MATHAÏOS 15:28 - Khasi CL Bible (BSI)

²⁸ Kumta U Jisu u la jubab ïa ka, “Pha long ka briew kaba khraw ka jingngeit! Ïa kaei kaba pha kwah yn leh na ka bynta jong pha.” Bad ha kata ka khyllipmat la pynkhiah ïa ka khun jong ka.

KA BAIBL

²⁸ Ynda kumta, U Jisu u la ïathuh bad u la ong ha ka, “Ko kynthei, kaba khraw ka jingngeit jong pha; to kan long ïa pha kumba pha mon.” Ka khun jong ka, ka la khiah te naduh kata ka por.

MATHAÏOS 15:28 ပူးပေါင်းရင်းမြစ်များ

Ka Kitab U Job 13:15

Nga la duh baroh ka jingkyrmen, te yn lei lada U Blei u pynïap noh ïa nga? Ngan leit ban ïasaid ïa ka kam jong nga ha u.

Ka Kitab U Job 23:10

Pynban U Blei u tip ïa ka jingjam baroh kaba nga shim; lada u tynjuh ïa nga, un shem ba nga long khuid.

SALM 145:19

U pyndap ïa ki jingdonkam jong kito kiba pyndonburom ïa u; u sngew ïa ki jingkyang jong ki bad u pynim ïa ki.

SNGEWSYNEI 3:32

U lah ban wallam ka jingsngewsih ha ngi, hynrei ka jingieit jong u ïa ngi ka long kaba thikna bad kaba khlaiñ.

MATHAÏOS 14:31

Shisyndon U Jisu u la kner bad u la batskhem ïa u bad U la ong, “Katno kaba rit ka jingngeit me don! Balei ba me artatien?”

MATHAÏOS 15:27

“Kata ka long kaba shisha, ko Kynrad,” ka la jubab; “hynrei wat ki ksew ki ïabam ïa kiba sah tam kiba hap na ka miej u kynrad jong ki.”

MATHAÏOS 8:10

Haba U Jisu u la ïohsngew ïa kane, u la lyngngoh bad u la ong ha ki briew kiba bud ïa u, “Nga ong ha phi, ngam pat ju shem ïano ïano ha Israel lem bad ka jingngeit kaba kum kane.

MATHAÏOS 8:13

Nangta U Jisu u la ong ha u rangbah pynïaidkam, “Khie leit noh sha ïing, bad ïa kaei kaba me ngeit yn sa leh na ka bynta jong me.” Bad ïa u shakri jong u rangbah pynïaidkam la pynkhiah ha kata hi ka khyllipmat.

MATHAÏOS 9:22

U Jisu u la phai sawdong bad u la ïohi ïa ka, bad u la ong, “To long shlur, ko ka khun jong nga! Ka jingngeit jong pha ka la pynkoit ïa pha.” Ha kata ka khyllipmat ka kynthei ka la koit.

MARKOS 5:34

U Jisu u la ong ha ka, “Ko khun jong nga, ka jingngeit jong pha ka la pynkhiah ïa pha. Khie leit ha kaba suk, bad to long kaba la khiah na ka jingshitom jong pha.”

LOUKAS 17:5

Ki apostol ki la ong ha U Trai, “To kham pynkhraw ïa ka jingngeit jong ngi.”

LOUKAS 7:50

Hynrei U Jisu u la ong ha kata ka briew, “Ka jingngeit jong pha ka la pynim ïa pha; khie leit ha kaba suk.”

LOUKAS 7:9

U Jisu u la kyndit haba u la ïohsngew ïa kane; u la phai sawdong bad u la ong ha u paidbah uba bud ïa u, “nga ong ha phi, ngam pat ju shem ka jingngeit kaba kum kane, ym don wat ha Israel ruh!”

2 THESSALONI 1:3

Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.