MATHAÏOS 14:5 - Khasi CL Bible (BSI)

⁵ U Herod u la kwah ban pynïap ïa u, hynrei u la sheptieng ïa ki paid Jiw, namar ki la ñiew ïa u Ïoannis kum u nongïathuhlypa.

KA BAIBL

⁵ Haba u mon te ban pynïap ïa u, u la sheptieng ïa u paidbah, naba ki ju ñiew ïa u kum u nongïathuhlypa.

MATHAÏOS 14:5 ပူးပေါင်းရင်းမြစ်များ

JEREMAÏAH 26:21

Haba u syiem Jehoïakim bad ki shipai bad ki rangbah synshar jong u ki la ïohsngew ïa kaei kaba u Uriah u la lah ong, u syiem u la pyrshang ban phah pynïap ïa u. Hynrei u Uriah u la ïohsngew shaphang kata; kumta u la phet ha ka jingsngewtriem bad u la lait phet sha Ijipt.

MATHAÏOS 11:9

Ïathuh ïa nga, ïa kaei phi ïaleit ban peit? Ïa u nongïathuhlypa? Ho-oid da shisha, hynrei phi la ïohi ïa uba kham palat ban ïa u nongïathuhlypa.

MATHAÏOS 21:26

Hynrei lada ngi ong, ‘Na u briew,’ ngi sheptieng ïa kaei kaba ki briew ki lah ban leh, namar ki baroh ki la pdiang ba u Ïoannis u la long u nongïathuhlypa.”

MATHAÏOS 21:32

Naba u Ïoannis u Nongpynbaptis u la wan ha phi da kaba pyn-i ha phi ïa ka lynti ïaid kaba dei, bad phim shym la ngeit ïa u; hynrei ki nonglum khajna bad ki nuti ki la ngeit ïa u. Wat haba phi la ïohi ïa kane, phim shym la kylla ïa la ki jingmut hadien bad ngeit ïa u.

LOUKAS 20:6

Hynrei lada ngi ong ‘Na u briew,’ kine ki paidbah hangne kin lynthem maw ïa ngi, namar ki la sngewskhem ba u Ïoannis u la long u nongïathuhlypa.”

KI KAM 4:21

Kumta ka Dorbar ka la maham ïa ki kham tyngeh bad nangta la pyllait noh ïa ki. Ki la ïohi ba ka long ka bym lah long ban pynshitom ïa ki, namar ki paidbah baroh ki la ïaroh ïa U Blei na ka bynta kaei kaba la jia.

KI KAM 5:26

Kumta u rangbah pynïaidkam u la leit noh bad ki rangbah jong u bad wallam pat ïa ki apostol. Kim shym la pyndonkam ïa ka bor, namar ki la sheptieng ïoh ba ki paidbah ki lah ban lynthem maw ïa ki.