MATHAÏOS 16:13 - Khasi CL Bible (BSI)

¹³ U Jisu u la leit sha ka thain hajan ka shnong Kaisaria Philippi, ha kaba u la kylli ïa la ki synran, “Ki briew ki ong ba U Khun U Briew u long uei?”

KA BAIBL

¹³ Haba U Jisu u la wan sha ki phang ka Kaisaria Philippi, u la kylli ïa ki synran jong u, u da ong, “Ki briew ki ong uei ïa nga, U Khun u briew?”

MATHAÏOS 16:13 ပူးပေါင်းရင်းမြစ်များ

DANIEL 7:13

Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

MATHAÏOS 12:32

Uno uno uba kren ei ei pyrshah ïa U Khun U Briew u lah ban ïoh jingmap; hynrei uno uno uba kren ei ei pyrshah ïa U Mynsiem Bakhuid un ym ïoh jingmap — mynta lane junom.

MATHAÏOS 12:40

Ha kajuh ka rukom ba u Jonah u la pynlut lai sngi bad lai miet hapoh u dohkha uba heh, kumta U Khun U Briew un pynlut lai sngi bad lai miet ha kiba jylliew jong ka khyndew.

MATHAÏOS 12:8

namar U Khun U Briew u long U Trai jong ka Sabbaton.”

MATHAÏOS 13:37

U Jisu u la jubab, “U briew uba la bet ïa u symbai babha u long U Khun U Briew;

MATHAÏOS 13:41

U Khun U Briew un phah ïa la ki angel ba lumlang napoh ka Hima jong u ïa kito baroh kiba pynlong ïa ki briew jong u ban leh pop bad ïa baroh kiwei pat kiba leh ïa kiei kiei kiba sniew,

MATHAÏOS 15:21

U Jisu u la mihnoh na kata ka jaka bad u la leit sha ka thain hajan ki nongbah Tyros bad Sidon.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MATHAÏOS 16:28

Nga pynthikna ïa phi ba don katto katne hangne ki ban ym ïap tad haduh ba kin da ïohi ba U Khun U Briew u wan kum u Syiem.”

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

MATHAÏOS 8:20

U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

MATHAÏOS 9:6

Ngan pynshisha ha phi, te, ba U Khun U Briew u don ka iktiar ha ka khyndew ban map ïa ki pop.” Kumta u la ong ha u briew uba ïapshiliang, “To ïeng joit, to rah ïa la ka jingthiah, bad leit sha ïing!”

MARKOS 10:45

Namar wat U Khun U Briew um shym la wan ba un shah shakri; u la wan ban shakri bad ban aiti ïa la ka jingim ban pynim ïa kiba bun ki briew.”

MARKOS 8:38

Lada u briew u lehrain ïa nga bad ïa ka jinghikai jong nga ha kane ka sngi jong ka jingbymriewblei bad ka jingbymman, te U Khun U Briew un lehrain ïa u haba un wan ha ka burom jong U Kpa jong u ryngkat bad ki angel bakhuid.”

ÏOANNIS 1:51

Bad u la ong ha ki, “Nga ïathuh ha phi ïa ka jingshisha: Phin sa ïohi ïa ka bneng ba la plie bad ki angel jong U Blei ba ki ïakiew bad ïahiar ha U Khun U Briew.”

ÏOANNIS 12:34

U paidbah u la jubab, “Ka hukum jong ngi ka ïathuh ba U Messaïah un im junom. Kumno, te, me lah ban ong ba ka dei ïa U Khun U Briew ban kyntiew? Uei une U Khun U Briew?”

ÏOANNIS 3:14

Kumba u Moses u la kyntiew ïa u 'seiñ rnong ha u dieng ha ka ri shyiap, ha kajuh ka rukom ka dei ïa U Khun U Briew ba yn kyntiew shajrong, ba uno uno uba ngeit ha u un ïoh ka jingim bymjukut.

ÏOANNIS 5:27

Bad u la ai ha U Khun ïa ka hok ban bishar, namar u long U Khun U Briew.

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 7:56

“Ha khmih!” u la ong. “Nga ïohi ïa ka bneng ba la plie bad ïa U Khun U Briew ba u ïeng ha ka liang kamon jong U Blei!”