MATHAÏOS 16:17 - Khasi CL Bible (BSI)

¹⁷ “Kaba bha ïa me, ko Simon u khun jong u Jonah!” la jubab U Jisu. “Naba kane ka jingshisha kam shym la wan ha me na uno uno u briew, hynrei la ai ïa ka ha me beit beit da U Kpa jong nga uba ha bneng.

KA BAIBL

¹⁷ U Jisu te u la ïathuh bad u la ong ha u, “Suk ma me, ko Simon u khun u Jonah, naba ka doh bad ka snam kam shym la pyni ïa kata ha me, hynrei, U Kpa jong nga uba ha bneng.

MATHAÏOS 16:17 ပူးပေါင်းရင်းမြစ်များ

ISAÏAH 54:13

“Nga da lade ngan hikai ïa ki briew jong pha, bad ngan ai ha ki ïa ka jingmanbha bad ka jingsuk.

LOUKAS 22:32

Hynrei nga la duwai na ka bynta jong me, ko Simon, ba ka jingngeit jong me kan ym duh noh. Bad haba me la wan phai pat sha nga, me dei ban pynkhlaiñ ïa ki hynmen ki para jong me.”

ÏOANNIS 1:42

Te u la ïalam ïa u Simon sha U Jisu. U Jisu u la peit ïa u bad u la ong, “Ka kyrteng jong me ka long u Simon u khun jong u Jona, hynrei yn khot ïa me u Kephas.” (Kane ka long kumjuh kum ka kyntien “Petros” kaba mut “u mawsiang”.)

ÏOANNIS 6:45

Ki nongïathuhlypa ki la thoh, ‘Uwei pa uwei baroh un ïoh hikai na U Blei.’ Uno uno uba shahshkor ïa U Kpa bad ïoh hikai na u, u wan sha nga.

1 KORINTH 15:50

Kaei kaba nga mut, ko parabangeit, ka long ba kaei kaba la thaw da ka doh bad ka snam kam lah ban ïadon bynta ha ka Hima U Blei, bad kaei kaba dei ban ïap kan ym ïohkynti ïa ka jingbymïap shuh.

GALATIA 1:16

Bad ynda u la kut jingmut ban pynpaw ïa la U Khun ha nga, khnang ba nga lah ban ïalap ïa ka khubor babha shaphang jong u ha ki Jentil, ngam shym la leit wad buit nano nano,

EPHESOS 2:8

Namar dei da ka jingaiei U Blei ba ïa phi la pynim da ka jingngeit. Kam dei na ka jingmih na ki kam jong phi hi, hynrei ka long ka jingai U Blei, khnang ba uno uno un ym lah ban kren sarong shaphang kata.

EPHESOS 3:5

Ha ki por ba-mynshuwa ïa u khunbynriew ym shym la ïathuh ïa kane ka jingmaïan, hynrei, U Blei u la pynpaw ïa ka mynta da U Mynsiem ha ki apostol bad ki nongïathuhlypa bakhuid jong u.

EPHESOS 6:12

Naba ngim ïaleh pyrshah ïa ki briew hynrei pyrshah ïa ki bor bymman ba kynja mynsiem ha ka pyrthei ba kynja bneng, ki nongsynshar, ki bor synshar, bad ki bor pyrthei jong kane ka juk ba-dum.

HEBRU 2:14

Namar ba kita ki khun, kumba u khot ïa ki, ki long ki briew na ka doh bad ka snam, U Jisu u la long u briew kum ma ki hi bad ïoh bynta lang na ka jinglongbriew jong ki. U la leh ïa kane, khnang ba da ka jingïap jong u, u lah ban pynduh ïa u Bymman, uba don ka bor halor ka jingïap,

1 PETROS 5:1

Ma nga, uba ïa lade nga long u nongsharai balang, nga kyntu ïa ki nongsharai balang ka balang hapdeng jong phi. Nga long u sakhi ïa ki jingshahshitom U Khrist, bad ngan ïoh bynta ha ka burom kaba yn sa pynpaw.

1 ÏOANNIS 4:15

Lada uno uno u pynbna ba U Jisu u long U Khun U Blei, u im ha U Blei bad U Blei u im hapoh jong u.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.