MATHAÏOS 16:16 - Khasi CL Bible (BSI)

¹⁶ U Simon Petros u la jubab, “Me long U Messaïah, U Khun jong U Blei uba im.”

KA BAIBL

¹⁶ U Simon Petros u la ïathuh bad u la ong, “Me long U Khrist, U Khun U Blei ba-im.”

MATHAÏOS 16:16 ပူးပေါင်းရင်းမြစ်များ

SALM 2:7

“Ngan pynbna,” ong u syiem, “ïa kaei kaba U Trai u la pynbna. U ong ha nga: ‘Me long u khun jong nga; ha kane ka sngi nga la long u kpa jong me.

SALM 42:2

Nga sliang ïa me, U Blei ba-im; lano nga lah ban leit bad mane ha ka jingdon ryngkat jong me?

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

MATHAÏOS 14:33

Nangta ki synran hapoh ka lieng ki la mane ïa U Jisu. “Da shisha me long U Khun U Blei!” ki la pynbna.

MATHAÏOS 16:15

“Kumno ma phi pat?” U la kylli ïa ki. “Phi ong nga long uei?”

MATHAÏOS 26:63

Hynrei U Jisu u shu sngap. Sa shisien pat u Rangbah Lyngdoh u la kren ha u, “Ha ka kyrteng jong U Blei uba im, mynta nga buh ïa me ha ka jingsmai: Ïathuh ïa ngi lada me dei u Messaïah, U Khun U Blei.”

MATHAÏOS 27:54

Haba u rangbah shipai bad ki shipai kiba bad u, kiba la ïa-ap ïa U Jisu ki la ïohi ïa u jumai bad ïa kiei kiei baroh kiba la jia, ki la sngewshyrkhei bad ki la ong, “Da shisha u la long U Khun U Blei!”

MATHAÏOS 4:3

Te u Soitan u la wan ha U bad u la ong, “Lada me long U Khun U Blei, hukum ïa kine ki maw ban kylla kpu.”

MARKOS 14:61

Hynrei U Jisu u la sngap jar bad um ong shikyntien ruh. U Rangbah Lyngdoh u la kylli biang ïa u, “Hato me long U Messaïah, U Khun jong U Blei ba la kyrkhu?”

LOUKAS 2:11

Ha kane ka sngi ha ka shnong u Dabid la kha ïa U Nongpynim jong phi — U Khrist U Trai!

ÏOANNIS 1:49

“Ko Nonghikai,” la jubab u Nathanael, “me long U Khun U Blei! Me long u Syiem ki Israel!”

ÏOANNIS 11:27

“Ho-oid, ko Trai!” ka la jubab. “Nga ngeit ba me long U Messaïah, U Khun U Blei, u ban sa wan sha ka pyrthei.”

ÏOANNIS 20:31

Hynrei ïa kine la thoh khnang ba phin ïoh ngeit ba U Jisu u long U Messaïah, U Khun U Blei, bad da kaba ngeit ha u phin ïoh ïa ka jingim.

ÏOANNIS 6:57

U Kpa uba im u la phah ïa nga, bad namar jong u nga ruh nga im. Ha kajuh ka rukom uno uno uba bam ïa nga un im namar jong nga.

ÏOANNIS 6:68

U Simon Petros u la jubab ïa u, “Ko Trai, sha uno pat ngin leit? Me don ki ktien kiba ai ïa ka jingim bymjukut.

ÏOANNIS 6:69

Bad mynta ngi ngeit bad ngi tip ba me long uta U Bakhuid uba la wan na U Blei.”

KI KAM 14:15

“Balei phi leh ïa kane? Ngi hi ngi long tang ki briew kiba kum ma phi! Ngi don hangne ban pynbna ïa ka Khubor Babha, ban pynphai noh ïa phi na kine kiei kiei ki bymmyntoi sha U Blei uba im, uba la thaw ïa ka bneng, ïa ka khyndew, ïa ka duriaw, bad ïa baroh kat kaba don ha ki.

