MATHAÏOS 14:6 - Khasi CL Bible (BSI)

⁶ Ha ka sngi kha jong u Herod, ka khun jong ka Herodias, ka la shad ha khmat jong ka kynhun baroh kawei.

KA BAIBL

⁶ Te haba la dei ka sngi kha u Herod, ka khun ka Herodias ka la shad ha khmat jong ki, bad ka la pynsngewbha ïa u Herod.

MATHAÏOS 14:6 ပူးပေါင်းရင်းမြစ်များ

JENESIS 40:20

Hadien lai sngi, ha ka lyngkhuh sngi kha jong u, u syiem u pynlong ka jingkhawai ïa ki rangbah synshar jong u baroh; u la pyllait noh ïa u nongrah khuri bad ïa u nongshet kpu rangbah jong u, bad u la wallam ïa ki ha khmat ki rangbah synshar jong u.

ESTHER 2:18

Nangta u syiem u pynlong ka jingkhawai kaba khraw kum ka jinglehburom ïa ka Esther bad khot sngewbha ïa baroh ki rangbah synshar bad nongpynïaidkam. U la pynbna shuti ha ka hima baroh kawei bad ai ki jingai sngewbha kiba shongdor kum ïa u syiem.

MATHAÏOS 14:3

Naba u Herod u la lah hukum mynshuwa ban kem ïa u Ïoannis, bad u la phah teh kynjri bad set byndi ïa u. U la leh ïa kane namar ka Herodias, ka tnga jong u Philip u para jong u.

MATHAÏOS 14:7

U Herod u la sngewbha eh haduh ba u la kular ïa ka, “Nga smai ba ngan ai ha pha ïa kano kano kaba pha pan!”

MATHAÏOS 22:24

“Ko Nonghikai,” ki la ong, “u Moses u la ong ba lada u briew u bym don khun u ïap, u para jong u, u dei ban shongkurim ïa ka tnga jong une uba la ïap khnang ba ki lah ban ïoh khun ïa kiba yn lah ban ñiew kum ki khun jong une u briew uba la ïap.

MARKOS 6:14

Mynta u syiem Herod u la ïohsngew shaphang kane baroh, namar ka nam U Jisu ka la phriang kylleng. Katto katne ngut ki briew ki ïa-ong, “U Ïoannis u Nongpynbaptis u la im pat! Dei na kata ka daw balei u don ïa kane ka bor ban leh ki kambah.”

MARKOS 6:17

U Herod da lade hi u hukum ïa ka jingkem ïa u Ïoannis, bad u la phah teh kynjri ïa u bad phah set ha ka byndi. U Herod u la leh ïa kane namar ka Herodias, ïa kaba u la lah shongkurim, wat la ka la long ka tnga u para jong u, u Philip.

MARKOS 6:19

Kumta ka Herodias ka buhnud pyrshah ïa u Ïoannis bad ka la kwah ban pynïap noh ïa u, hynrei kam shym la lah namar u Herod.

MARKOS 8:15

“Sumar bha,” U Jisu u la maham ïa ki, “bad sumar ïa lade na u thiat jong ki Pharisi bad u thiat jong u Herod.”

LOUKAS 13:31

Ha kata ka por katto katne ngut ki Pharisi ki la wan sha U Jisu bad ki la ong ha u, “Me dei ban phet noh nangne bad leit shawei pat, namar u Herod u kwah ban pynïap ïa me.”

LOUKAS 23:11

U Herod bad ki shipai jong u ki la krenbeiñ ïa U Jisu bad kim ñiewburom ïa u; nangta ki la buh ka jaiñkup ba-itynnat halor jong u bad u la phah pat ïa u sha u Pilat.

LOUKAS 23:7

Haba u la tip ba U Jisu u la dei na ka thain ba la synshar da u Herod, u la phah ïa u sha u Herod, uba la don ruh ha Jerusalem ha kata ka por.

LOUKAS 3:1

Ka la long ka snem kaba khatsan jong ka jingsynshar u Patsha Tiberios; u Pontios Pilat u la long u lyngskor jong ka Judia, U Herod u la long u nongsynshar jong ka Galilaïa, bad u Philip u para jong u, u la long u nongsynshar jong ka thain Ituria bad Trakhonitis; u Lysanias u la long u nongsynshar jong ka Abilene,

LOUKAS 3:19

Hynrei u Ïoannis u la pynrem jur ïa u Herod, uba long u lyngskor, namar u la shongkurim ïa ka Herodias, ka tnga jong u para jong u, bad u la leh bun kiei kiei kiba sniew.

LOUKAS 8:3

Ka Ïoanna, uba u Khusa u tnga jong ka u long u rangbah pynïaidkam ha ka ïingbishar jong u Herod; bad ka Susanna, bad bun kiwei pat ki kynthei kiba la pyndonkam ïa la ki jong ki jingïoh ban ïarap ïa U Jisu bad ïa ki synran jong u.

KI KAM 12:1

Hamar kane ka por u Syiem Herod u la sdang ban pynshitom beiñ ïa ki katto katne ngut ki dkhot jong ka balang.

KI KAM 4:27

Naba shisha u Herod bad u Pontios Pilat ki la ïakynduh lang ha kane ka nongbah lem bad ki Jentil bad ki paid Israel pyrshah ïa U Jisu, u shakri bakhuid jong me, ïa uba me la pynlong U Messaïah.