MATHAÏOS 17:27 - Khasi CL Bible (BSI)

²⁷ Hynrei ngim kwah ban pynmong ïa kine ki briew. Kumta khie leit sha ka pung bad bret ïa u khwai. Shim ïa ka dohkha ba la ngat nyngkong, bad hapoh ka shyntur jong ka men shem ïa ka pisa kaba shongdor biang na ka bynta ka khajna Templ ïa nga bad ïa me. To shim ïa ka bad siew ïa ki khajna jong ngi.”

KA BAIBL

²⁷ Hynrei, ïoh ba ngin ïa-pynthut ïa ki, to khie leit sha ka duriaw, bred ïa u khwai, bad to shim ïa kata ka dohkha kaba la ngat nyngkong; bad haba me la pyn-ang ïa ka shyntur jong ka, men shem shi shekel; to shim ïa kata, to ai ruh ha ki na ka bynta jong nga bad jong me ruh.”

MATHAÏOS 17:27 ပူးပေါင်းရင်းမြစ်များ

JENESIS 1:28

U la thaw ïa ki, shynrang bad kynthei, u la kyrkhu ïa ki, bad u la ong, “To phin ïoh bun ki khun ki kti, ba ki nonghiarpateng jong phi kin shong kin sah ha kylleng ka pyrthei bad wallam ïa ka hapoh ka jingsynshar jong ki. Nga buh ïa phi ban khmih ïa ki dohkha, ki sim, bad ïa baroh ki mradkhlaw.

1 SYIEM 17:4

Ka wahduid kan pynbiang um ïa me ban dih, bad nga la hukum ïa ki tyngab ban wanrah jingbam ïa me hangta.”

SALM 8:8

ki sim bad ki dohkha bad ki jingthaw ha ki duriaw.

JONAH 1:17

Ha ka hukum U Trai, u dohkha uba heh u la nguid ïa u Jonah, bad u la don hapoh u dohkha lai sngi lai miet.

JONAH 2:10

Te U Trai u la hukum ïa u dohkha ban prie noh ïa u Jonah harud duriaw, bad u la leh kumta.

MATHAÏOS 17:26

“Ki nongwei,” la jubab u Petros. “Kumta, te,” la jubab U Jisu, “kata ka mut ba ki traishnong kim donkam ban siew.

MATHAÏOS 18:6

“Uno uno u ban pynlong ïa uwei na kine kiba rit ban duh noh ka jingngeit ha nga, ka kham bha ïa uba kum uta u briew ban pynteh da u mawtylliat uba heh ha ka ryndang jong u bad ban pynngam jyllop hapoh ka duriaw bajylliew.

MATHAÏOS 18:8

“Lada ka kti lane ka kjat jong phi ka pynlong ïa phi ban duh noh ïa ka jingngeit jong phi, to ot noh bad bret noh ïa ka! Ka kham bha ïa phi ban rung sha ka jingim khlem ka kti lane ka kjat ban ïa kaba don baroh ar tylli ki kti bad ki kjat bad ban shah bret shapoh ka ding bymjukut.

MATHAÏOS 5:29

Kumta lada ka khmat kamon jong phi ka pynlong ïa phi ban leh pop, khlaw noh ïa ka bad bret noh ïa ka! Ka kham bha ïa phi ban duh noh shi bynta na ka met jong phi ban ïa kaba ka met jong phi baroh kawei yn shah bret sha ka dujok.

MATHAÏOS 5:30

Lada ka kti kamon jong phi ka pynlong ïa phi ban leh pop, to ot noh ïa ka bad bret noh ïa ka! Ka kham bha ïa phi ban duh ïa kawei na ki kti jong phi ban ïa kaba ka met jong phi baroh kawei ka leit sha dujok.

MARKOS 9:42

“Lada uno uno un pynlong ïa uwei na kine kiba rit ban duh noh ka jingngeit jong u ha nga, kan kham bha ban teh ïa uta u briew da u mawtylliat baheh sawdong ïa ka ryndang jong u bad ban bret ïa u sha ka duriaw.

MARKOS 9:43

Kumta lada ka kti jong me ka pynlong ïa me ban duh noh ïa la ka jingngeit, ot noh ïa ka! Ka kham bha ïa me ban rung sha ka jingim khlem ka kti, ban ïa kaba don ki kti baroh ar tylli bad ban leit sha dujok, sha ka ding bym ju lip.

LOUKAS 17:2

Kan kham bha ïa u lada la teh ha ka ryndang jong u ïa u mawtylliat uba heh bad bret ïa u sha ka duriaw ban ïa kaba ma u, u pynlong ïa uwei na kine kiba rit ban leh pop.

ÏOANNIS 6:61

Khlem da don ba ïathuh, U Jisu u la tip ba ki ïakhñium shaphang kane, kumta u la ong ha ki, “Hato kane ka pynlong ïa phi ba phin kwah iehnoh?

Ka Shithi U Paul Sha Ki Nong Rom 14:21

Ka long kaba dei ban ym bam doh, dih waiñ, lane ban leh kano kano ka ban pynlong ïa la u parabangeit ban kyllon noh.

1 KORINTH 8:13

Te namarkata, lada ka jingbam ka pynlong ïa u parabangeit jong nga ban leh pop, ngan ym bam doh shuh, khnang ba ngan ym pynlong ïa u parabangeit jong nga ban hap ha ka pop.

1 KORINTH 8:9

Pynban, to sumar, ban ym shah ba ka jinglaitluid ka jingleh jong phi kan pynlong ïa kito kiba tlot ha ka jingngeit ba kin hap ha ka pop.

2 KORINTH 6:3

Ngim kwah ïano ïano ban wad daw ïa ka jingtrei jong ngi, kumta ngi pyrshang ban ym buh ïa ki jingjynthut ha ka lynti jongno jongno.

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

1 THESSALONI 5:22

bad kiar na kano kano kaba sniew.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.