MATHAÏOS 17:18 - Khasi CL Bible (BSI)

¹⁸ U Jisu u la hukum ïa u ksuid, bad u la mihnoh shabar jong u khynnah, bad ha kata ka khyllipmat la pynkhiah ïa u.

KA BAIBL

¹⁸ Te U Jisu u la sneng ïa uta u ksuid, u ruh u la mih noh na u; te uta u khynnah u la khiah naduh kata ka por.

MATHAÏOS 17:18 ပူးပေါင်းရင်းမြစ်များ

MATHAÏOS 12:22

Nangta katto katne ngut ki briew ki la wallam sha U Jisu ïa u briew uba la matlah bad u bymnang kren namar u la shongksuid. U Jisu u la pynkhiah ïa u briew, ba kumta u la lah ban kren bad ïohi.

MATHAÏOS 15:28

Kumta U Jisu u la jubab ïa ka, “Pha long ka briew kaba khraw ka jingngeit! Ïa kaei kaba pha kwah yn leh na ka bynta jong pha.” Bad ha kata ka khyllipmat la pynkhiah ïa ka khun jong ka.

MATHAÏOS 17:17

U Jisu u la jubab, “A katno ki bymngeit bad kiba bakla phi ki briew phi long! Sa katno nga dei ban dang don bad phi? Sa katno ngan dang ïaishah ïa phi? To wallam ïa u khynnah shane sha nga!”

MATHAÏOS 17:19

Nangta ki synran ki la wan sha U Jisu ha kaba jar jar bad ki la kylli ïa u, “Balei ba ngim lah ban beh noh ïa u ksuid shabar?”

MATHAÏOS 9:22

U Jisu u la phai sawdong bad u la ïohi ïa ka, bad u la ong, “To long shlur, ko ka khun jong nga! Ka jingngeit jong pha ka la pynkoit ïa pha.” Ha kata ka khyllipmat ka kynthei ka la koit.

MARKOS 1:34

U Jisu u la pynkhiah bun kiba pang na ki jait jingpang kiba bun bad beh noh ïa kiba bun ki ksuid. Um shah ba ki ksuid kin kren ei ei, namar ki la tip u long uei.

MARKOS 5:8

(U la ong ïa kane namar U Jisu u la ong, “Me u mynsiem bymkhuid, mihnoh na une u briew!”)

LOUKAS 4:41

Ki ksuid ruh ki la mihnoh na kiba bun ki briew, ki da lynñiar, “Me long U Khun jong U Blei!” U Jisu u la hukum ïa ki ksuid bad um shah ïa ki ban kren, namar ba ki la ithuh ba u la long U Messaïah.

LOUKAS 8:29

U la ong ïa kane namar U Jisu u la lah hukum ïa u mynsiem bymman ban mihnoh na u. Bunsien u la lympat ïa u, wat haba la set khop ïa u, ïa ki kti bad ki kjat jong u la teh da ki kynjri, u ju pyndkut ïa ki kynjri bad shah ïalam ha u ksuid sha ka ri shyiap.

LOUKAS 9:42

Katba uta u khynnah u dang wan, u mynsiem bymman u la shoh pynkyllon ïa u sha madan bad u la bret ïa u ha ka jingkhie ring. U Jisu u la ai hukum ïa u mynsiem bymman, U la pynkhiah ïa uta u khynnah, bad U la ai pat ïa u ha u kpa jong u.

KI KAM 16:18

Ka la leh ïa kane bun sngi, haduh ba u Paul u la sngew salia eh ba u la phai sawdong bad u la ong ha uta u mynsiem bymman, “Ha ka kyrteng jong U Jisu Khrist nga hukum ïa me ban mihnoh na ka!” Uta u mynsiem bymman u la mihnoh na ka ha kata hi ka khyllipmat.