MATHAÏOS 14:31 - Khasi CL Bible (BSI)

³¹ Shisyndon U Jisu u la kner bad u la batskhem ïa u bad U la ong, “Katno kaba rit ka jingngeit me don! Balei ba me artatien?”

KA BAIBL

³¹ Kumne kumne ruh U Jisu haba u la kner ïa la ka kti, U la kem ïa u, bad U la ong ha u, “A me uba rit jingngeit! balei ba me la sngew-artatien?”

MATHAÏOS 14:31 ပူးပေါင်းရင်းမြစ်များ

JENESIS 22:14

U Abraham u khot kyrteng ïa kata ka jaka “U Trai U Pynbiang.” Bad haduh kane ka sngi ruh, ki briew ki dang ong, “Ha u lum jong U Trai u pynbiang.”

SALM 138:7

Haba la ker sawdong ïa nga da ki jingjynjar, me ri sumar ïa nga. Me ïeng pyrshah ïa ki nongshun ba bitar jong nga bad me pyllait im ïa nga da ka bor jong me.

ISAÏAH 63:12

Hangno u don U Trai, uba da ka bor jong u, u la leh ki kam bakhraw lyngba u Moses, u da kad arliang ïa ki um ka duriaw bad ïalam ïa ki briew jong u lyngba ki um kiba jylliew, ban ïoh ïa ka nam baneh junom na ka bynta ïa lade?” Ha ka jingïalam U Trai, ki kjat jong ki, ki long skhem kum ki kulai khlaw, bad kim ju jynthut.

MATHAÏOS 14:30

Hynrei haba u la ïohi ïa ka lyer kaba khlaiñ, u la sheptieng bad u la sdang ban ngam shapoh um. “To pynim ïa nga, A Trai!” u la pyrta.

MATHAÏOS 14:32

Baroh ar ngut ki la kiew halor ka lieng, bad ka lyer ka la sangeh.

MATHAÏOS 16:8

U Jisu u la tip ïa kaei kaba ki la ïakren, kumta u la kylli ïa ki, “Balei ba phi ïakren para ma phi shaphang ka jingbymdon jingbam ei ei? Katno kaba rit ka jingngeit phi don!

MATHAÏOS 17:20

“Ka la long namar phim don ka jingngeit kaba biang,” la jubab U Jisu. “Nga pynthikna ïa phi ba lada phi don ka jingngeit kaba heh kat u symbai tyrso, phi lah ban ong ïa une u lumrit, ‘Khie leit noh nangne shatai!’ bad un leit. Phi lah ban leh ïa kano kano!”

MATHAÏOS 6:30

U long U Blei uba pynkup ïa u phlang khlaw — u phlang uba don hangne mynta bad u bym don shuh lashai, uba la thang duh ha ka lawar ding. Hato un ym da la kham leh thikna ban pynkup jaiñ ïa phi? Katno kaba rit ka jingngeit phi don!

MATHAÏOS 8:26

“Balei ba phi sheptieng haduh katne?” U Jisu u la jubab. “Katno kaba rit ka jingngeit phi don!” Nangta u la khie joit bad u la hukum ïa ki lyer bad ïa ki jingat phyllung ban sangeh, bad ka la don ka jingjai jai kaba khraw.

MARKOS 1:31

U la leit sha ka, u la shim ïa ka na ka kti, bad u la khyllie ïa ka. Ka jingshit ka la iehnoh ïa ka, bad ka la sdang ban shakri ïa ki.

MARKOS 1:41

U Jisu u la dap da ka jingsngewsynei bad u la kner ïa la ka kti bad u la ktah ïa u. “Nga mon,” u la jubab. “To long khuid!”

MARKOS 11:23

Nga ong skhem ha phi ba uno uno uba ong ha une u lum ban ïeng bad pynnoh ïa lade sha ka duriaw bad u bym don jingartatien ha ka dohnud jong u, hynrei ba u da ngeit ïa kaei kaba u ong kan long, yn leh na ka bynta jong u.

MARKOS 16:7

Mynta to leit bad ai ïa kane ka khubor sha ki synran jong u, kynthup ïa u Petros: ‘Un leit sha Galilaïa ha shuwa jong phi; hangta phin ïohi ïa u, kumba u la ong ha phi.’ ”

MARKOS 4:40

Nangta U Jisu u la ong ïa ki synran jong u, “Balei ba phi sheptieng? Hato phim pat don jingngeit satia?”

MARKOS 5:41

U la shim ïa ka na ka kti bad u la ong ïa ka, “Talitha, koum,” kaba mut, “Ko Khynnah rit, nga ong ïa pha ban khie joit!”

LOUKAS 24:34

“U Trai u la mihpat da shisha! U la paw ha u Simon!”

KI KAM 4:30

To kner ïa la ka kti ban pynkhiah, bad ai ba ki kamphylla bad ki kambah yn leh ha ka kyrteng jong U Jisu u Shakri bakhuid jong me.”

DEUTERONOMI 32:36

U Trai un pyllait im ïa la ki briew haba u ïohi ba kim donbor shuh. Un isynei ïa kito kiba shakri ïa u haba u ïohi ba kim lah leh ei ei shuh.

1 TIMOTHI 2:8

Ha man la ka jingshakri ha ka balang, nga kwah ba ki rangbah kin duwai, ki briew kiba la pynkyntang sha U Blei bad kiba lah ban rah ïa la ki kti ha ka jingduwai khlem jingbitar lane ka jingïakajia.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.