KI KAM 8:36

Katba ki nang ïaleit ha lynti, ki la poi ha ka jaka ha kaba la don khyndiat ka um, bad uta u rangbah synshar u la ong, “Hangne ka don ka um. Kaei kaba khang ïa nga na kaba shah pynbaptis?”

KI KAM 8:37

U Philip u la ong ha u, “Lah ban pynbaptis ïa me lada me ngeit da ka dohnud baroh.” “Nga ngeit,” u la jubab; “nga ngeit ba U Jisu Khrist u long U Khun U Blei.”

KI KAM 9:20

U la leit beit sha ki synagog u la sdang ban ïalap ba U Jisu u long U Khun U Blei.

Ka Shithi U Paul Sha Ki Nong Rom 1:4

shaphang ka jinglong Blei bakhuid jong u, la pyn-i shynna da ka bor bakhraw ban long U Khun jong U Blei da kaba pynmihpat na ka jingïap.

2 KORINTH 1:19

Naba U Jisu Khrist, u Khun U Blei, ïa uba la ïalap hapdeng jong phi da u Silas, u Timothi bad da nga hi, um long uta uba “Ho-oid” bad “Em.” Hynrei, u long ma u kaba “Ho-oid” jong U Blei; naba dei ma u, uba long kaba “Ho-oid” ïa ki jingkular U Blei baroh.

2 KORINTH 3:3

Ka long kaba shai ba U Khrist da lade hi u la thoh ïa kane ka shithi bad u la phah ïa ka da ngi. Naba la thoh, ym da ka sia hynrei da U Mynsiem jong U Blei uba im, bad ym ha ki mawlyngkniap hynrei ha ki dohnud briew keiñ.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

DEUTERONOMI 5:26

Ju don mo u briew uba dang im hadien ba u la ïohsngew ïa U Blei uba im ba u kren napdeng ka ding?

1 THESSALONI 1:9

Kito ki briew baroh, ki kren shaphang kumno ba phi la pdiang ïa ngi myn haba ngi la wan jngoh ïa phi, bad kumno ba phi la phai noh na ki bleithaw sha U Blei, ban shakri ïa U Blei uba shisha bad uba im

1 TIMOTHI 3:15

Hynrei lada la kum pyntud ïa nga, kane ka shithi kan ïathuh ïa me kumno ba ïa lade ngi dei ban long ha ka longïing jong U Blei, kaba long ka balang jong U Blei uba im, ka rijied bad nongkyrshan jong ka jingshisha.

1 TIMOTHI 4:10

Ngi ïaleh tyngeh bad trei shitom, namar ngi la buh ïa ka jingkyrmen jong ngi ha U Blei uba im, uba long U Nongpynim ïa baroh bad khamtam ïa kito kiba ngeit.

HEBRU 10:31

Ka long kaei kaei kaba shyrkhei ban hap ha ki kti jong U Blei uba im!

HEBRU 12:22

Pynban, phi la wan sha u lum Seïon bad sha ka nongbah jong U Blei uba im, ka Jerusalem kaba kynja bneng, ha kaba la don bun hajar ki angel.

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

1 ÏOANNIS 4:15

Lada uno uno u pynbna ba U Jisu u long U Khun U Blei, u im ha U Blei bad U Blei u im hapoh jong u.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

1 ÏOANNIS 5:5

Uei uba lah ban jop ïa ka pyrthei? Tang u briew uba ngeit ba U Jisu u long U Khun U Blei.

JINGPYNPAW 7:2

Bad nga la ïohi ïa uwei pat u angel uba wan kiew na shaphang mihngi lem bad ka shab jong U Blei uba im. U la pyrta ha ka ktien kaba jam ïa ki saw ngut ki angel ha kiba U Blei u la ai bor ban pynjot ïa ka khyndew bad ïa ka duriaw.