MATHAÏOS 16:24 - Khasi CL Bible (BSI)

²⁴ Nangta U Jisu u la ong ha la ki synran, “Lada uno uno u kwah ban wan bad nga, u dei ban klet ïa lade, ban bah ïa la ka diengphna, bad bud ïa nga.

KA BAIBL

²⁴ Ynda kumta, U Jisu u la ong ha ki synran jong u: “Lada uno uno ruh u mon ban wan nadien jong nga, ai ba un len ïa lade, bad un rah ïa la ka diengphna, bad un wan bud ïa nga.

MATHAÏOS 16:24 ပူးပေါင်းရင်းမြစ်များ

MATHAÏOS 10:38

Uno uno u bym shim ïa la ka diengphna bad bud ha dien'jat jong nga um long uba bit ban long u synran jong nga.

MATHAÏOS 27:32

Katba ki dang ïamih shabar, ki la ïakynduh ïa u briew na Kyrini uba kyrteng u Simon, bad ki shipai ki la pynbor ïa u ban bah ïa ka diengphna jong U Jisu.

MARKOS 10:21

U Jisu u la khmih shaiñ ha u da ka jingieit bad u la ong, “Me donkam tang kawei kaei kaei. Khie leit bad die ïa baroh kaba me don bad ai ïa ka pisa ha kiba duk, bad men ïoh ïa ka spah ha bneng; nangta sa wan bad bud ïa nga.”

MARKOS 15:21

Ha lynti ki la ïakynduh ïa u briew uba kyrteng u Simon, uba dang wan sha ka nongbah na rudnong, bad ki shipai ki la pynbor ïa u ban bah ïa ka diengphna U Jisu. (U Simon u dei na Kyrini bad u la long u kpa jong u Aleksandar bad u Ruphos.)

MARKOS 8:34

Nangta U Jisu u khot ïa u paidbah bad ïa la ki synran sha u. “Lada uno uno u kwah ban wan bad nga,” u la ong ïa ki, “u dei ban klet noh ïa lade, bah ïa la ka diengphna, bad bud ïa nga.

LOUKAS 14:27

Uno uno u bym bah ïa la ka diengphna bad wan nadien jong nga, um lah ban long u synran jong nga.

LOUKAS 23:26

Ki shipai ki la ïalam noh ïa U Jisu, bad katba ki dang leit, ki la ïashem ïa u briew uba ka Kyrini uba kyrteng u Simon uba la wan rung sha ka nongbah. Ki la kem ïa u, ki buh ïa ka diengphna halor jong u, bad ki la pynlong ïa u ban bah ïa ka hadien U Jisu.

ÏOANNIS 19:17

U la mihnoh, u da bah ïa la ka diengphna, bad u la wan poi sha ka jaka ba la khot “Ka jaka Maloi Khlieh”, kumba la khot ïa ka. (Ha ka ktien Hebru la khot “Golgotha”).

ÏOANNIS 21:19

(Ha kaba ong kumne, U Jisu u la kdew kaba kumno u Petros un ïap bad pyndonburom ïa U Blei.) Te U Jisu u la ong ha u, “To bud ïa nga!”

ÏOANNIS 21:22

U Jisu u la jubab ïa u, “Lada nga mon ïa u ba un im tad ynda nga wan, ka pher aïu ïa me? To bud ïa nga!”

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

KOLOSSAI 1:24

Bad mynta nga kmen shaphang ki jingshahshitom jong nga na ka bynta jong phi, naba da ki jingshahshitom jong nga ha ka doh, nga ïarap ban pyndep ïa kaei kaba dang sah na ki jingshahshitom jong U Khrist na ka bynta ka balang, kaba long ka met jong u.

1 THESSALONI 3:3

khnang ba yn ym don mano mano na phi ban phai dien noh namar kine ki jingpynshitom beiñ. Phi hi phi ïatip ba kiba kum kine ki jingpynshitom beiñ ki long ka bynta jong ka mon U Blei na ka bynta jong ngi.

2 TIMOTHI 3:12

Baroh kiba kwah ban im ïa ka jingim bariewblei ha U Khrist Jisu kin shah pynshitom;

1 PETROS 2:21

Ka dei ïa kane ba U Blei u la khot ïa phi, naba U Khrist hi u la shahshitom na ka bynta jong phi bad u la iehnoh ha phi ïa ka nuksa, khnang ba phin bud ha ki dien'jat jong u.