharing lum bad leit bad wad ïa ka langbrot ba la jah.

KA BAIBL

¹² Phi mut kumno? Lada u briew u la don shispah ki langbrot, te lada kawei na ki ka leit sakma, um iehnoh sah ïa ki khyndaiphew khyndai, bad leit sha lum ban wad ïa kata kaba la sakma?

MATHAÏOS 18:12 ပူးပေါင်းရင်းမြစ်များ

1 SYIEM 21:17

Te U Trai u ong ha u Elijah u nongïathuhlypa na Tishbe, “Khie leit sha u syiem Ahab jong ka Samaria.

SALM 119:176

Nga ïaid sakma kum ka langbrot kaba la jah noh, kumta to wan bad wad ïa nga, u shakri jong me, namar ngam shym leh klet ïa ki aiñ jong me.

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

JEREMAÏAH 50:6

“Ki briew jong nga ki long kum ki langbrot kiba ki nongap langbrot ki la shah ba kin jah noh ha ki lumbah. Ki la sakma kum ka langbrot na uwei u lum sha uwei pat, bad ki la klet hangno ka ïing jong ki ka don.

ESEKIEL 34:12

Ha kajuh ka rukom kumba u nongaplangbrot u sumar bha ïa la ki langbrot kiba la sakma bad u wallam lang ïa ki pat. Ngan wallam pat ïa ki na ki jaka sha kiba la pynsakma ïa ki ha kata ka sngi ka jingdum bad jingjot.

ESEKIEL 34:16

“Ngan wad ïa kito kiba la jah, ngan wallam pat ïa kito kiba la sakma, ngan sop spaiñ ïa kito kiba la mong, bad ngan pynkhiah ïa kito kiba pang, hynrei ïa kito kiba sngaid bad kiba khlaiñ ngan sa pynjot, namar nga long u nongaplangbrot uba leh ïa kaei kaba dei.

ESEKIEL 34:28

Ki jaitbynriew ba-thala kin ym lute shuh ïa ki, bad ki mradkhlaw kin ym pynïap bad bam duh ïa ki. Kin im ha ka jingshngain, bad yn ym don ba pynsheptieng ïa ki.

ESEKIEL 34:4

Phim shym la sumar bha ïa kita kiba swai, pynkhiah ïa kito kiba pang, phim shym la sop spaiñ ïa kito kiba mynsaw, wallam pat ïa kito kiba la sakma, ne wad ïa kito kiba la jah noh. Pynban phi la lehbeiñ ïa ki.

ESEKIEL 34:6

Kumta ki langbrot jong nga ki ïaid sakma sha ki lumrit bajrong bad ki lumbah. La pynsakma ïa ki kylleng ka pyrthei, bad ym don ba ïit ïa ki ne pyrshang ban wad ïa ki.

MATHAÏOS 12:11

U Jisu u la jubab, “Kumno lada uwei na phi u don kawei ka langbrot bad ka hap hapoh ka thliew bajylliew ha ka sngi Sabbaton? Hato phin ym bat ïa ka bad kyntiew ïa ka shabar?

MATHAÏOS 18:13

Haba u shem ïa ka, nga ong ha phi, u kham kmen ïa kane kawei ka langbrot ban ïa ki khyndaiphew khyndai tylli ki bym shym la jah.

MATHAÏOS 21:28

“Mynta, phi pyrkhat aïu? La don shisien uwei u briew uba la don ar ngut ki khun shynrang. U la leit sha uba kham san bad u la ong, ‘Ko khun, khie leit bad trei ha ka bri sohwaiñ mynta ka sngi.’

MATHAÏOS 22:42

“Phi pyrkhat kumno shaphang u Messaïah? U dei u nonghiarpateng jongno?” “U dei uba hiarpateng na u Dabid,” ki la jubab.

1 KORINTH 10:15

Nga kren ha phi kum ki briew kiba sngewthuh; to bishar hi da lade ïa kaei kaba nga ong.

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.