MATHAÏOS 17:17 - Khasi CL Bible (BSI)

¹⁷ U Jisu u la jubab, “A katno ki bymngeit bad kiba bakla phi ki briew phi long! Sa katno nga dei ban dang don bad phi? Sa katno ngan dang ïaishah ïa phi? To wallam ïa u khynnah shane sha nga!”

KA BAIBL

¹⁷ U Jisu te u la ïathuh bad u la ong, “A phi ka pateng bynriew bymngeit bad bamutlop, sa katno ngan long lem bad phi? sa katno ngan shah ïa phi? to wallam ïa u shane sha nga.”

MATHAÏOS 17:17 ပူးပေါင်းရင်းမြစ်များ

SALM 95:10

Jin haduh sawphew snem nga la ijli ïa kito ki briew. Nga la ong, ‘Haduh katno ki long kiba shetkylla! Ki kyntait ban kohnguh ïa ki hukum jong nga.’

EKSODOS 10:3

Kumta u Moses bad u Aaron ki leit sha u Pharaoh, bad ki ong ha u, “U Trai, U Blei jong ki Hebru, u ong, ‘Sa katno te men kyntait ban pyndem ha nga? Pyllait ïa ki briew jong nga ba kin ïoh mane ïa nga.

EKSODOS 16:28

Nangta U Trai u ong ha u Moses, “Sa katno shuh phi ki briew phin dang kyntait ban kohnguh ïa ki hukum jong nga?

PROBERB 1:22

“A, phi ki briew kiba bieit! Slem katno keiñ phi dang kwah ban sah bieit? Sa katno keiñ phin dang kmen ha kaba krenbeiñ ïa ka jingtip? Hato phim kwah ban ïoh jinghikai?

PROBERB 6:9

Sa katno slem ïa uba jaipdeh ban dang thiah ha jingthiah? Slem lano un khie pat?

ISAÏAH 19:14

U Trai u la pynlong ïa ki ban ai ka jingai jingmut kaba pynkulmar. Kaba mih nangta ka long ba ka Ijipt ka leh ïa kaei kaei baroh kaba bakla bad ka ïaid sheng sheng kum u briew uba buaid uba syntuid ha la ka jong ka prie.

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

JINGKHEIÑ 14:11

U Trai u ong ha u Moses, “Sa katno kine ki briew kin kyntait ïa nga? Sa katno ruh kin kyntait ban shaniah ha nga, wat la nga la leh bun ki kambah hapdeng jong ki?

JINGKHEIÑ 14:27

“Slem sa katno ba kine ki riewbymman kin khñium pyrshah ïa nga? Nga la ïohsngew shibun ïa kine ki jingkhñium!

MATHAÏOS 13:58

Namar ba kim don ka jingngeit, um shym la leh shibun ki kambah hangta.

MATHAÏOS 16:8

U Jisu u la tip ïa kaei kaba ki la ïakren, kumta u la kylli ïa ki, “Balei ba phi ïakren para ma phi shaphang ka jingbymdon jingbam ei ei? Katno kaba rit ka jingngeit phi don!

MATHAÏOS 17:16

Nga la wallam ïa u ha ki synran jong me, hynrei kim lah ban pynkhiah ïa u.”

MATHAÏOS 17:18

U Jisu u la hukum ïa u ksuid, bad u la mihnoh shabar jong u khynnah, bad ha kata ka khyllipmat la pynkhiah ïa u.

MATHAÏOS 6:30

U long U Blei uba pynkup ïa u phlang khlaw — u phlang uba don hangne mynta bad u bym don shuh lashai, uba la thang duh ha ka lawar ding. Hato un ym da la kham leh thikna ban pynkup jaiñ ïa phi? Katno kaba rit ka jingngeit phi don!

MATHAÏOS 8:26

“Balei ba phi sheptieng haduh katne?” U Jisu u la jubab. “Katno kaba rit ka jingngeit phi don!” Nangta u la khie joit bad u la hukum ïa ki lyer bad ïa ki jingat phyllung ban sangeh, bad ka la don ka jingjai jai kaba khraw.

MARKOS 16:14

Khatduh eh, U Jisu u la mihpaw ha ki khatwei ngut ki synran katba ki dang ïabam. U la kren tyngeh ïa ki, namar kim shym la don jingngeit bad namar ka jingmutlop palat ïa ka ban ngeit ïa kito kiba la lah ïohi ïa u ba u im.

MARKOS 9:19

U Jisu u la ong ïa ki, “Haduh katno phi long ki briew ki bymngeit! Haduh katno ngan don bad phi? Haduh katno ngan ïaishah bad phi? Wallam ïa u khynnah ha nga!”

LOUKAS 24:25

Nangta U Jisu u la ong ha ki, “Katno kiba bieit phi long, katno phi long kiba suki ban ngeit ïa kaei kaei baroh kaba ki nongïathuhlypa ki la ong!

LOUKAS 9:41

U Jisu u la jubab, “A katno phi ki briew phi long ki bymngeit bad bakla! Sa katno nga dei ban sah bad phi? Sa katno nga dei ban don bad phi?” Nangta u la ong ha uta u briew, “Wallam ïa u khun jong me hangne.”

ÏOANNIS 20:27

Te u la ong ha u Thomas, “Buh ïa ka shynriah'ti jong me hangne, bad peit ïa ki kti jong nga; nangta kner ïa la ka kti bad buh ïa ka ha ka krung jong nga. Wat artatien shuh bad to ngeit!”

KI KAM 13:18

bad haduh sawphew snem u la ïaishah bad ki ha ka ri shyiap.

KI KAM 2:40

U Petros u la pynlong ïa kane ka jingkyrpad ha ki bad da ki kyntien babun u la kyrpad ïa ki, da kaba ong, “To pynim ïa lade na ka jingpynshitom kaba wan ha une u paidbah ba-bymman!”

2 KORINTH 11:1

Nga da kwah ba phin ïaishah bad nga, wat haba nga leh bieit khyndiat. Sngewbha leh kumta!

DEUTERONOMI 32:5

Pynban phi, phi long kiba ïaid kdor, ki bym dei hok ban long ki briew jong u, ka jaitbynriew kaba pop bad kaba shukor.