MATHAÏOS 17:6 - Khasi CL Bible (BSI)

⁶ Haba ki synran ki la ïohsngew ïa ka sur, ki la sheptieng haduh katta katta ba ki la dem khrup la ki durkhmat sha khyndew.

KA BAIBL

⁶ Haba ki synran te ki la ïohsngew, ki la dem ngon, bad ki la sheptieng shibun eh.

MATHAÏOS 17:6 ပူးပေါင်းရင်းမြစ်များ

1 KHRONIKL 21:16

Haba u Dabid u ïohi ïa u angel uba ïeng ha shiteng suiñ, u da bat ïa la ka waitlam ha la ka kti, uba la pynkhreh ban pynjot thiaw ïa ka Jerusalem. Nangta u Dabid bad ki nongïalam jong ki paidbah — baroh na ki, kiba la phong ki jaiñ khain — ki dem pynrit, bad la ki khlieh kiba kynduh ha madan.

ESEKIEL 3:23

Kumta nga la leit sha ka them, bad hangta nga ïohi ïa ka burom U Trai, kumba nga la ïohi ïa ka harud ka wah Khebar.

ESEKIEL 43:3

Kane ka jingïohipaw ka la long kum kaba nga la ïohi mynba U Blei u la wan ban pynjot ïa ka Jerusalem, bad kum kaba nga la ïohi harud ka wah Khebar. Nangta nga la dem pyllup ïa lade ha ka khyndew.

DANIEL 8:17

U Gabriel u la wan bad u la ïeng hajan jong nga, bad nga la sheptieng katta katta ba nga kyllon ha khyndew. U la ong ha nga, “Ko khun u briew, to shemphang ïa ka jingmut. Ka jingïohipaw ka ïadei bad ka jingkut jong ka pyrthei.”

LEBITIKOS 9:24

Kynsan U Trai u phah ïa ka ding, bad ka bam duh ïa ka jingkñia ainguh thang bad ïa ki bynta bakhleiñ baroh ha ka duwan. Haba ki paidbah ki ïohi ïa kata, ki la ïa-pyrta jam, bad ki ïadem ngon haduh khyndew.

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

MATHAÏOS 17:7

U Jisu u la wan sha ki bad u la ktah ïa ki. “To ïeng joit,” u la ong. “To wat sheptieng!”

KI KAM 22:7

Nga la hap sha madan bad nga la ïohsngew ïa ka sur kaba ong ha nga, ‘Saul, Saul! Balei me pynshitom beiñ ïa nga?’

KI KAM 26:14

Ngi baroh ngi la hap sha madan, bad nga la ïohsngew ïa ka sur kaba kren ha nga ha ka ktien Hebru, ‘Saul, Saul! balei me pynshitom beiñ ïa nga? Me pynmong ïa lade da kaba ïaleh pyrshah, kumba u masi dab u kynjat pyrshah ïa u dieng jong u kynrad jong u.’

2 PETROS 1:18

Ngi hi da lade ngi la ïohsngew ïa kane ka sur kaba wan na bneng, haba ngi la ïadon lem bad u ha u lum bakhuid.

NONGBISHAR 13:20

Katba ki thylliej ding ki dang kiew shajrong na ka duwan, u Manoah bad ka tnga jong u ki ïohi ïa u angel U Trai ba u kiew sha bneng ha ki thylliej ding. U Manoah hangta u sngewthuh ba uta u briew u dei u angel jong U Trai, bad ma u lem bad ka tnga jong u ki dem khrup ha khyndew. Kim shym ïohi shuh ïa u angel.

NONGBISHAR 13:22

U Manoah u ong ha la ka tnga, “Ngin sa ïap shisha, namar ba ngi la ïohi ïa U Blei!”