MATHAÏOS 14:27 - Khasi CL Bible (BSI)

²⁷ U Jisu u la kren ha ki shisyndon. “To long shlur!” u la ong. “Dei ma nga. To wat sheptieng!”

KA BAIBL

²⁷ Hynrei, U Jisu kumne kumne ruh u la kren ha ki, u da ong, “To sngewshlur; dei ma nga; to wat sheptieng.”

MATHAÏOS 14:27 ပူးပေါင်းရင်းမြစ်များ

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

ISAÏAH 41:4

Mano dei uta ba pynlong ïa kane ban jia? Uba la thmu skhem ïa ka jingïaid ka histori? Nga, U Trai, nga la don hangta naduh mynnyngkong, bad nga, U Trai, ngan ïai don hangta ha kaba kut.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

MATHAÏOS 14:28

Nangta u Petros u la jubab. “Ko Trai, lada dei shisha ma me, hukum ïa nga ban wan sha me halor ka um.”

MATHAÏOS 17:7

U Jisu u la wan sha ki bad u la ktah ïa ki. “To ïeng joit,” u la ong. “To wat sheptieng!”

MATHAÏOS 28:10

“Wat sheptieng,” U Jisu u la ong ha ki. “Khie leit bad ïathuh ïa ki para jong nga ban leit sha Galilaïa bad hangta kin ïohi ïa nga.”

MATHAÏOS 28:5

U angel u la kren ha ki kynthei. “Phim dei ban sheptieng,” u la ong. “Nga tip phi ïawad ïa U Jisu, uba la shah sahnarphna.

MATHAÏOS 9:2

ha kaba katto katne ki briew ki la wallam sha u ïa u briew uba ïapshiliang, uba thiah ha ka jingthiah. Haba U Jisu u la ïohi haduh katno ka jingngeit ki don, u la ong ha u briew uba ïapshiliang, “To long shlur, ko khun jong nga! Ïa ki pop jong me la map.”

MARKOS 6:50

Ki la sheptieng haduh katta katta haba ki la ïohi ïa u. Mar kumta hi U Jisu u la kren ïa ki, “Long shlur!” u la ong. “Dei ma nga. Wat sheptieng!”

LOUKAS 1:13

Hynrei u angel u la ong ha u, “Wat sheptieng, ko Sekharaïah! U Blei u la shahshkor ïa ka jingduwai jong me, bad ka Elisabeth ka tnga jong me kan kha u khun ïa me. Men kyrteng ïa u, u Ïoannis.

LOUKAS 1:30

U angel u la ong ha ka, “To wat sheptieng, ko Mari; U Blei u la sngewbha ïa pha.

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

LOUKAS 2:10

hynrei u angel u la ong ha ki, “To wat sheptieng! Nga don hangne lem bad ka khubor babha na ka bynta jong phi, ka ban wanrah ka jingkmen kaba khraw ha ki briew baroh.

LOUKAS 5:10

Kajuh ka la long ïa ki paralok jong u Simon, u Jakob bad u Ïoannis, ki khun shynrang jong u Sebedi. U Jisu u la ong ha u Simon, “Wat sheptieng; naduh mynta men long u nongtong briew.”

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

ÏOANNIS 6:20

“Wat sheptieng,” U Jisu u la ong ha ki, “dei ma nga!”

KI KAM 23:11

Ha kata ka miet U Trai u la ïeng hajan u Paul bad u la ong, “Wat sheptieng! Me la ai ka jingsakhi na ka bynta jong nga hangne ha Jerusalem, bad me dei ban leh kumjuh ruh ha Rom.”