MATHAÏOS 16:4 - Khasi CL Bible (BSI)

⁴ Katno kiba sniew bad ki bym don blei ki long ki briew jong kane ka juk! Phi kyrpad na nga ïa ka kambah? Em! Ka kambah kaba yn ai ha phi ka long tang ka kambah jong u Jonah.” Kumta u la iehnoh ïa ki bad u la leit noh.

KA BAIBL

⁴ Ka pateng bynriew bymman bad baklim ka wad ïa ka dak; te yn ym ai ka dak ha ka, hynrei, tang ïa kata ka dak u Jonah u nongïathuhlypa.” Haba u la iehnoh te ïa ki, u la leit noh.

MATHAÏOS 16:4 ပူးပေါင်းရင်းမြစ်များ

JENESIS 6:3

Nangta U Trai u ong, “Ngan ym shah ïa ki briew ban im junom, ki long kiba dei ban ïap. Nangne sha khmat kin im ym palat ïa ka shispah arphew snem.”

ISAÏAH 57:3

Ale hangne ban shah bishar, a phi ki nongpop! Phim long kham bha ban ïa ki nongleh byrtong, kiba klim bad ki nuti.

HOSIA 4:17

Ki paid Israel ki don hapoh ka jingshoh bieit ki bleithaw. Ai kin ïaid ha la ka jong ka lynti.

HOSIA 9:12

Hynrei wat la ki ïoh pynheh pynsan ïa la ki khun, ngan shim noh ïa ki bad ngan ym pynsah im uwei ruh. Haba ngan iehnoh noh ïa kine ki briew, kiei kiei kiba shyrkhei kin wan jia ha ki.”

JONAH 1:1

Ha kawei ka sngi, U Trai u la kren ha u Jonah u khun jong u Amittai.

JONAH 1:17

Ha ka hukum U Trai, u dohkha uba heh u la nguid ïa u Jonah, bad u la don hapoh u dohkha lai sngi lai miet.

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

MATHAÏOS 16:5

Haba ki synran ki la jam sha shiliang jong ka duriaw, ki la klet ban rah jingbam.

MARKOS 8:12

Hynrei U Jisu u la ud jylliew bad u la ong, “Balei ba ki briew mynta ki kwah ban ïohi kambah? Em, nga ong ïa phi! Yn ym ai kum kata ka jingpynshisha ha kine ki briew!”

MARKOS 8:38

Lada u briew u lehrain ïa nga bad ïa ka jinghikai jong nga ha kane ka sngi jong ka jingbymriewblei bad ka jingbymman, te U Khun U Briew un lehrain ïa u haba un wan ha ka burom jong U Kpa jong u ryngkat bad ki angel bakhuid.”

KI KAM 18:6

Haba ki la ïa-pyrshah ïa u bad ki la ong kiei kiei kiba sniew shaphang jong u, u la pynpaw ïa ka jingsngew pyrshah da kaba kynther ïa u pui pui na ki jaiñ jong u bad ong ha ki, “Lada phi long kiba la jah noh, phi hi da lade phi dei ban shim ka jingkitkhlieh na ka bynta jong ka! Ngam don jingkitkhlieh. Naduh mynta ngan leit sha ki Jentil.”

KI KAM 2:40

U Petros u la pynlong ïa kane ka jingkyrpad ha ki bad da ki kyntien babun u la kyrpad ïa ki, da kaba ong, “To pynim ïa lade na ka jingpynshitom kaba wan ha une u paidbah ba-bymman!”