MATHAÏOS 14:20 - Khasi CL Bible (BSI)

²⁰ Uwei pa uwei u la bam bad u la kdang. Nangta ki synran ki la lum khat-ar tukri pura jong kaei kaba la sah tam.

KA BAIBL

²⁰ Te ki la ïabam baroh, bad ki la kdang; bad ki la ïakhar na kiba lwet basah tam, dap khat-ar tukri.

MATHAÏOS 14:20 ပူးပေါင်းရင်းမြစ်များ

EKSODOS 16:12

“Nga la ïohsngew ïa ki jingkhñium jong ki Israel. Ïathuh ïa ki ba ynda la kem ïongreiñ kin sa ïoh ka doh ban bam, bad ha ka por mynstep kin sa ïoh u kpu uba ki kwah. Te kin tip ba ma nga, U Trai nga long U Blei jong ki.”

EKSODOS 16:8

Nangta u Moses u la ong, “Dei U Trai u ban ai ïa phi ka doh ban bam ha ka por janmiet bad kyrhai u kpu ha ka por mynstep, namar ba u la ïohsngew haduh katno phi la ïakhñium pyrshah ïa u. Haba phi khñium pyrshah ïa ngi, phi ïakhñium shisha keiñ pyrshah ïa U Trai.”

PROBERB 13:25

Kiba hok ki don kyrhai ban bam, hynrei ki bymman ki shahthngan borabor.

LEBITIKOS 26:26

Ngan ot noh ïa ka jingpynpoi jingbam jong phi, ba kumta shiphew ngut ki kynthei kin donkam tang kawei ka dpei ban shet ïa u kpu baroh uba ki don. Kin ïasam ïa uta u kpu da kaba shu thew, bad wat haba phi la bam lut ïa u ruh, phin dang thngan.

HAGGAI 1:6

Phi la bet shibun u kew, hynrei phi la ot tang khyndiat. Phi don ka bam ban bam, hynrei kam biang kat ban pynkdang ïa phi. Phi don ka waiñ ban dih, hynrei kam biang kat ban pynbuaid ïa phi! Phi don ki jaiñkup, hynrei kam biang kat ban pynsyaid ïa phi. Bad u nongtrei um lah ban kamai kat ban biang ban im.

MATHAÏOS 14:21

Ka jingkheiñ ïa ki rangbah kiba la bam ka la long san hajar ngut, khlem da ñiew ïa ki kynthei bad ki khynnah.

MATHAÏOS 15:33

Ki synran ki la kylli ïa u, “Nangno ngin ïoh bam kaba biang ha kane ka ri shyiap ban bsa ïa une u paidbah?”

MATHAÏOS 5:6

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

LOUKAS 1:53

U la pyndap ïa kiba thngan da kiei kiei kiba bha, bad u la phah noh thylli ïa kiba riewspah.

LOUKAS 9:17

Baroh ki la bam bad ki la kdang, bad ki synran ki la lum khat-ar tukri na kaei kaba la sah tam.

ÏOANNIS 6:7

U Philip u la jubab, “Lada uwei uwei un ïoh tang mar khyndiat, kan donkam palat ïa ka arspah tylli ki sbai rupa ban thied kpu kat ban biang.”