MATHAÏOS 16:27 - Khasi CL Bible (BSI)

²⁷ Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

KA BAIBL

²⁷ Naba U Khun u briew un sa wan ha ka burom U Kpa jong u lem bad ki angel jong u, ynda kumta, un ai ha uwei pa uwei katba kum ka jingleh jong u.

MATHAÏOS 16:27 ပူးပေါင်းရင်းမြစ်များ

Ka Kitab U Job 34:11

U ai bainong ïa ki briew ïa kaei kaba ki leh bad u leh ha ki kat kum kaba ki dei hok.

SALM 62:12

bad ba ka jingieit jong u ka long kaba neh. Ma me hi, A Trai, me ainong ha uwei pa uwei kat kum ki jingleh jong u.

PROBERB 24:12

Phi lah ban ong ba kam dei ka kam jong phi, hynrei U Blei u tip bad u bishar ïa ki jingthmu jong phi. U ïai ap khmih ïa phi; u tip. Un ainong ïa phi kat kum kaei kaba phi leh.

EKLESIASTIS 3:17

Nga ong ha lade, “U Blei un bishar kumjuh ïa uba hok bad uba sniew, namar kaei kaei baroh, kano kano ka jingleh, kan jia ha ka por ba la buh ïa ka hi.”

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

ESEKIEL 18:20

Ka dei ïa uta uba leh pop ban ïap. U khun um dei ban shahshitom namar ki pop jong u kpa jong u, lymne u kpa namar ka pop jong u khun jong u. Yn ai bainong ïa u briew uba bha namar ka jinglehbha, bad u briew uba sniew un shahshitom namar ka jingsniew kaba u leh.

ESEKIEL 7:27

U syiem un ïam pangnud, u khun syiem un duh jingkyrmen, bad ki briew kin khynñiuh da ka jingsheptieng. Ngan pynshitom ïa phi na ka bynta baroh kaba phi la leh, bad ngan bishar ïa phi ha kajuh ka rukom kumba phi la bishar ïa kiwei. Kane kan pyn-i ha phi ba nga long U Trai.”

DANIEL 7:10

bad ïa ka wahduid da ka ding la theh noh na ka. La don bun hajar ngut ki briew hangta kiba shakri ïa u, bad da ki million ngut ki briew ki la ïeng ha khmat jong u. Ka ïingbishar ka la sdang ïa ka jingïalang jong ka, bad ïa ki kitab la plied.

SEKHARAÏAH 14:5

Phin lait phet lyngba kane ka them kaba pynkhlad arliang ïa une u lumbah. Phin phet kumba ki kpa tymmen jong phi ki la leh mynba u jumai u khynñiuh ha ka por jong u Ussaïah u syiem ka Judah. U Trai U Blei jong nga un wan, un wallam ïa ki angel baroh lem bad u.

MATHAÏOS 13:41

U Khun U Briew un phah ïa la ki angel ba lumlang napoh ka Hima jong u ïa kito baroh kiba pynlong ïa ki briew jong u ban leh pop bad ïa baroh kiwei pat kiba leh ïa kiei kiei kiba sniew,

MATHAÏOS 13:49

Kan long kumne ha kaba kut ka Ïa: ki angel kin mihnoh ban lumlang ïa ki briew kiba sniew napdeng kiba bha

MATHAÏOS 24:30

Nangta ka dak U Khun U Briew kan paw ha ka sahit bneng, bad baroh ki jaitbynriew jong ka pyrthei kin ïam haba ki ïohi ïa U Khun U Briew ba u wan ha ki lyoh bneng ha ka bor bad ka burom bakhraw.

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

MATHAÏOS 26:64

U Jisu u la jubab ïa u, “Me ong kumta. Hynrei nga ong ïa phi baroh: Naduh kane ka por phin ïohi ïa U Khun U Briew ba u da shong ha ka liang kamon jong U Bakhrawbor tam bad u da wan ha ki lyoh bneng!”

MATHAÏOS 8:20

U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

MARKOS 14:62

“Nga long,” U Jisu u la jubab, “bad phin ïohi ïa U Khun U Briew uba shong ha ka liang kamon jong U Badonbor Baroh bad ba u wan ha ki lyoh jong ka bneng!”

MARKOS 8:38

Lada u briew u lehrain ïa nga bad ïa ka jinghikai jong nga ha kane ka sngi jong ka jingbymriewblei bad ka jingbymman, te U Khun U Briew un lehrain ïa u haba un wan ha ka burom jong U Kpa jong u ryngkat bad ki angel bakhuid.”

LOUKAS 21:27

Nangta U Khun U Briew un paw, u da wan ha ki lyoh lem bad ka bor bad ka burom bakhraw.

