MATHAÏOS 16:19 - Khasi CL Bible (BSI)

¹⁹ Ngan ai ha me ïa ki shabi jong ka Hima ki bneng, kaei kaba me khang ha ka pyrthei yn khang ïa ka ha bneng, bad kaei kaba me shah ha ka pyrthei yn shah ïa ka ha bneng.”

KA BAIBL

¹⁹ Bad ngan ai ha me ïa ki shabi ka hima ki bneng; te kaei kaei ruh ïa kaba men teh ha ka khyndew yn teh ïa ka ha bneng ruh, bad kaei kaei ruh ïa kaba men pyllait ha ka khyndew yn pyllait ïa ka ha bneng ruh.”

MATHAÏOS 16:19 ပူးပေါင်းရင်းမြစ်များ

ISAÏAH 22:22

Ngan ai lut ha u, ka iktiar hapoh jong u syiem, uba hiarpateng jong u Dabid. Un don ki shabi jong ka jaka treikam; kaei kaba u plie, ym don mano mano ban khang, bad kaei kaba u khang, ym don mano mano ban plie.

MATHAÏOS 18:18

“Bad kumta nga ong ha phi baroh: ïa kaei kaba phi khang ha ka pyrthei yn khang ha bneng, bad ïa kaei kaba phi shah ha ka pyrthei yn shah ha bneng.

ÏOANNIS 20:23

Lada phi map ïa ki pop jong ki briew, la map ïa ki; lada phim map ïa ki, ïa ki ym shym la map.”

KI KAM 15:7

Hadien ka jingïatainia kaba slem u Petros u la ïeng bad u la ong, “Ko hynmen ko para jong nga, phi tip ba la kham slem mynshuwa U Blei u la jied ïa nga napdeng jong phi ban ïalap ïa ka Khubor Babha sha ki Jentil, khnang ba ki lah ban ïohsngew bad ngeit.

2 KORINTH 2:10

Haba phi map ïano ïano ïa kaei kaba u la leh, nga ruh nga map ïa u kumjuh. Naba haba nga map — lada, shisha, ka dei ïa nga ban map ïa kano kano — nga leh ïa kata ha khmat U Khrist namar jong phi, khnang ban ym shah ïa u Soitan ban leh donbor halor jong ngi; naba ngi tip kiei ki jingthmu jong u ki long.

1 THESSALONI 4:8

Kumta te, uno uno uba kyntait ïa kane ka jinghikai, um kyntait ïa u briew, hynrei ïa U Blei, uba ai ha phi ïa U Mynsiem Bakhuid jong u.

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 11:6

Ki don ka bor ban set ïa ka sahit bneng ba yn ym hap slap ha ka por ba ki pynbna ïa ka khubor U Blei. Ki don ka bor ruh halor ki pukri um, ban pynkylla snam ïa ki; ki don ka bor ruh ban shoh ïa ka khyndew da kano kano ka jait khlam katba shong ka mon jong ki.

JINGPYNPAW 3:7

“Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.

JINGPYNPAW 9:1

Nangta u angel uba san u la put ïa ka turoi. Nga la ïohi ïa u khlur uba la hap sha ka khyndew, bad la ai ha u ïa u shabi jong ka liewlong ba khlem trai.