MATHAÏOS 17:3 - Khasi CL Bible (BSI)

³ Nangta ki lai ngut ki synran ki la ïohi ïa u Moses bad u Elijah ba ki ïakren bad U Jisu.

KA BAIBL

³ Ha khmih ruh, u Moses bad u Elias ki la paw ha ki, ki da ïakren bad u.

MATHAÏOS 17:3 ပူးပေါင်းရင်းမြစ်များ

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

MALAKHI 4:5

“Hynrei ha shuwa ka sngi kaba khraw bad kaba shyrkhei jong U Trai kan wan, ngan phah ha phi ïa u Elijah u nongïathuhlypa.

MATHAÏOS 17:2

Katba ki dang ïakhmih, ka jingkylla dur ka la wan ha U Jisu: Ka durkhmat jong u ka da tyngshaiñ kum ka sngi, bad ki jaiñ jong u ki la lieh phyrnai eh.

MATHAÏOS 17:4

Kumta u Petros u la kren bad u la ong ha U Jisu, “Ko Trai, katno ka long kaba bha ba ngi ïadon hangne! Lada me mon, ngan shna lai tylli ki ïingjaiñ hangne, kawei na ka bynta jong me, kawei na ka bynta u Moses, bad kawei na ka bynta u Elijah.”

MARKOS 9:4

Nangta, ki lai ngut ki synran ki la ïohi ïa u Elijah bad ïa u Moses ba ki ïakren bad U Jisu.

LOUKAS 1:17

Un leit ha shuwa jong U Trai, uba khlaiñ bad uba khrawbor kum u Elijah u nongïathuhlypa. Un pynïasuk pat ïa ki kpa bad ki khun; un pynphai pat ïa ki briew ki bymkohnguh sha ka rukom pyrkhat jong kiba hok; un pynkhreh ïa ki briew jong U Trai na ka bynta jong U.”

LOUKAS 16:16

“Ka Hukum u Moses bad ki jingthoh jong ki nongïathuhlypa ki treikam haduh ka por jong u Ïoannis u Nongpynbaptis; naduh kata ïa ka Khubor Babha shaphang ka Hima U Blei la ïai ïathuh, bad uwei pa uwei u bsut jubor shapoh.

LOUKAS 24:27

Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

LOUKAS 24:44

Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

LOUKAS 9:33

Katba kita ki rangbah ki dang leit noh na U Jisu, u Petros u la ong ha u, “Ko Kynrad, katno ka long kaba bha ba ngi ïadon hangne! Ngin shna lai tylli ki ïingjaiñ, kawei na ka bynta jong me, kawei na ka bynta u Moses, bad kawei na ka bynta u Elijah.” (Um tip da shisha ïa kaei kaba u kren.)

ÏOANNIS 1:17

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.

DEUTERONOMI 18:18

Ngan phah ha ki ïa u nongïathuhlypa uba kum ma me napdeng ki para jait jong ki hi; ngan sa ïathuh ha u aïu un ong, bad un kren ha ki briew kat ïa kaba nga hukum.

DEUTERONOMI 34:10

Ym pat ju don u nongïathuhlypa ha Israel uba kum u Moses; U Trai u ïakren bad u markhmat.