MATHAÏOS 16:20 - Khasi CL Bible (BSI)

²⁰ Nangta U Jisu u la hukum ïa ki synran jong u ban ym ïathuh hano hano ba u long U Messaïah.

KA BAIBL

²⁰ Ynda kumta, u la adong ïa ki synran jong u ban ym ïathuh hano hano ruh ba u long uta U Khrist.

MATHAÏOS 16:20 ပူးပေါင်းရင်းမြစ်များ

MATHAÏOS 16:16

U Simon Petros u la jubab, “Me long U Messaïah, U Khun jong U Blei uba im.”

MATHAÏOS 17:9

Katba ki dang wan hiar na u lumbah, U Jisu u la hukum ïa ki, “Wat ïathuh hano hano ruh ïa kane ka jingïohipaw kaba phi la ïohi tad haduh ba ïa U Khun U Briew la pynmihpat na ka jingïap.”

MATHAÏOS 8:4

Nangta U Jisu u la ong ha u, “To shahshkor! Wat ïathuh hano hano, hynrei khie leit beit beit sha u lyngdoh bad ai un khmih bniah ïa me; te khnang ban pynshisha ha uwei uwei baroh ba me la khiah, ai ïa ka jingkñia kaba u Moses u la hukum.”

MARKOS 8:30

Te U Jisu u la hukum ïa ki, “Wat ïathuh hano hano ruh shaphang jong nga.”

MARKOS 9:9

Katba ki dang wan hiar na u lum, U Jisu u la hukum ïa ki, “Wat ïathuh hano hano ïa kaei kaba phi la ïohi, tad haduh ba U Khun U Briew u la mihpat na ka jingïap.”

LOUKAS 2:11

Ha kane ka sngi ha ka shnong u Dabid la kha ïa U Nongpynim jong phi — U Khrist U Trai!

LOUKAS 9:21

Nangta U Jisu u la ai ha ki, ki hukum bapyrkhing ban ym ïathuh ïa kane hano hano ruh.

LOUKAS 9:36

Haba ka sur ka la sangeh, la don tang U Jisu hi marwei. Ki synran jong u ki la sngap jar shaphang kane baroh, bad kim shym ïathuh hano hano ha kata ka por ïa kaei kaei kaba ki la lah ïohi.

ÏOANNIS 1:41

Mar kumta u la shem ïa u Simon, u para jong u bad u la ong ha u, “Ngi la shem ïa u Messaïah.” (Kane ka kyntien ka mut “U Khrist”.)

ÏOANNIS 1:45

U Philip u la shem ïa u Nathanael bad u la ong ïa u, “Ngi la shem ïa uta ïa uba u Moses u la thoh ha ka kitab jong ka Hukum bad ïa uba ki nongïathuhlypa ruh ki la thoh shaphang jong u. U long U Jisu, u khun jong u Joseph, uba na Nasareth.”

ÏOANNIS 11:27

“Ho-oid, ko Trai!” ka la jubab. “Nga ngeit ba me long U Messaïah, U Khun U Blei, u ban sa wan sha ka pyrthei.”

ÏOANNIS 20:31

Hynrei ïa kine la thoh khnang ba phin ïoh ngeit ba U Jisu u long U Messaïah, U Khun U Blei, bad da kaba ngeit ha u phin ïoh ïa ka jingim.

KI KAM 2:36

“Baroh ki paid Israel, te, ki dei ban tip da kaba thikna ba une U Jisu, uba phi la sahnarphna, u dei uta uba U Blei u la pynlong U Trai bad U Messaïah!”

1 ÏOANNIS 2:22

Uei te uba lamler? U dei uno uno uba ong ba U Jisu um dei U Messaïah. Kum uta u briew, u long u Nongshun jong U Khrist — u kyntait ïa U Kpa bad ïa U Khun ruh.

1 ÏOANNIS 5:1

Uno uno uba ngeit ba U Jisu u long U Messaïah, u long u khun U Blei; bad uno uno uba ieit ïa u kpa, u ieit ïa u khun jong u ruh.