MATHAÏOS 15:19 - Khasi CL Bible (BSI)

¹⁹ Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

KA BAIBL

¹⁹ Naba na ka dohnud ki mih noh ki jingmut bymman, kaba pynïap, kaba klim, kaba ïakai kynthei, kaba tuh, kaba sakhi lamler, kaba krenbeiñ.

MATHAÏOS 15:19 ပူးပေါင်းရင်းမြစ်များ

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

SALM 119:113

Nga isih ïa kito ki bym shaniah tylli ha me, hynrei nga ieit ïa ka aiñ jong me.

PROBERB 22:15

Ki khynnah na la ka tynrai ki leh kiei kiei kiba ibieit, khlem sumar, hynrei ka jingsneng sympat kaba bha ka hikai ïa ki kumno ban long.

PROBERB 24:9

Kano kano ka jingthmu ba u bieit u pyrkhat ka long pop. Ki briew ki isih ïa u briew u bym don ei ei hynrei uba rkhiebeiñ ïa kiwei.

PROBERB 4:23

Da phikir kumno phi pyrkhat; naba ki jingpyrkhat jong phi ki saiñdur ïa ka jingim jong phi.

PROBERB 6:14

Baroh shi katta ki ïai pyrkhat sniew ha la ka jingmut bakynriang, ki pynkhih jingkulmar kat shaba ki leit.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

ISAÏAH 59:7

Borabor phi thmu ïa kaei kaei kaba sniew, bad phim lah ap ban leh ïa kata. Phim ju sngew ei ei ban pynïap ïa ki briew kiba lui lui; ka jingduh bad ka jingpynjot ki wan jia kat shaba phi leit.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

JINGKHEIÑ 22:29

U Balaam u jubab, “Namar ba pha la pynlong u bieit ïa nga! Ba ngan da don waitlam, ngan jin da la pynïap ïa pha.”

MATHAÏOS 15:20

Kine ki long kiei kiei kiba pynlong bymkhuid ïa u briew. Hynrei ban bam khlem da thet ïa ki kti jong phi kumba ki ong ïa phi ban leh kumta — Kane kam pynlong bymkhuid ïa u briew.”

MATHAÏOS 5:28

Hynrei mynta nga ong ha phi: uno uno uba khmih ïa ka briew bad kwah ban ïoh ïa ka u la hap ha ka jingpynrem jong ka jingklim bad ka hapoh ka dohnud jong u.

MATHAÏOS 9:4

U Jisu u la tip ïa kaei kaba ki pyrkhat, kumta u la ong, “Balei phi ïa-pyrkhat ïa kine kiei kiei kiba sniew?

KI KAM 8:22

To kylla-kaba-mut, te, na kane ka jingthmu bymman jong me, bad duwai ha U Trai ba un map ïa me na kaba pyrkhat ïa kaba kum kane.

Ka Shithi U Paul Sha Ki Nong Rom 7:18

Nga tip ba kaba bha kam im hapoh jong nga — kata, ha ka jinglong ba kynja doh jong nga. Naba wat la ka jingkwah ban leh ïa kaba bha ka don hapoh jong nga, ngam lah ban leh ïa ka.