MATHAÏOS 14:8 - Khasi CL Bible (BSI)

⁸ Ha ka jingaibuit ka kmie jong ka, ka la pan na u, “To ai ïa nga mynta hangne ïa ka khlieh jong u Ïoannis u Nongpynbaptis ha ka pliang!”

KA BAIBL

⁸ Ka ruh, haba ka la suh buit ka kmie jong ka, ka la ong, “To ai ha nga hangne ïa ka khlieh u Ïoannis u Nongpynbaptis ha ka pliang.”

MATHAÏOS 14:8 ပူးပေါင်းရင်းမြစ်များ

1 SYIEM 18:13

Phim shym ïohsngew ba katba ka Jesebel ka dang pynïap ïa ki nongïathuhlypa jong U Trai, nga la buhrieh shispah ngut na ki ha ki krem, ha ki ar kynhun kiba sanphew ngut kawei kawei ka kynhun, bad pynbiang jingbam bad um ïa ki?

1 SYIEM 18:4

bad haba ka Jesebel ka dang pynïap ïa ki nongïathuhlypa jong U Trai, u Obadaïah u la shim bad pynrieh ïa ki shispah ngut ki nongïathuhlypa ha ki krem, da kaba phiah ïa ki ha ki ar kynhun kiba sanphew ngut ha kawei kawei ka kynhun, bad u la pynbiang jingbam bad um ïa ki.)

1 SYIEM 19:2

Ka la phah khubor sha u Elijah: “Ai ba ki blei kin pynïap ïa nga lashai kum ha kane ka por lada ngam leh ïa kajuh kaba me la leh ïa ki nongïathuhlypa.”

2 SYIEM 11:1

Ka Athalaïah ka kmie jong u syiem Ahasaïah ka tang shu mar ïatip ïa ka jingshah pynïap u khun jong ka, ka ai hukum ba yn pynïap ïa baroh ki dkhot jong ka longïing syiem.

ESRA 1:9

kumne harum: Laiphew tylli ki pliang ksiar ba pyndonkam ha ki jingainguh. Shihajar tylli ki pliang rupa ba pyndonkam ha ki jingainguh. Arphew khyndai tylli kiwei pat ki pliang. Laiphew tylli ki pliang rupa barit. Sawspah shiphew tylli ki pliang ksiar barit. Laiphew tylli kiwei pat ki khiew ki pliang.

PROBERB 1:16

Kim lah ap ban leh ïa kaei kaei kaba sniew. Ki long borabor kiba kloi ban pynïap.

PROBERB 29:10

Ki briew kiba thrang snam ki isih ïa uno uno uba lehhok, hynrei ki briew bahok kin ïada ïa ka jingim jong kum uta u briew.

MATHAÏOS 14:11

Ïa ka khlieh la wallam shapoh ha ka pliang bad la ai ha ka khynnah, kaba la rah ïa ka sha la ka kmie.

MATHAÏOS 14:7

U Herod u la sngewbha eh haduh ba u la kular ïa ka, “Nga smai ba ngan ai ha pha ïa kano kano kaba pha pan!”

MATHAÏOS 14:9

U syiem u la sngewsih, hynrei namar ka jingkular kaba u la lah pynlong ha khmat baroh ki nongshahkhot sngewbha jong u, u la ai ki hukum ba ïa ka jingkwah jong ka yn ai.

MARKOS 6:24

Kumta ka khynnah ka la leit noh bad ka la kylli ïa ka kmie jong ka, “Kaei ngan pan?” “Ka khlieh jong u Ïoannis u Nongpynbaptis,” ka la jubab.

MARKOS 6:25

Mar kumta hi ka khynnah ka la leit phai kloi kloi pat sha u syiem bad ka la dawa, “Nga kwah ïa phi ban ai mynta hangne ha ka pliang, ïa ka khlieh u Ïoannis u Nongpynbaptis!”

MARKOS 6:28

nangta u la wallam ïa ka ha ka pliang bad ai ha ka khynnah, kaba la ai ïa ka ha la ka kmie.