LOUKAS 22:69

Hynrei naduh mynta U Khun U Briew un shong ha ka liang kamon jong U Blei Badonbor Baroh.”

LOUKAS 9:26

Lada u briew u lehrain ïa nga bad ïa ka jinghikai jong nga, te U Khun U Briew un lehrain ïa u haba u wan ha ka burom jong u bad ha ka burom jong U Kpa bad jong ki angel bakhuid.

ÏOANNIS 21:22

U Jisu u la jubab ïa u, “Lada nga mon ïa u ba un im tad ynda nga wan, ka pher aïu ïa me? To bud ïa nga!”

ÏOANNIS 21:23

Kumta ka khubor ka la pur hapdeng ki nongbud jong U Jisu ba une u synran un ym ïap. Hynrei U Jisu um shym ong ba un ym ïap; u la ong, “Lada nga mon ïa u ba un im tad ynda nga wan, ka pher aïu ïa me?”

KI KAM 1:11

“Ko nong Galilaïa, balei phi ïa-ïeng hangne da kaba khmied sha ka sahit bneng? Une U Jisu, ïa uba la shim noh sha bneng na phi, un wan pat ha kajuh ka rukom ba phi la ïohi ba u kiew sha bneng.”

Ka Shithi U Paul Sha Ki Nong Rom 14:12

Uwei pa uwei na ngi te, un hap ban ai jingkheiñ shaphang ïa lade ha U Blei.

Ka Shithi U Paul Sha Ki Nong Rom 2:6

Naba U Blei un ainong ïa uwei pa uwei kat kum kaei kaba u la leh.

1 KORINTH 15:23

Hynrei ïa uwei pa uwei yn pynmihpat kat kum ka jingbuh ryntih: Ïa U Khrist nyngkong eh na baroh; nangta ha ka jingwan jong u, sa ïa kito kiba dei ki jong u.

1 KORINTH 3:13

Bad ïa ka dor ka jingtrei jong uwei pa uwei u briew yn sa ïohi haba ka Sngi U Khrist kan pynpaw ïa ka. Naba ha kata ka Sngi, ka ding kan pynpaw ïa ka jingtrei jong uwei pa uwei; ka ding kan tynjuh ïa ka bad kan pyn-i ïa ka dor bashisha.

1 KORINTH 8:8

Pynban, ka jingbam, kan ym lah ban nang pynbha ïa ka jingïadei jong ngi bad U Blei; ngin ym duh ei ei lada ngim bam, lymne ngin ym ïohnong ei ei lada ngi bam.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

EPHESOS 6:8

To kynmaw ba U Trai un ainong ïa uwei pa uwei, la u mraw ne uba laitluid, namar ka kam babha ba u trei.

KOLOSSAI 3:25

Bad ïa uwei pa uwei uba leh bakla yn siew na ka bynta kiei kiei kiba bakla kiba u leh, namar U Blei u bishar ïa uwei pa uwei da kajuh ka jingthew.

1 THESSALONI 1:10

bad ban ap ïa U Khun jong u ban wan na bneng — U Jisu, U Khun jong u, ïa uba u la pynmihpat na ka jingïap bad uba pyllait im ïa ngi na ka jingbitar jong U Blei ka ban sa wan.

1 THESSALONI 4:16

Kan don ka jingpyrta da ka hukum, ka sur jong u angel rangbah, ka jingriew ka turoi jong U Blei, bad U Trai hi da lade un sa wan hiar na bneng. Kito kiba la ïap da kaba ngeit ha U Khrist kin ïamih pat shuwa;

JAKOB 5:7

To long kiba ïaishah, namarkata, ko parabangeit jong nga, haduh ba U Trai un wan. Khmih katno u nongrep u long uba ïaishah haba u ap ïa la ka khyndew ban pynmih ïa ki jingthung kiba kordor. U ïaishah ban ap ïa u slap synrai bad ïa u slap pyrem.

1 PETROS 1:17

Phi khot ïa u, U Kpa, haba phi duwai ha U Blei, uba bishar ïa ki briew baroh da kajuh ka jingthew, katba kum kaei kaba uwei pa uwei u la leh; kumta te, to pynlut ïa kaba sah ka jingim jong phi hangne ha ka pyrthei ha ka jingtiengburom ïa U.

1 ÏOANNIS 2:28

Ho-oid, ko ki khun jong nga, to ïaisah ha u, khnang ba ynda u wanpaw, ngin long kiba dap da ka jingshlur bad ngim donkam ban rieh ha ka jinglehrain na u ha ka Sngi kaba u wan.

JUDAH 1:14

Dei u Enokh, uba hynñiew na kiba hiarpateng beit na u Adam, uba la ïathuhlypa la slem bah ïa kane shaphang jong ki: “U Trai un wan lem bad ki hajar ki angel bakhuid jong u

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.